هذه القصيده في مدح قبيلة الحازم من الفدعان اهداء لشاعرعنزه الكبير عبدالله العبار اتمنى ان تنال اعجبكم

وقف يا تاريخ الشعر بس لحظات
واسمع كلام ِ جاك عايديقوله





سجل ياتاريخ الشعر للبطولات
واسمع معي تاريخنا والبطوله





حنا عيال العود في كل حزات
ناخذ مع التاريخ صوله وجوله





قمة طربنا والونس والبطولات
لاجا نذير الحرب تقرع طبوله





لاصار مجالد بالسيوف الشطيرات
وكلٍ وقف ينخى عيال الحموله





وزادت عزاوي كل من فيه هقوات
وتسمع دبيك الخيل تركض عجوله





عدونا ينعد باعداد الاموات
عقب سطوع النجم يعلن افوله





يبكي هله عليه مع القرابات
ومن هو سلم ينحاش يشعب ذلوله





يشهد نفود العز وسهال حومات
ويشهد لنا عرعر وتشهد سهوله





وتشهد ايام المسعري بالحكايات
بمشاركتنا الحر توحيد دوله





ستين منا بهبكه راحوا اموات
من تحت بيرق عز ماحدٍ يطوله





شالوا مع ابن سعود للعز رايات
بيعة وفا ماهي مبايع عمولة





يعني ياتاريخ العرب باحترامات
تاريخنا محال احدٍ ينوله





وان كان تبغى الطيب للطيب سادات
كل الحمايل طيبنا صفقوله





البن الاشقر بيننا له دورات
فنجالنا راسك يداوي خموله





حنا لياجانا الضيف نعطي بشارات
نجدع عشاه بوقت نشوف زوله





ومحال منا يشوف في يوم زلات
واذا خلصنا منه نملى عدوله





ودخيلنا نحميه وقت القوامات
ماحدٍ قدر يقرب ترى يوم حوله





لو كان يطلب من كبار الحكومات
من بيننا محال احدٍ ينوله





واذا تبي خوه اخذنا شهادات
حنا هل الخوه ونعرف اصوله





خوينا دايم مبدى على الذات
كنٌه ولدنا طفل جاهل نعوله





نقبل خطاه وناخذه دوم باسكات
ونرفع مقامه لو يزود بنزوله





يعني هل الطولات في كل حالات
حنا وحنا المجد دايم نطوله





حنا عيال العود حنا المروٌات
حنا سباع الارض عرضه وطوله





وختامها سلام واكثر صلوات
على نبي الله محمد رسوله







عايدحواس الحلاس