 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
|
|
01-30-2008, 03:16 PM
|
#1 |
|
.:: مدير الموقع ::.
تاريخ التسجيل: Apr 2007
الدولة: السعوديه
المشاركات: 408
|
ملخصات من رسائل الجوال الوارده والرد على بعضها
قصائد ملخصه من الرسائل الواردة عبر الجوال المرسلة إلى عبدالله بن عبار من بعض الأصدقاء والرد عليها : قال الشاعر عبدالعزيز بن ناجي الجعفري هذه الأبيات يسند على عبدالله بن دهيمش بن عبار : للمجد نـاس وللردى نـاس ونفـوس ** والـطيـبـه تـبقـى ويـرفـع عـلـمـهـا لاشك كان الروس ما تنحسب روس ** وجـودهـا بـالـكـون كـنـه عـدمـهــا تبقى فعول أهل الوفاء كنز ودروس ** يعـيش راس بـالشجـاعـه رسمـهـا رجـال ذكـره عـز مـبـدى ونـامـوس ** يـبني صروح المـرجـلـه ما هـدمها اقولهـا والسيف يفرق عـن الموس ** السيـف مـيـزان الحـقـوق وحكمهـا شروى مقـام القـرم عساه محروس** عـبـدالـلـه الـعـبـار رايـه وســمـهـا اليا وقف كـل المصاعب لـه جلـوس ** تخضع تحت سلطان عزمه هممها ما طـال وقـفـاتـه ضعيف ودنـفـوس ** الـمـرجـلـه تـخـدم نـبـاه وخـدمـهـا يوم أن بعض المرجله زيف وفلوس ** عـنـده تبـاشيـر السعـد مـا ظـلمهـا لبس الوفاء يـزهـاه واعـز ملبـوس ** وعـيـن الحسود اللي تحسده لطمها قال عبدالله بن عبار رداً على عبدالعزيز بن ناجي الجعفري : حي الجواب الـلي جلا كـل هاجـوس ** القـرم ابـن نـاجـي بـيـوتـه نظمهــا عبدالعزيز بساسه الطيـب مغـروس ** منسوب مـن لابـه يـشـاد بكـرمـهـا يفداه من طبعه على الربع جاسوس ** نـفسه تـروم العـايـزه مـن غشمهـا مجـد الفخـر ما حصله كـل منحـوس ** العفـن الـلي ربـعـه يعـلك بلحـمـهـا مـا تـدرك الغـايـه هلابيج واخسوس ** عفـون الرجال الـلي خبيث نغـمهـا الـلي مكضم منـكتـم تـقـل مضـروس ** نفسه من الحـقـد المغضلم كتـمهـا قلبه مريض ودوم ينخر به السوس ** لا جيب علم شخوص قومه شتمها الـلي غـلـيـلـه بالمعـالـيـق مدسوس ** مغـتـاض كـن العـنـزروتـه لهـمـهـا الـلاش عـزه بـالبـيـاتـيـن مـدعـوس ** الـلي الكـرامـه هـانهـا مـا حشمهـا حيث النذل يستاهل الدعس والدوس ** وأهـل الحسـد يا زين تبليـم فـمهـا وقال فرج بن عودة هذه الأبيات يسند على عبدالله بن عبار : تكفى يا ابـو مشعل طلبناك قـل تـم ** نـبي الخميس الـلي يجـي بالربيعي في خـوتـك يالـقـرم نـفـرح ونغـنـم ** حـيـث الـذي شرواك قـدره رفـيعي عـساك مـن كـل الصواديـف تسلـم ** يالـلي لـربـعـك دوم حـصن منـيعي لـولا المعـزة مـا دعـيـنـاك واعـلـم ** أن الجـواب أرجـيـه مـنـك سريـعي قال عبدالله بن عبار هذه الأبيات رداً على فرج بن عودة : لـك الشكر يا معـرب الخـال والعـم ** جـاني جـوابـك يالكـريـم الشجـيعـي لي الشرف فـي خوتـك تبعـد الهـم ** يـفـداك يـا عـز الخـوي كـل صيـعي لكن ظروفي ما اعـرف عـدهـا كم ** واصبحـت يالمنـعـور مـا استطيـعي لـولا المشاغل قلت لك يا فرج سم ** نشفق على السجات مع كـل ريـعي قال فرج بن عوده الجعفري هذه الأبيات رسالة إلى زميله عبدالله بن عبار يسعـد مساك الـلـه يمسيـك بالخـيـر ** شروى جنـابـك ننشده كيـف حالـه يا الله عسى عـلومك تجيني تباشير ** وأطـلـب لعـل الشـر يـعـجـل زوالـه يا الـلـه يا حـلال صعـب المعـاسيـر ** نـدعـوك باسمك يا عـزيـز الجلالـه يا رب عـفـوك وانـت رب المقـادير ** والـعـبـد يـا مـولاي تـعـلـم حـوالــه لـو اشغـلتـني دنـيـتي بـالـمشـاويـر ** أن الـذي شـرواك أرغـب وصـالــه لكـن عساها يا أبـو مشعـل تياسيـر ** ويحفظك رب الكـون منشي خيـالـه جواب عبدالله بن عبار على فرج بن عوده الجعفري : الـلـه يصونـك مـن جـميع العـواثيـر ** مشكور يـا مـن دوم يـبـدي سوالـه حـنـا بـنعـمـه يا عـشيـر المنـاعـيـر ** بفضل الكريـم الـلي عـلينـا فضالـه الخـالـق الـرازق عـلـيـه الـتـدابـيـر ** ولا خـيـر بالـلي عـيشتـه بالحيـالـه الـلـه يجـيـر ولا لـنـا غـيـره مجـيـر ** مـا غـيـر خـلاق الـمـلأ يـنـشـكـالـه والصبـر للمسلم عن الـذنـب تكفيـر ** يصبر عسى الرحمن يقبل اعـمالـه والخاتـمه يالقـرم نـرجي المعـاذيـر ** من حيـث سجلـت البيـوت بعجـالـه وقال فرج بن عوده يسند على عبدالله بن عبار : سـلام لـك يا طيّـب الساس نهـديـه ** يـا شاعـراً بالـقـاف اثـبـت وجـوده مثلك يا أبو مشعل ترى نفتخر فيـه ** بالمملكـة وأيضـاً بـخـارج حـدوده أمدحك والـزعـلان نـوطا عـلابـيـه ** يـغـار مـن فـعـلـك وتـقـصر زنـوده الشعـر يفخـر بـك وتفخـر معـانيـه ** الـيـا كـتـبـتـه فـاح مسـكـه وعـوده الشعـر تـأخـذ مـنـه زيـنه وغـاليـه ** ومثـلـك صعـيب القـافيـه ما تكـوده ما حدٍ وصل منزلك والصدق نبديه ** لـو كـان يـبـذل بالقصايـد جـهـوده قـلـتـه وأنـا مـانـي بشاعـر تسميـه ** وآخـر ختـام اقبل سلام ابن عـوده قال عبدالله بن متعب بن سودان الطويلعي يسند على عبدالله بن عبار : أرسلـت لـي منـدوب مـن أول العـام ** يـم الفهيم الـلي عـلـومـه جـزيلـه نعـم بـأبـو مشعـل مـن رجـال أكـرام ** عـز القـريـب وفـخـر كـل القبيلـه يا الوايلي يالقـرم يـا مكيـد الأخصام ** أنشدك عن مندوبنا وش حصيلـه من عرفتي لـه وهـو دليلـه ومقـدام ** ومقاصده مـا هـو عشاه ومقيـلـه سافر عـلى اللي يطوي القاع بشمام ** صنـع الخبيـر الـلي جـديـد مديلـه ولـو أنـنـا نـكـتـب دواويـن بـأقـــلام ** أنت المحيط الـلي ركونـه طويلـه يـغـرق بـه السبـاح لـو بشنقـه عـام ** ويضيع لـو عـنده أعـوان ودليلـه قال عبدالله بن عبار هذه الأبيات رداً على عبدالله بن متعب الطويلعي : أول جـوابـي لـك تـحـيـات الإســـلام ** سلام مـني عـد مـا اخضر شتيلـه مني لأبو متعـب عسى العـز لـه دام ** وعسى الـذي عـاداه ربـي يـزيلـه منـدوبكـم جـاني وبـه عشـرة انعـام ** جـاب الـرسالـة والبيوت الجميلـه وشاهـد منـاديـب لهـا عـرك وزحـام ** تـوصل زميلـك مرسلـه كـل ليـلـه هـذا نشـد عـن فعـل جدعـان ودهـام ** وهـذا يـكـز الـلـغـز يـبي اتحليـلـه اصبحت أنا يا مسندي مثـل الإعـلام ** ما عـاد لي يا نسل الأجواد حيلـه والربع الـلي مثلك عزيزين واحشام ** يـرفـون خـمـلاتـي بكـل الوسيلـه وهذه الأبيات من الفاضل : حمود بن عافت بن جدعان المجيد العبدلي : الـلـه درك بـالـوفـاء يـا ابـن عـبـار ** لا هـنـت يا نجم سطع فـوق عنـزه تبـقى ويبقى مـركـزك بيـن الأقمـار ** ولا كـل مـن رام الـمعـالي يـحـرزه مـا أقولهـا قـصدي أباهي بالأشعار ** لا شـك مـثـلـك للصعـايـب نـكـنـزه قال عبدالله بن عبار رداً على حمود بن عافت بن جدعان المجيد : يا حمود يا بن مجيد يا نسل الأخيار ** يا مـن عـقود القاف نظمت خرزه جـدعـان جـدك مـن قـديم لـه اذكـار ** رصاص الأعدا عن نويه ماحجزه شهيـد واجب سـار في ركب الأبرار ** عـلى العـدو جدعان قـاد المفـرزه جـدك زعـيـم نـجـاد يـا طـيـب الكـار ** شفيع وقشوش وخـمسه وحـرزه وأنـا لـلـي شـرواك يـالـقـرم شـكـار ** ولاني بحـال الـلي الشيطان نغـزه الخـايـب الـلـي بـالـديـاويـن ثـرثــار ** الحسد غشه يا ابن عافت ونحـزه وقال خلف المحدى الغبيني عندما سمع بعض الأقوال والخوض بالمجالس : يا بـو خـالـد مـا جفـلـني كـل نـابـح *** مجـهـد لعـنـاز واصـدرت المـجـلـد أبشر أنـي مـن فضل مـولاي رابـح *** ومن يغـالـط بالخـطأ مسعـاه يـلـد كـم هـذوراً مـقـولـه مـالـه مـكـابـح *** بالمـجـالـس قـام لخـصامـي يـقـلـد بالمساء يـطعـن وبالنـمـه يـصابـح *** والضحى يـبـغـم تـقـل عـنـزٍ تـولـد مـا يـمـيّـز بالجهـل كـوبـان سـابـح *** مـا يـحـق الحـق مـن فـكـره تـبـلـد وقال خلف المحدى مجاوباً : لا يـهـمـونـك قـريـبـيـن الـشـوابـح ** الـردي حـيـشـاك ذكـره مـا يـخـلــد يا ابو مشعل خـل من دار المرابـح ** لا يـغـيـضـك خـايـن قـام ايـتـجـلـــد لا تـسـمّـع لـلمـهـايـط والـمـطـابـح ** أنـت فـوق القـول والخـاسي تـبـلـد وقال خلف المحدى : يـمـكـن أغـيـب أيـام وأيـام وأيـــــام ** وفـيهـا أسـج ولا يـجـيـك اتـصـالـي لـكـن تــأكــد والـوعــد دوم قــّـــدام ** ما غبـت عن عقـلي وفكري وبـالي خـذهـا عـهـد مـني عـلى مـر الأيـام ** أن جـيـت غـالي وأن تبعـدت غـالي جواب عبدالله بن عبار رداً على خلف المحدى : يا خلف المحدى عسى العـز لـك دام ** عساك بحفظ اللي على الكون والي تـدرك مـواجيـب الـتـاخـي بـالإسـلام ** فـي طاعـة المولى عـزيـز الجـلالي واليوم من هو يقطع الوصل ما يلام ** ضامـه شـقـا بقعـا وظـرف اللـيـالي قال عبدالله بن عبار يسند على خلف المحدى : يا بن محدى وش بلا بعض الحمايل ** وش علامه يا بن محدى باح سـده ضـدنـا يـسعـون فـي حـقـد وغـلايـل ** واعتقـد من قـام ضـدي أنـت ضـده الأصايـل يـا خـلـف صارت عـصايـل ** والعـريب اليـوم خـالـف سلـم جـده جواب خلف المحدى : يـا رفـيع الشـان يـا ذرب الـفـعـايــل ** مـن يـدور الشـر جـعـل الـلـه يـلـده أصعـد أصعـد للعـلا والـراس طـايـل ** بـرج مجـدك مـا قـدر حـاسـد يهـده وحـنـا لـك أنصار يـا عـرب السلايل ** مـن يحـدك حـالـفـن والـلـه لا حـده وقال خلف المحدى : لو غبت عنك أيـام وشهـور وسنيـن ** يبقى مكانك يا أبو مشعـل مكانـك دايم ترى قدرك على الراس والعين **عالي قـدر ما نـزّل الـوقـت شانـك جواب عبدالله بن عبار : مشكـور يالمنعـور يـا خلـفـة غبيـن ** لا فـض فـوك ولا تـلعـثـم لـسـانـك وفـي ومـن صـفـوة رجـال وفـيـيـن ** اطلب عسى تسعد ويصفي زمانك وقال خلف المحدى : مـا كـل رجـل بـالـلـزم تحـتـمـي بـه ** يـوم الشدايـد عنـك كـلن يحـوصي بالهـرج بعض الناس يا كثـر طيبـه ** كـلام ولا حـزت الضيـق صـوصي جواب عبدالله بن عبار رداً على خلف المحدى :
يا خـلـف عـادات الخلايـق غـريـبـه ** بـهـم كـريـم وبالـرجاجيـل بـوصي أقـرب قـريب من البشر تعتـزي بـه ** بالجد يقرب لـك ومالـه خصوصي
__________________
 التعديل الأخير تم بواسطة عبدالله بن عبار ; 07-17-2019 الساعة 04:31 AM |
|
|
|
01-30-2008, 03:34 PM
|
#2 |
|
.:: مدير الموقع ::.
تاريخ التسجيل: Apr 2007
الدولة: السعوديه
المشاركات: 408
|
وقال خلف المحدى :
مكـانـتـك بـقـلـوبـنـا يـا أبـن عـبـار ** وإذا نـسـيـنـاك أنـت ربـي نـسـانــا يا سيفنا المصقول بالموقف الحـار ** الـيـا احـتمـينـا فيـك نلقـى حـمـانـا يا أبن المعنى قطعت عنك الأخـبـار ** وحـنـا قصرنـا بـواجـبك من ردانـا قال عبدالله بن عبار رداً على خلف المحدى : مشكور يامن صغت منظوم الأشعار ** الــوايـــلـي مـا يــوم لـعــداه لانــــا مشى صعـود ولا سلـك درب محـدار ** ويـذبـح لمـن ينصاه عـيـت سمانـا وأنـا كـذلـك منشغـل يا أبـن الأخـيـار ** عسى الولي يصلح ضناك وضنانا وقال خلف المحدى واصل يا ابو مشعل للأمجـاد واصـل ** وعليـك لا يشكل من الناس لـواص أنت الرفيق اللي على الطيب حاصل ** ولا الردي في حزت الضيق حواص قال عبدالله بن عبار رداً على خلف المحدى : حنـا لبعضنا يا أبـن محـدى قـنـاصل ** والناس فيها العـام يالقـرم والخـاص وبين الردى والطيب مبطي فـواصل ** وعظم الهلامه ياخلف مابه مصاص وقال عبدالله بن عبار يشكر خلف المحدى بمناسبة تصديه لشخص