خوة اشلاقي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-26-2011, 11:23 AM

السلام عليكم ورحمة الله وبركاته

إليكم هذه المشاركه تحت عنوان(خوة أشلاقي) أرجو أن تنال أعجابكم,,,,,,,

قالت أه يقلب العنا ويش باقي
أشوف بعض الوضح وسط المجاهيم
ولا فقت يوم مولع القلب فاقي
ولا أخذت من دنياك درساً وتعليم
الزرع من دونه تجف السواقي
ولا يسقي العطشان متفرق الغيم
لو خوتك يا قلب خوة اشلاقي
ما يشتكي راعيك من لوعة الضيم
عز الله أني منك مولع وشاقي
وهذا علي من القدر والمقاسيم
الدرب صعب ولا بدربي مراقي
اضيع بين الصمت والصبر وأهيم
وعقب المراقيب أدرق بالمتاقي
وأقول يا الله سلّم الحال تسليم
اشوف شيٍ بالبشر ما يطاقي
أخص بعض الناس من دون تعميم
المـــرجله قلّت وكثر النفاقـي
تغيــرت عنـد العبــاد المفاهيـم
صار الرفيق اليوم وده أفراقي
ولا يستوي من يربط العفش ومقيم
الوصل مات وللمصالح تلاقي
وصل المصالح وصل خدعة وتوهيم
الأرض رحبة كل ما الصدر ضاقي
كد القدم تلقى الرجال الشغاميم

((((((((( وسلامتكم ))))))))