ياسلام الله علي الجمع المهيل=ربعي الويلان وافين الخصال
اهلا الجدعا هلا السيف الصقيل=من نصاهم مالقا الا طيب فآل
وقفتي للربع ما عنها بديل=والمواقف تنحفظ لاجاء مجال
اسرج المعني مثل سرج الاصيل=مفرداتنا جاهزة شربا زلال
واستعين بخالق الكون الجليل=السميع اللي علا في كل حال
يسمع الدعوي ويلطف بالخليل=والله المعبود ما فيها جدال
وافر الاحسان والمد الجزيل=هو ملاذي فيه كل الاتكال
يوم ما يجزي خليلا عن خليل=تشخص الابصار من هول السؤال
ومن لجأ بحماه ما خاب الدخيل=يرحمه لو كان فيه العدل مال
بعد ذكر الله دنيت الجزيل=صغتها من هاجسي ما هو خيال
كلمتن تنساق مثل السلسبيل=للرجال اهل الوفاء واهل الكمال
يوم ابن صنعاء فعل فعلا جميل=نحضر الحفلة ونهديه الجزال
ساس طيب وساس جود وساس خيل=من رجال العرف في دور القتال
شاهد الله والشواهد بالرحيل=فعل جده يوم دور اهل الشمال
قصت البندق توارث جيل بعد جيل=بندقا يعبالها عند الرجال
اسمها البتيراء ء ومن نوع الفتيل=سته اشبار بعيده للمنال
عقب الشغموم فعال الجميل=الحميدي للمكارم والمعال
كرم الوافي راع الباع الطويل=ويستحق الطيب ممدوح الخصال
صادقا بالقول ويحوش النفيل=ابو مشعل مثل ضوء الاشتعال
له مبادي ثابته والله وكيل=ما يهاب الخصم في شد الحبال
ثابتا مثل الجدي ماله مثيل=لاعاصاه الوقت يرسى للثقال
يعسي عمره علي الطاع طويل=مالك الحكمة الياصار الجدال
واعتزي بالربع في وقت الحصيل=عقب نومس طيبهم مثل الجبال
نحتمي وقفاتنا عند النزيل=مثل نور الشمس من قبل الزوال
وعشت ياساس العروبة يالاصيل=يابو متعب ياصناديد الرجال
شعبك الوافي عليه الله كفيل=كاملا صفه ولله الكمال
مادخل من بيننا شخصا ذليل=ولا يخل الصف منقوص الفعال
والختام اختامها طيب وهيل=والله الوالي عليه الاتكال

عندي جوابا لأبو مشعل من الراس=كلمه لها عند المخاليق تقدير
انا اشهد انك طيب الاصل والباس=ياصفوت الشجعان روس المناعير
وسيف الشرف نهديك يطيب الساس=لانك شرف للي تقود الطوابير
عشت العمر مابين حبرا وقرطاس=توثيق للأجداد في حسن تدبير
ولايجحد المعروف ياكود بلاس= ولايحفظ الامجاد غير المساطير
ولك عندنا عهد ووفاء طيب وحساس=عهدا لابونا فاق كل التعابير
وصلاه ربي عد ماهب نسناس=علي الرسول اعداد وبل المزابير