ياوجودي‎.قصيده اتمنى ان تحوز على رضاكم.وهي تحكي الكثير والكثير ..! - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-29-2010, 06:03 PM

قصيده اتمنى ان تحوز على رضاكم

وهي تحكي الكثير والكثير ..!

ياوجودي كل ماهب نسناس الشمــــــال
وجد من حدّه زمانه على اللي ما يبـــــيه
وياوجودي كل مااغفيت ثم مال الظــــلال
لاغفت عيني ولاذقت شيٍ مشتهيــــــه
وجد من قفّى وهو في رجا كلمة تـــــعال
والتفت من عقب مااقفى ولحدن لدّ فيــه
وياعذابي لادنا الليل من روس الجبــــــال
وانتهى يومٍ من العمر ماعاد ارتجـــــــيــه
وانتي ابعد من سما الحلم ووصالك محال
يابعد من هلّ دمعي ضحى الفرقا علـــيه
ياغناتي لاتحسبين دمعي يوم ســــــــال
ضعف والاّ خوف والاّ كذا والاّ كـــــذيـــــــه
والله اني من رجالٍ يضــــــــــدون الرجــال
لكن الحظ الردي ساق دمعي كلبــيـــــــه
ووالله اني كل مادار حوليك الجـــــــــــدال
قمت كن الموت يشر على قبري يإيديـــه
ووالله ان قد لي وانا اصد لاجالك مجـــــال
صدّت اللي لا تضايق تذّكر قبر اخـــــــــيه
ومن سألني قلت مدري واذا عاد السؤال
قلتله تكفى سؤالك ترى ماهو و جيـــــه
وش تبيني اقول عماََ ترى ذبحي حــــلال
والخطا منها علي صرت احبه واهويــــــه
عذرها لو ماتعذر مثل واضرب مثـــــــــال
واحدن مايعرف الحر الأشقر يشتويــــــه
وان رجعنا للتواصيف لله الكمــــــــــــــال
لا انتهى ليل المزايين جاتك تبــــتـــــديه
كنها غفلٍ مع البدو طاويها الحـــــــــــيال
ما يميز وصفها الاّ نبيهٍ من نبيـــــــــــــه
واهني اللي وصلها وذاق امن الـــزلال
رشفةٍ مع غفلة الناس من فيها لفيـــــه
واعزتي للي سواتي عشق ما لا يطال
ويوم طاله ضيع الحلم بين أمه و ابيـــــه
يااول احلام الطفوله على حد الخيــــال
الرجا بللي حمى البيت من حملة بريــه
حال دونك سيف عنتر وتاسع حول حــال
باثر حولٍ حال دونك وانا ادعي هيه هـيه
هيه يللي غرك الحسن واطغاك الجمـال
والله ان اموت ماشفت لاوصافك شبيــه
لو يسام الحسن والتيه بجنيه وريـــــــال
مابقى في سوق غيرك لا ريال ولاجنيـه
كيف اهدك للمقابيل وانتي راس مـــــال
راس مال ومال والماال مايعطى السفيه
حافظك حفظي لعيني ورمشي لك جلال
وانتي تشحّين بالما وانا شفّي مويــــــه
شايفن ظلمك وساكت وطال الليل طـــال
لاتركتي طعن قلبي وانا ماقلت ليـــــــه ؟
لو بقا للهيل صبرن على فوح الـــــــــدلال
مابقى للقلب صبرن على شيٍ يجـــــــيه
كنت احسب ان الغلا زال واثره لايـــــــزال
في الحشا ماكنه الا دخيلٍ في وجـــــــيه
ساقني حبك على الموت وسنيني هزال
والظروف اقسى من الظلم للعرض النزيه
وانتي تسوقين عقلي على حد الهـــــبال
تحسبين ان من بغى شي يقدر يشتـــريه
والاّ انا ياوجد حالي وجودن مايـــــــــــــقال
وجد من ضحى بغاليه لرضا والديــــــــــــه
وياوجودي يااول العمر قبل ألبس عقـــــال
وجد من باع آآخر العمر في رغبة ذويــــــه
وياوجودي كل ماهب صوتش من شمــــال
وجد من حدّه زمانه على اللي مايبيـــــــه..

<مــنقــوله>