زعيم ونجوم الليالي جنودك
------------------------------------
ارسلت انا لك ياهــوى البـال مرسال = لكـن حسـافـه مـا لـفـتـني ردودك
اشغـلتني يا صـاح حـيث الجـفا طــال = وشـحّت ينابيع الـوفـا مـع ورودك
ولعـتني وابطــيت يا سمح الاقبال = يـاللـي وجودي مرتبط فـي وجودك
تـدري غـيابـك يتلـف الـروح والحال = واطيـب واحيـا مــن مـوارد اعــدودك
مـا غير زولك داخل الفـكر يجتـال = ولــو أبعـدت عٰني مشاحي حـدودك
حبـك وشــم قـلبـي ولا عــاد ينشـال = للمـوت وحروف المشٰاعـر اشـهودك
واليــوم انـا ترجمـت قـولي للافعـال = واسرجت خيلي وانـت نفّـذ وعــودك
جيتك على وضح النقٰا. عـز. واجـلال = والشــك حـذرا هــاجســه لا يـقـودك
عيني تشـوفك في دجــا ليـلي. هـلآل = زعيــم وانجــوم اللـيٰـالي جنـودك
ماشوف غيرك زول من بيـن الازال = بس انـت لا تنقـض وثـايـق عهـودك
ويفـداك من يـذخـر جهـوده. والامـوال = واصبـر وربـي مـن نعـيمـه يــزودك

محمد بن سـوعان الربيّع
في 10 شــوال 1438 هـــ
الموافق 2017/7/4 مــ

ولعـتـني وابطــيت يـا سمـح الاقـبـال = يـالـلـي وجودي مرتبط فـي وجـودك
تـدري غـيابـك يتلـف الـروح والحال = واطيـب واحيـا مــن مـوارد اعدودك
مـا غير زولك داخـل الفـكـر يجـتـال = ولــو أبـعـدت عٰـنـي مشاحي حـدودك
حبـك وشــم قـلبـي ولا عــاد ينشـال = للمـوت وحروف المشٰاعـر اشـهودك

هذه الأبيات تدل على آهات العاشق الولهان وتخبرنا أن أخينا محمد لا يزال قلبه أخضر صح لسانك ووفقك الله للحصول على ما تريد

بارك الله فيك اخوي الاستاذ والاديب الكبير
عبدالله بن عبار اشكرك على طيب المتابعه وحسن الاطراء
بعض ما عندك استاذي الفاضل
تقبل خالص تقديري لشخصك الكريم
لاهنت طال عمرك ,,,,,