اثري الزمن يا صاحبي صح دوار=ودنياك تلقى الزين والشين فيها
من اولٍ راعي البيرق لياسار=والعطفه بفرسانها تحتميها
واليوم صار الجار ما يآمن الجار=ومنه الرزاله دايمٍ يحتريها
عبدالله دهيميش ولد بن عبار=وصل لسبعينه او أقبل عليها
نقرا لكتبه عادنا أطفالٍ صغار=وشبنا وما زلنا الكتب نشتريها
يدافع عن الويلان في سر وجهار=ناسٍ يراسلها وناسٍ يجيها
ابن القبيله مخلص وافي أشبار=كم عالم عليه توهت يديها
له القبايل تشهد بكل الأقطار=كم عيلة لشعارهم يقتفيها
الرد عنده جاهز مهو محتار=من ألفها ليا يائها يبتديها
ان كانها بشعر يجابه بالأشعار=وبالهرج يثبت هرجته ويحميها
كم ساعة عرض بنفسه للاخطار=وكم قالةٍ لو ما اثبت لشاهديها
السالفة به وصلت لحد الأمار=من فعل ابن عبار يشكى عليها
ياما قطع من دابر أشرار وأشرار=تخاف لا يدري بها ويهجيها
ما اقول انه كامل الكامل البار=خلاق مريم من حدى والديها
لكن تال الوقت بالناس وش صار=من لا يعرف إحرارها يشتويها
العالم تقدر وتافي للاخيار=واذا ما قالت خير لا تبتليها
ولا قول الا قول علام الأسرار=أقوال كل الخلق فيها وفيها
وصلوا على خير البشر راعي الغار=وآله وأصحابه نسلم عليها