03-06-2014, 03:18 AM
|
#1
|
|
شاعر
تاريخ التسجيل: Aug 2011
المشاركات: 360
|
عرس هايل ونايل
الحقيقه عندما دخلت صرح عنزه خاصه وقبايل ربيعه عامه أسعدني قصائد الشعراء بمناسبة زواج هايل ونايل الله يوفقهم أبناء الشاعر والنسًابه عبد الله بن دهيمش العبار حفظه الله فهذا الرجل له حق على كل عنزه وأنا تمنيت أنني مشاركهم في هذه المناسبه والحقيقه لم أعلم الأ من خلال دخولي هذا الصرح فا عبرت في هذه الأبيات مع أعتذاري الشديد لبو مشعل لأن القصيده جآت متأخره 0
الله يبارك عرس هايل ونايل = عيال من نفخر بطاري مسيره
شاعر بني وايل حميد الخصايل = على القبيله به حميه وغيره
له بالمواقف شاهدات الفعايل = إن كبرت القاله يحل العسيره
يالنادر الي قل مثلك قلايل = يمولف ٍ كتاب مجيد العشيره
يامحصي ٍ فريسها والحمايل = يوم القبايل مجدها في بعيره
وسجلت كل الحاضره والعوائل = تبحث عن الويلان في كل ديره
على القبيله لك أفضال وجمايل = ماينكره ياغير مهفي ضميره
نقراء ونفخر في كتاب الدلائل = ونثني عليكم بالجهود الكبيره
تراث أهلنا من سنين سمايل = يوم إنها بالمصَدره والمغيره
يوم القبايل يفعلون الهوايل = بين الجويَه ينزلون وغديره
أقولها وأعتز والراس طايل = يأبن دهيمش يانقي السريره
تشهد على جهدك جميع القبايل = وكل الوجيه الخيَره والسفيره
ماعاق جهدك من بكيده يحايل = مثلك صعد فوق الثريا مسيره
ترسي بوجه الي تغطرس وعايل = أنا أشهد أنك للقبيله ذخيره
|
|
|
الإهداءات
العرض الشجري