حاقد: ماهـي غـريـبه منـك يا نسل حمـدان ** أنـت الـذي شـرواك نـفخـر بجـده أشكرك ثم اشكـرك يـا ذرب الأيمـان ** الـحـق قـّدام الـمـجـالـس تـعـّـــده جاني خبـر موقفـك يـا طيـر حـوران ** مـن سـبـنـا يـالـقـرم خيـبت سـده فقال خلف المحدى مجاوباً : الـلي يـسبـك يا أبـن عـبـار جـابـان ** ومـن لا يـودك نـكـرهـه مـا نــوده نـذود عـنـك بـكـل مجـلس وميـدان ** والـلي ضمـر لـك شـر حـنا نصـده والـلي يـنـوشـك يالمعـنى بنقـصـان ** يـنـوشــني والـلاش دونـك نــرده يا شاعـرٍ بـك نفـتـخـر كـل الأحيـان ** يـفـداك مـن هو طاع وإبليس شده قال خلف المحدى : لـو غبـت عـنـا شهور ولا عـوامي ** نذكـرك ما ننساك يا ذرب الأيـمـان مثـلـك لـه التـقـديـر والأحـتـرامـي ** يـبقى بـوسط قـلـوبنـا ويـن ما كـان أنما دفـاعي عنـك فـي كـل عـامي ** فيـك أفـتخـر والـلي تحـداك غلطـان العـن أبـو جـده لعتيـن الـرسـامي ** ما جامله لتو كـان من صلب فدعان جواب عبدالله بن عبار رداً على خلف المحدى : عـادتـك دايـم يـالسنـافـي تـحـامـي ** عندك طبيعه راسخه عبـر الأزمان هدفـك دايـم يا ابن الأجـواد سامـي ** مشكور يـا خـلـف سلايـل كحـيلان حيث أنـت مـن لابـه تفـك الجهامي ** زبن الطريح اليا وقع وسط ميـدان شيخان بشر يـوم عـصر الحسامي ** منهم شريّـف نجـد خلـفـة دخيـلان قال خلف المحدى : أفسح بـصـدرك لـلسعـة والمحـبـه ** لاشـك لا تـجـعـل صـديـقـك عـدوي والـنـايـم الـلـي للخـطـر مـا تـنـبـه ** رأيـه معـه وأنا انتظـر وش أسـوي جواب عبدالله بن عبار : حـنـا عـدوك يـا خـلـف مـا نـحـبـه ** وأنت تعرف مقصد ضميري ونوي والـهـايـف المغـتـاب يـجـزاه ربـه ** ولا هـمـنــا يـا الـقـرم ذيـخ يـعــوي أبيات بالجوال ارسلها محمد الجلعود ابو هذال عبر الجوال : يا مرحبا واهـلين يا عـز الأصحاب ** الصاحب الـلي ياخـذ الطيـب كـلـه الـلي الـيـامـنـا نـصـيـنـاه مـا غـاب ** يلقـونـه رجـال الـوفـاء فـي محلـه في مجلسه تلقى عـريبين الأنساب ** وتلقى الشحم والعود الأزرق ودله جواب عبدالله بن عبار رداً على رسالة محمد الجلعود أبو هذال : مشكور يا مرسل مع الفجـر نجـّاب ** أبـيـات بـالـجـوال عـبـر الـسـجـلـه مدحتني يالقـرم يا ريـف الأصحاب ** عسى الـولـي يحميك مـن كـل زلـّه مارالمراجل طرقها عوج واصعاب ** ولا كـل مـن رام المـراجـل حصلـه طير الرخم لو مخلبه مخلب عقـاب ** مـا أظـن دسـم الصيـد يقـدر يشلـه وقال محمد الجلعود أبو هذال لحضت تذكّرت الخـوي خافـقي فـز ** فـزت مـهـرب والـسـواحـل تـلــّزه اليا حصل شرواك باقي العرب طـز ** والـحـر مـا يشبـه مـن الطيـر وزه الشـوق يـأخـذنـي والأفـكـار تـهتـز ** واشتـاق لك شوق المجاهـد لـغـزه وقال عبدالله بن عبار رداً على