غــــــزة؟ - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

03-01-2010, 10:14 AM

باســــــم الله ابــدي ياناس
وألعـن ابليـــس الخــناس
وألعن من لا فيه احساس
باللي حصل بفلســــــطين

غزة تغــــرق تحــت النار
من ابن الخنـــــزير الغدار
وحنا نطالع سـوبـر ستار
وش فـيـكم يامســـــلمـين

اصحـــوا قبل يهيج الثور
وينكشـــف ماهو مستـور
ويصـيـــر الواحـد يــدور
مثـل ســوات المســاكين

ياعـرب غــــزة بتــروح
واهــلها كلـها اجــــروح
منهـم طـايـح ومــذبـوح
وحنا انِاظـــــر قـاعــدين

غــزة تنخــاكـم هـالحـين
إفِــزعـــوا يامســــلمـيـن
بنـي صــهيــون اللـعـيـن
حــدولــه ســيفٍ ســـنين

غــزة تنخاكــم وتقـــــول
صمتكم ماهــو معقـــــول
والله انه شـيء ايهــــول
فيمـا يحـصـل ســـاكتـين

غــــزة تبكي من الجراح
واغلــب شــبابه قـد راح
والنســاء تصيـح صـياح
تنخى وين صلاح الــدين

اللي حاصل شيء ايهيــل
يـودع العــاقــــل هـبـيـــل
عــــدوان مــالــه مـثيـــل
ذبحـوا حتــى المسـاجـين

العــدو يحشــد حشــــود
والعـــرب تجميع وفـــود
واللي يعارضهم مقــرود
ما يمســي مـع الممسين ؟

والله انـــه اكبـــــر عــار
اللي حصـل مـن دمـــــار
اذا مـا يصـــدر قـــــــرار
بمشـيٍ عليهـم هـالحيـن

ايام حرب غــزة
1-1-1430هـ
الغــريـــب

03-01-2010, 12:17 PM

صح لسانك وعظم شانك والمشتكى إلى الله والحول والقوة بالله كل ما ضعفت الأمة قويت الأعداء

03-01-2010, 09:09 PM

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

صح لسانك وعظم شانك والمشتكى إلى الله والحول والقوة بالله كل ما ضعفت الأمة قويت الأعداء

صح بدنك وقلبك أديبنا العزيز.

مرورك انار مشاركتي وزادها جمالاً..

لك مني كل تقدير وأحترااام .. اخي ابو مشعل

تحيااااتي لك.

03-01-2010, 10:39 PM

صــــــــــــــح لســــــــــــــــــا نك

03-04-2010, 11:38 AM

اقتباس : المشاركة الأصلية كتبت بواسطة رياض بن سالم منزل العنزي [ مشاهدة المشاركة ]

صــــــــــــــح لســــــــــــــــــا نك

صح بدنك اخوي رياض

شكرا على الحضور الكريم.

تحياااتي لك

........................................