كثر الهياط وقلت الفعل فينا ..... واذا افتخرنا نفتخر بالسلاطين
من كثر الحقد لبعضنا ما وفينا..... في كل دوله ما اتفقنا على شين
بسوء القياده من قديم ابتلينا..... و لا ذبحنا غير فعل ألمسمين
ألحقد فينا من قديمٍ دفينا ..... وش سجل التاريخ لنا من الزين
ياما ببعضنا عند اعدانا و شينا ..... ومسجلينٍ عند الأعداء واشين
الشيخ منا في حياته حزينا.... وليا زبنته قال ماكلني الدين
ضاعت عنزه وكلنا ضايعينا..... اسماء موجوده بليا عناوين

أبيات الشاعر صالح النويبعي :

كـثـر الهيـاط وقلت الفعل فينا ..... واذا افتخرنا نفتخر بالسلاطين
من كثر الحقد لبعضنا ما وفينا..... في كل دوله ما اتفقنا على شين
بسوء القياده من قديم ابتلينـا..... و لا ذبحنا غـيـر فـعـل ألمسمين
ألحـقـد فـينـا مـن قـديـمٍ دفـيـنـا ..... وش سجل التاريخ لنا من الزين
ياما ببعضنا عند اعدانا و شينا ..... ومسجلينٍ عند الأعداء واشين
الشيـخ مـنـا فـي حـيـاتـه حـزيـنـا.... ولـيـا زبـنتـه قـال مـاكـلني الـديـن
ضـاعـت عـنـزه وكـلنـا ضـايـعـينـا..... اسـمـاء مـوجـوده بـلـيـا عـنـاويـن

أبيات مجاراة من شعر عبدالله بن عبار :

يا نيوبعي من شذ ما أشكل علينا ----- حـنا عـلى منهج هـل الحـق ماشين
ومن حاد عـن الحق بـه مـا شقينـا ----- الـلاّش ما يسوى لـك الـلـه قـرشين
الـخـايـب الـلـي بـالـغـثـا مـبـتـليـنـا ----- يدجل على ضعاف العقول المساكين
مـن يسـأل المنـكـود وش يـدعـينـا ----- يبحث عن الغرات لـه عـّدت اسنيـن
مـدري عـلامـه بالـقـشـر مـطـبـيـنـا ----- وده يـحـاول يـقـسم الشمـل قـسميـن
عـن هـرج راعي البلبلـه مـا دريـنـا ----- مثل الجبل نبقى عـلى الدوم راسين
نـفـخـر بـلابـتـنـا أسـود العـريـنــــــا ----- وتسعين خـيـبـه لـلهـدوس الـرديـيـن

يانويبــعي ذكـــــرت شـــيء حزينـــا 0000 كل القبايـــــل بها صايـــــب ومخــطين
واللـي ذكرتــه ننــــكره مارضــــــينا 0000 ومثل الجبل ما اثـــــرعلينا راع الشين
الله لايـفـــــرق جمعـــــنا ويهديــــــنا 0000 ويـهدي اللي مــــن بيننا عقرب الطيـن
أظـهرت ما بصــــــدرك علن بالمبينا 0000 ومن شذ جـعله من وراء دار داريـــــن
وباللي مضــى نفخــــر وبالحاضرينا 0000 ويشهـد لنا ذيقــــار ضـــــد المعاديــــن
وزبـــن الدخيـــل اليا لجاء وانتخيـنا 0000 مـــن دور ابو لــيلى الى وقـــتنا الحين
ولأهل الخــطاء ماحـد سمع واقتدينا 0000 وبعـض القبـيله ودهــم فضخت العيــن
وبعيـــــال وايـــل مانبيـــع وشــــرينا 0000 لو مالت الدنيــــــا ومــال المــوازيـــن

الاخ ابو مشعل والاخ رخيص شكرا جزيلا لمروركم الرائع ومجاراتكم الرائعه والله يسمع منكم ويصلح الامور ويعود العز والمجد لقبيلة عنزه ويجمعهم الله على مايحبه ويرضيه

