من قو شلفا مخلبه كنها السم ! - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

02-18-2011, 03:33 AM

يا فيصل ابن منيف في خافقي هم
---- ياللي كثر ما افهمك تفهم عليه

دامك على ما قيل صاحب وابن عم
---- قابل قضاك وفي يديك القضيه

وش قولتك لا قالوا الناس لي نم
---- وانا عشقت الطير عشق الحميه

وجدي على اللي لا كفخ خمها خم
---- اللي ليا سمي ينومس سميه

من قو شلفا مخلبه كنها السم
---- مع اللحم تنثر شظيه شظيه

واليا تطعم منسره لذة الدم
---- ما اظن تعرف للفريسه هويه

اليا وقف ضم الفخر والثنى ضم
---- واليا التفت سمّت عليه البريه

واليا اعتنق كبد السما كنه الم (M)
---- بالانجليزي ونخوته يعربيه

والا كما نبل ٍ على مضربه هم
---- راعيه في ذبحه يخاف الخطيه

لا راج ما وسط الفضا لمهن لم
---- ما بينهن ما غير تسمع هذيه

لو قستها بالوقت والكيف والكم
---- كنه موصى بالسمينه وصيه

فعله يسابق قولته ابشر وتم
---- ومن الكرم لا صاد صاد الجزيه

وجده على شلوى قبل يقطع اليم
---- ولا جابه الا صيت نجد العذيه

ما يعسره يقطع من الصم للصم
---- لا شك ما يرضى يخلي خويه

هذا هو المطلوب والمشتهى جم
---- والناس يا ابن الناس تشره عليه

اخوكم ومحبكم

سعد مسهوج نقره لعرض الصورة في صفحة مستقلة