نجل العيون لغالي الروح تشتااال - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-27-2017, 07:13 PM

نجل العيون لغالي الروح تشتال ,,,,
,,,,,,,,,,,,,,,,,,,,,,,,,,,,,,,,,,,,,,,,,

وصلتني هذه الابيات من الاخ على الدويمه العنزي ابـو وليد بتوجد
ويتغزل بمحبوبته
حيث يقول :

يا ابو فهد دخيل عينً لها ظلال = يا محمد السوعان فيها ذبحتني
يا ابو فهد والرمش يذبح وقتال = يا ابو فهد انا اشهد انه رمتني
قالت صباح الخير يا طيب الفال = وصديت ماكني سمعته وجتني
قالت علام السمع ؟ عندك به شكال = قلت البلا بالقلب يا معذبتني
قالــت علامه قلت مملوك لازال = اي والله انه ملكها وملكتني
يا بنت ما بالقلب للغيــر منزال = سكرت باب القلب من عاهدتني
لا والذي نـزل تبارك والانفــال = عطيتها انا في مثل ما عطتني
قالت لا والله انت وافي ورجال = الله يهنيها مثل مــا احرمتني
ذا ماحصل يا طيب الجد والخال = وودعتها واقفيت و هي ودعتني

عـلي الدويمــه
--------------------------------------------------------------------
وهـذا ردي المتواضع على الاخ ابو وليد متمنياً ان يحوز على اعجابه
واعجاب جميع المتابعين .......

يـا مـرحـبابـك عــد مـا هــل هـمّـال = واعــداد ماجات الهجوس ولفـتـني
ياما هـجـدني جـيشـها اقـفـاي وإقـبـال = وان كـان مـا دوّرتـهــا ,,دوّرتـني
من كــل صــوبً يـا علي جـتـني ارتال = ونــوبً تصبحبي ونوب اهجـدتني
يابـن الـدويمه كـان تشـكي لـي الحـال = قـبـلك صواديف الهــوى لعـوزتـني
قـضيـتهـا. مـابيـن حــلً ,,وتـرحـال = رحـلـه تعــدتني ورحـلــه خــذتـني
اخذت لـي جــولات يـا طـيّـب الفـال = والنصح .وظـروف الـزمـن مـا ثنتني
قبل ان يظهر يافتـى الجــود جـوال = لا شـك مشـاويـر. الســفــر تـعّـبتـني
لاجل الغظي ضحيت بالجهـد والمال = والعـيـن عـافـت نـومهـا واسٰهرتني
نجـل العيـون لغـالي الـروح. تشـتال = وباهداب عــيـنـه يالـدويـمـه رمـتني
لٰــه مبسـٰـم. يـخـفـي ثـنـايـاه . قـتّـال = شــــبـه الـفـريـــد بـعشــهـا ولـعـتني
انا اشـهـد ان الحـب بلـوى وغـربـال = لـعـن ابـو جـده صدفتــه مرضتـني
واليـوم انـا مالـوم. شرواك لــو قـال = لحـظـات هـبــّات الهــوا عــذبـتـني
تستذكر اللـي نبـض قلبـك لـهـا مـال = وعطيـتها : وتـقـول مثــلك عطـتني
ابـذل لهـا المجهـود يـاواف الاخصال = واظهـر لـهـا الخـافي وقـول املكـتني
وانـا معـك بـالجــاه والجـهـد والمـال = قــدرك امـانٰـه شــلـتهـا فـوق مـتـني
ابشٰـر وانـا. قـولي قـرنـتـه بالافعـال = يـــوم الرســالـه يـالـبنـاخـي نصـٰتـني

محمد بن سوعان الربيّع