والذي يشكرون عليه
________

ماذخرتوا .. ياهل العرفاء جهدكم=باذلـين .. جهودكم .. ليل ونهارى
يوم علاّ الصوت .. يستنجد ولدكم=جاوب الصوت . أغنياكم والفقارى
رخْصَت الأموال .. لـ أجله لافقدكم=جت .. تدفّق . كنهـا أنهارٍ تجارى
قبل .. فزعة غيركم .. وصله مددكم=ولا حدٍ منكم عن الواجب .. توارى
من نخاكم . يطلب الفزعه . وجدكم=يا مطلقين .. المحابيس . الحيارى
فعل .. ماسوّاه .. غير انتم وحدكم=زادكم .. هيبه .. وتقدير .. و.وقارى
مابعدكم .. يالنشامى .. ما بعدكم=المغطّى .. بان .. وإنزاح الستارى
من نوى والقصد غيْره ويحسِدكم=غيّر الراي . وتراجع . وإستخارى
وقام يشكركم .. ويثني ويحمدكم=وهاد عن كثر .. العزاوي والمثارى
ولا غرابه .. من قدايمكم .. جِدَدْكم=من إنتصار تحققونه . لإنتصارى
من كبار كهولكم .. حتى .. وغدكم=للوثيري .. كلكم جيتوا .. صطارى
ياهل العرفاء هل الجدعاء سندكم=بالمـواقف .. كلـنا نصـبح .. وثارى
من العصور الفايته .. يدْنا بيدكم=لا دعتنا الموجبه .. جينا إنتبارى
وعنزه . معكم تضَامَن . وتعضدكم=مايضام اللي .. زبنها وإستجارى
قلتها .. أفاخر ويسعدني سعدكم=شاش راسي .. يالمغاوير الظفارى
جعفريٍّ واحسب النفس من احدكم=بكم أمـاري .. لا حضر وقت الممارى