سلام ياعز الرجال الثقاتي ( قصيدة جزلة )
اورد لكم هذه القصيدة اللتي اسندها موسى بن صالح العنزي على الاستاذ / عايد الرشيد الولدعي العنزي

فلمّا سمعها قام عايد الرشيد ملبياً للنداء وبعون من الله تم لموسى ماطلب وهؤلاء هم ابناء وايل بالشدايد يقوم واحدهم قومة قبيلة بأكملها

اليكم ماقال موسى العنزي





سـلام ياعـز الرجـال الثقـاتـي
يابن الرشيد اللي عن العيب مصيون

ياعزوتـي يامسنـدي ياشفـاتـي
ياراعي البيضا علـى كـل قانـون

ياكاسـب النومـاس والطايلاتـي
يومنّ بعض الناس عنها يعجـزون

يامكـرم الجيـران علمـاً ثباتـي
وياريف ضيفـان ٍ ببيتـك يحلّـون

بـشكي عليك العين عيّـت تباتـي
والقلب كنّه بين الاضلاع مطعـون

هاج البحر واغرق سفينـة غناتـي
وامسيت لاصاحي ولانيب مجنـون

والديـن دمّرنـي ودمّـر حياتـي
واليوم في حكمة هل الدين مديـون

والحظ عاصيني وشاظي عصاتـي
عيّا يطاوعني مع اللـي يطيعـون

والوقت يسبق سرعـة الطايراتـي
اقفـا وطبلونـه ثلاثيـن ملـيـون

واليا بغيت امشي ورى المقفياتـي
حملي ثقيل ويتعب اللـي يشيلـون

مالي جـدى إلاّ وقفتـي وإلتفاتـي
مثل البعير اللي من الحمل مغبـون

وإليا سكتّ احرق ظميري سكاتـي
وان جيت اصوّت للعرب مايـردّون

ماغير احسّـب سيّتـي واحسناتـي
والحال يامشكاي من دون فـي دون

لكـن علـى الله خالـق الكايناتـي
رب العباد اللـي لوجهـه يصلّـون

اشكي عليه يحـل لـي مشكلاتـي
واشكي على اللي باللوازم يسـدّون

بارك الله بالشيخ عايد الرشيد

صح لسان الشاعر موسى

دمت بود,,,