مـاعــاد فيهــا ياعــربنــا عــواذيــل - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-19-2016, 02:01 AM

( مـاعـاد فُيها يــا عـربـنا عواذيـل )
------------------------------------------------
وضـع العـرب مـزري وتـعبان بالحيل = ذبـح ودمار وجــور في كـل صــوبـي
في ليبـيا واللــي سـكـن ديــرة النيـل = وبغـداد شـرق وقـدســنا فــ الغــروبي
والشـام جـوها الروس عـقب البراميل= ومـعـهـا حثـالات البشــر والشـعـوبـي
وكلــن معــه بالـذبــح أذنً وتــوكيــل = وفـتـوّه قبيحــه مـن مشـعـوذ كـذوبـي
عــاثــٰوا فســادً بالخـــلايــق وتنكيــل = وكـلــن علـى الاجـرام تـقـل امغصـوبي
وكلــن يـمثــل فــي ضحـٰـايـٰاه تمثيـــل = مـجـــرم ولا لــه تــوبــةً لــو يتــوبــي
وحنـا نــردد قُـول مــا أطــوّلك ياليــل = وأرض اليمن قـد مـزقـتـهـا الحـروبـي
وحـقـٰد الٰـروافض مـايبيٰــله دواليــــل = ايــران جــالــت بـالشــمـال وجـنــوبي
كـذب وخــداع وزادوا الزيف تضليـل = وحـوثـيهـم بـاتـلى المطـاف امغــلـوبي
تضامنـت مـع مـا يســـمـى اســرائيـل = وكل شي على ماقيل كان امحسـوبي
ولاعـاد فـيـهــا يـا عـربـنــا عـواذيــل = قبــل يـتـعــاظــم غـبـنـنــا والـعيـوبـي
البـاغــي الغــدار زيــدوا لــــه الكيــل = واســقـوه ســـمً ليــن يــاتـٰي يحـٰوبــي
تكفــون راس الشـر دكّــوه بــالـحيـل = اركــوا عـليـه لا ايـحـصلــه اهــروبـي
يكفــي تـفــكك يــاعــربنــا وتـطـبيــل = والحـق نـوره لا يــصيــر امــحجـوبـي
واعتصمــوا بحبــل الـذي دمـٰر الفيــٰل = وارســل طيــٰوره مــع سـموم الهبوبي
تـرمي عليهــم مـن حصى نار سـجيـل = نـيــران تـحــرق روسـهـم والجـنــوبي
حيــث الكــرامـه مالهـــا اليــوم تـبديـل = وعنهــا التـغـاظي مــن كبـار الـذنـوبي
وضـع العـرب مــزري وتـعبـان بالحيل = ذبح ودمـار وجــور فـي كـل صـــوبـي

محمد بن سوعان الربيّع