قال عبدالله بن دهيمش بن عبار هذه القصيدة قلتها اثني على الشيخ سعد بن عوده بن رشدان الجعفري بعد أن سجل مقطع اشاد بجهدي وذكر الواقع جزاه الله خير على عدله وأنصافه :

سمعـت منطـوق الشجـاع ابـن عـوده *** سعـد رفيع الشان من عـقـب رشـدان
ســعــد كــلام الـحـق قـصــده ومــوده *** صـدح بقول الصّـدق مـا قـال بهتـان
سـعـد مـن أصحـاب القـلـوب الـودوده *** منصـف ولا يظلـم من النـاس أنسان
سيـرت سعـد عـنـد الـرجـال محمـوده *** عسى يـفـداه الـلاّش والنـذل كـوبـان
قـول الحـقـيـقـه يـشـهـره مـا يـكــوده *** حـيـثـه رفيـع المنـزلـه عـالـي الشان
مـن يسمعـه هـرج الخـطـأ مـا يـعـوده *** شرحّه يـنـبـه كـل مخـطـي وغـلطـان
والـلي عـن المجهـود يعـلـن جـحـوده *** وضّـح لمـن عـنـده تـجاهـل ونكـران
مـاهـو مـن أصحاب القلوب الحقـوده *** حيثه من الـلي طبعهم فـعـل الأحسان
يـشـيـد بـالـلـي مـا ذخـر مـن جـهـوده *** فـي كـتـب ولا فـي قصايـد بشـرطـان
والـلي حصـل مـفهـوم نـقصـه وزوده *** ولا أقـول قــول بــلا دلايـل وبـرهـان
مـشـكـور يـالـلي شـاد بـي فـي ردوده *** مـا مـال أبـو عـوده مع فـلان وفـلان
الــوافـي لــلـي مـا يـخـالـف وعـــوده *** أبـي اشكـره في كـل مجلس وديـوان
حـيـثـه عـريـب ويـنـتـبـونـه جـــدوده *** أهـل الكـرم والجـود من نسل شيخان
أدنـاهـم الـلـي تـذكـر الـنـاس جــــوده *** يـفـرح اليـا جـولـه مع الليـل ضيفان
والـكـل مـنـهـم مـا تـراخـت عـضـوده *** لا هـاجـت الهيجاء بالأكوان شجعـان
يـوم الـرجّـال الـكـل يـفـخـر بــفــــوده *** مكسبهـم الخـلـفـات زيـنـات الألـبـان
مــفـاخــر الأمـجــاد مـاهــي مـحـدوده *** وشاهدهم الأفعـال مـن قـدم الأزمـان
نـسـل الـذي طـابــور ربـعــه يــقــوده *** طول المدى شامخ مثل ضلع عرنـان
مـفـاخـر الـرشـدان مـاهـي مـعـــدوده *** يـوم المجاهـد بـيـرقـه فـوق الأمتـان
جـدّه سـعــد هــبـت هـبـايــب سـعـوده *** وحمل البيرق يـوم صولات الأخـوان
ومـطـلـق تــقّــدم والـوثـايـق شـهـوده *** بطـل وشجاع ومن صناديد فـرسـان
جـــاهــد وجــمّــل بـالـفـعـايـل بــدوده *** بـه تـفـتخـر عـزوة سـلايـل سليمـان
يـوم أن أبــو تــركـي يـجـهّـز جـنـوده *** خاضوا معـه بالكون فـي كـل ميدان
ولـد سليمان أهـل الفخـر مـع جـروده *** ضـنـا عـلي وأيـضـاً سـلايـل عـلـيـان
صـقـر الجـزيـره كـان يجـمع حشـوده *** من ديـرة الخفجي إلى شرق جيـزان
يـسـري ويـجـري والـمـعـادي يــذوده *** مـن جـده الـيا طريف لحدود نجـران
الـرايـه الـخـضـراء عـلـيـه مـعـقـــوده *** رمـز الفخر من دور مقرن ومرخان
ثـبـت زعـيـم الشّعـب وأعـلن صمـوده *** يوم الفخـر بالسيف والرّمح والـزّان
عـبـدالـعـزيـز الـلـيـث حـصّـن حـدوده *** صـان الجـزيـره مـن تجبّـر وطغيـان
وأنـجـب بـواسـل مـن نــوادر فـهـوده *** سادوا بحكم الشّرع يـوم السّعـد زان
والـيـوم كـلـن مـهـتـنـي فـي رقـــــوده *** نـنعـم بضـل الأمـن في حكـم سلمـان
ومـحـمـد الــلـي مـن أشـاوس أســوده *** ضـد العنيـد وضـد من بالوطن خـان