واثـق بنفسي

ما ودي ادخـل في. مـتاهـات واسـيـر= وكلـن عــلى ماقيــل عقـله. امـراتـه

هــذا. وانا. مانيــب أحســن مـن الغـيـر= الكـامـل. الله. والخـلايـق. ارجـاتـه

ماني على. القـمـه. ولا : فيّ. تقصـير = طـيب.الفتى لاشــك مـن طيب ذاتـه

واثق بنفسي .واطلب الشــور واشـير = ولاغـرني طيش الـزمان. اووشــاتـه

اعـرف.وامـيّـز. مدخـل الشـر. والخيـر= ولـو.الحديث. الشـين زادوا . ارواتـه

مـاهـزني هـــرجً عـلى غـيـر. تبـريــر = القٰــول واجــــد والـفـعـايـل اثـبـاتــه

اسمع. واطنش. واجتنب نافـخ الكـير = واصبر. واغيـظ اهـل الفتن والشماته

مـا هـز راسـي عـاتـيـات الاعـاصير = ولا غـيّـرت ســـود . الليـالي... ثبــاتـه

أشـره واشرّه وان. تضايقـت. مااحير = واغـظي وصبري ما يطوّل. اسـكاتـه

اسـكت حشيمه للـوجــيـه. المسافير = ومـن لا. ايـقــدّر. قـدر. الاجـواد فـاتـه

بعض. العرب يحتاج نصحً. وتـذكـير = عـن لا. يـطـيح. بشـر. نفـسـه وذاتــه

باالمعرفــه. يظـمن دروب. المعـابيـر= وبالمعـرفـة. يفـلــح ويـظـمن. نـجـاتـه

بالعـلـم. ربحـــه والجــهـالـه. مخاسير = ودون. الوضو ما اظن تقبل. صلاته

اقٰٰولهــا. والقٰـول. مـا فيـه. تـزويـر = ومـن قـلـب. للاصحـاب. يضمـر غلاتـه

الحق. اعـده دون خـوفًً. وعـواثيـر = تعـلـيـم عــودً. واحتفظــت.. ابـوصـاتـه

ورزقي على اللي. قدّر. العمر . تقدير = وموت . البشر بامره. وبيده وحياتـه

وصـــلاة ربـي.عــد. نـبـت. النـواويــر = عـلى نـبيً مـا يجي..... في صفـاتـه

محـمد بن سـوعـان الربـيّع

حررت في 22 شوال 1443 هجري
الموافق 22 مايو 2022 ميلادي

قول وفعل فأنك صابر رغم ظروفك القاسية وواثق من نفسك عسى الله يوفقك أبيات جزلة بجزالة قائلها .

بارك الله فيك اخوي ابو مشعل
اشكرك على حسن المتابعه وطيب الاطراء

الصبر زين وفيه مقضاة ثنتين = تكسب جميل وتاخذ الحق وافي

الحمدلله الحمد لله على ما كتب وقسم
تحياتي وفائق مودتي وتقديري لك .