	بشيوخنا ياما افتخرنا و مشينا ..... و من اجلهم ياما وطينا ألمعادين واليوم اشوف شيخونا مسلمينا ..... و أمورنا تسير بيدين ألمجانين واذا لهم حزة الضيقه لجينا ...... اعذارهم كثرت و راحو مقفين اتباع صرنا و العرب تزدرينا ...... ونتبع تبع من اجل جمع الملايين وين الشيوخ الي بحماهم حمينا ...... اليا قرينا مجدهم تدمع العين ياكبر الاسماء وللفعل ما رئينا ...... يروي لنا الراوي فعول القديمين مجد السعود لمجدهم ما نسينا ...... جيلٍ بعد جيلٍ و بالفعل وافين لولا الله ثم مجد الاشاوس لجينا ....... صرنا مثل بعض المسلمين لاجين بمثل الاسد و المالكي مبتلينا ........ ان ما تشيعنا بقينا ضعيفين ياالله عسى وقتنا المقبل يزينا ......... و ندح دحتنا القديمه قويين

ما كل من يدحم ينــال السمينا ** وكم قـوم لنا بالوزاره عـدويـن
حنـا نلــوم شيخونا مادريـنا ** واقلامها تكـتب ورانـا المعاديـن
لو كان يؤخــذ رايـهم لانتفينا ** اللي ماهو بالشـام في ارض حطين
وشيـوخنا بالجــاه مثـل حدينا ** الله يعيـن شيـوخنا بيـن نارين
كـم باب دون شـيخونا مقفـلينا ** ومن كان يبي مقابله بعد شهرين
جاك الوضـوح المختفي بـه حكينا** واليوم تـرى الشيخ راع الملايين
وتبـقى أعـزاز انفـوسنا لو فنينا ** وعن عيشة الحـقران حنا بعدين
بشيـوخنا نشمت عليـهم شـوينا ** نلوم فيهم يا أبـو صالح ومخطين
وتـرى الحيـاء غريـزة ً دوم فينا ** نموت جوع ونبقى قوم ً عزيزين
ولابــد يرجـع مجدنـا معـتلينا ** ودنيـا دنيـه ماتـساوي ريالين

يا أبو عوض يا عسى ربي يزوّجك ، وش جاك حطيت قيفانك لنا وقفّيت، والرجال العنزي وأبو عبدالله ومحاكيك لنا حدا هناك، حطينا لك ردودنا بعد مداخلتك وأثاريك إنت وبينخيك مجتمعينٍ هنا وفاتح لك جبهة ثانية ..


عموماً صح الله لسانك ولسان العزوة جميع ولا فضت أفواهكم على هذه الدرر، وإستلم رد بنآخيك الرجال العنزي حيث قال رداً على أبياتك بموضوع الحكومة وشيوخ عنزة سبب السقوط المخيف بأبياته القيّمة والسّامية حيث قال :

يالنويبعي بالهرج لا تزدرينا = أولاد وايل ملحقين المخلّين
والله والله للعدى يامشينا = نشدى عساكر جيش هتلر إبرلين
ولاهو بذنب إن الزمن مآل فينا = دنياك مآلت بالملوك السلاطين
لو شيخنا شال العلم وإحتمينا = مآر إنها رآيات حسان وحسين
متناحرين ومشكلتنا يدينا = نخوض بالهيّن وننسى المضامين
وعمّا يهين النفس حنا نهينا = ولا نورّدها على المآرد الشين
والعذر مايشبع لو إنه سمينا = ولا تنتهي قآله ولوها المساكين

وثم تلاه ردي الذي أتمنى أن ينآل على إستحسانكم ويرتقي إلى ذائقتك وجميع العزوة والأحبة ..

لك الله عن مجدنا ما سلينا=لو عذربوا كل الشيوخ القديمين
عنّاز ساس العز ما له حتينا=غصبٍ على أهل القلوب الغليلين
حنا مقاديم العرب ما بقينا=وحنا لأمجاد الأعارب نياشين
وحنا على درب المعالي رقينا=وشيخاننا ما سمسمرت للنساوين
وحنا الذي يعنى لنا ولا عنينا=وحنا على ضيم القرايب صبورين
يشهد لنا التاريخ لو ما حكينا=الله يشهد والمخاليق دارين
مجدٍ تليد بحيد ميده بنينا=ساسه قوي ولا قرب ساسه الطين
وقافٍ لإبن عبار درٍ ثمينا=ترغي الجمال الصايجه من العِنزتين
وزيزومنا هو زعيم المسلمينا=إبن الملوك أللي حكموا بسنة الدين
وسلام للي للمراجل تدينا = وما هم على بوق العزيزين جسرين

وسلامتك وسلامة الجميع سلّمكم الله وأعلا شآنكم يا أعز خلق الله ..