محرررروت الهذال - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-06-2009, 01:50 PM

يـاصاحـبـي كـنّـا ونـبـقـى حـلاحـيـل = للمجـد نـرقـى فـوق قـمّـة جـبلـهـا

افـهـم عـدل لاتـأول الـوضـع تــأويـل = والكلمه العوجا من المـزح شلهـا

يومـنها بالـسيـف والـرمـح والـخـيـل = نـمـلـك مـزايـيـن الأبـل مـع فحـلهـا

نغير في وسط الضحى واوسط الليل = ونجيبها غصبٍ عن خشـوم أهلهـا

ويــلان حــنـا فـعــلـنــا لــه دوالـيــل = نـردم عـلـى كـبـد الـمعـادي عـللها

وان زغـردت ام الرموش المظالـيـل = وقـامـت تـنـاظـر كـيـف ردّة فعلهـا

نشوش مـن زود السطـر كالمهـابيـل = والـمـوت احلا عندنـا مـن عسلهـا

متوارثين الـمـجـد جـيـلٍ ورى جـيـل = فـتخـيـن الأيـدي كـاسبـينـن نفلهـا

ويلان حـنا أهـل الـكـرم والمعاميـل = عـــاداتـنـا مــاغــيّـرتـهـا فــلـلـهــا

لضيوفــنا نذبـح مـن السمّـن الحـيـل = وقـصـيرنـا مـاراح يـشـكـي مـلـلهـا

والـحـمـد لله يـوم صـارت تـساهـيـل = جـاهـا السديد بديـن ربـي شـملهـا

يكـفـي يمـثـلـنا مـن النفـس حلحيـل = مشعـل أخـو نـوره بجـوده كفـلهـا

مادام صـارت بالذهــب والتهـاويــل = واحـيـت عـلينـا عـنصـريـة جهـلهـا

ماعـاد نـبغى من وراهـا محاصيـل = وقـلـوبـنــا لـلـخـيـر ربــي عــدلـهـا

نعطي الفقير اللي شكى العوز والويل = وام الـيتامـا بذلـنـا قــد وصلـهـا

وضعـيفنا نرفى خماله عـن الميـل = اخـير مـن دفــع الفـلـوس بجملهـا

ونذلـل ظـروف المساجـيـن تذلـيـل = ونعـتــق رقــابٍ دافــع الله أجـلهــا

ياصاحـبي نقـدر وفـينـا لـهـا حـيــل = ونـمـلـك مـلاييـن الـفلـوس وهللها

واذا رغـبنـا باللـيـالـي الــمـقـابـيــل = تـشوف ويلان السعـد وش عملهـا

قـلـتـه وانـا مـاودّي الـقـال والقـيـل = حسبي على اللي حيييل كبدي دبلهـا