رسالة محمد الجلعود : تـعـيش يـالـلي مـن المعادين ما نـز ** الـلـي عـن عـلـوم الـرذايـل مـنـّزه مـن لابـة يـوم الـلـقـا طـعـنـهـم كـز ** والكـل رمـحـه فـي خصيمـه يـدزه من ضربهم هـج العـدو كـنـه خـزز ** عـاداتـهـم يـثـنـون فـي كـل حـّــزه وقال فواز الخمعلي : سلام تسيلمة فخـر ما بـهـا جـدال ** حنـا الفخـر وأنـت الفخـر يا فخـرنـا هـذي حقـيـقـة حـق والحـق ينقـال ** حـقـك عـلـيـنـا نـشكـرك لا شكـرنـا جواب رساله إلى نايف الخمعلي يالخمعـلي مشكـور يا طيـب الفـال ** يالـلي عـلى منطـوق لفـظـك سمـرنـا شاعـر حكيـم وبـك حميـه وزعـال ** وشــرواك لـه عـنـد الـلـوازم ذخـرنـا قال فواز بن مزاوم الخمعلي يسند على عبدالله بن عبار : يا أبـو مشعـل حـددوا وقـت الزيـاره ** لا تـقـول أن جـيـت لبريـده نمـّره شـوفـكـم مكـسب ولا فـيهـا خسـاره ** حـدد المـوعـد تـرى دوم انتشـره قال ابن عبار : الـزيـاره يـمــكـم يـا ريــف جـــاره ** يعـلـم الـلـه تـبهـج الصـدر وتـسـره عـرفـت الطيـب كـمـا قالـوا تجـاره ** والـذي شـرواك مـلـزوم نـمــــــــره قال فواز الخمعلي : قـبـل الكـلام أقـول مسيـت بـالخـيـر ** يـا الطـيّـب الـوافـي بـكـل الحـلايـا ارسـلـت لـك مـني تـحـيـه وتـقـديـر ** عـسى عـدوك لـلـفـنـا والـمـنـايــا الـيـا حـضر إبليس فـي مـارد البيـر ** يـا تـاج راسـي يـا كـريـم السجايـا جواب عبدالله بن عبار : يـا مرحبـابـك عـدد مـا غـّرد الطيـر ** وأعـداد مـا ورد الحياض الظمايـا يا أبن مـزاوم يا عشيـر المنـاعـيـر ** عـنـدي بيـوتـك مـن كبـار الهـدايـا أطلب عسى رب الخلايق لك ايجيـر ** يحـميك والـي الكـون رب البـرايـا وهذهأبيات رسالة عبر الجوال من الشاعر : مبارك بن عمران السبيعي متى تسعد الدنيا ومتى يستريح البال ** ومـتى يدلـه الرجال عن كثـر سجاتـه أظـن الثـلاث محـال يدركهـن الـرجـال ** يموت الرجل مـا أدرك بدنيـاه رغباتـه الأعـمـال بالـنيـات يـا طـيّـب الأعـمـال ** والأرزاق للمخلـوق مـن خالقـه جـاتـه توكل عـلى الـلـه والمعاضل لهـا حـلال ** مصّرف شئـون الكـون رافـع سماواتـه بـعـلـم الـوفـاء رد الـتـحـيـات بالأجـلال ** لـكـم خـالـص التعبـيـر وأبلغ عـبـاراتـه يا هل وصلكم ردي عبر موجة الأرسال ** يا أبن عـبـار الـلي ما تناسيت وقـفـاتـه قال عبدالله بن عبار هذه الأبيات رداً على الصديق مبارك بن عمران الأدغم العامري السبيعي : وصلني رسالة من مبارك عريب الخال ** فـرحـت بجـواب الـلي تشوقت لأبـيـاتـه سليل الشجاع اللي يضد العدو لا عـال ** الأدغـم خـصـيـم الضـد لا حـشـد قـواتـه اعـزك يا أبـو سلطـان يـفـدونـك الأنـذال ** كما الساطي الصمصام يذخـر لعـازاتـه أشـوف الزمان اليوم مهما عـدلتـه مـال ** كـفـاك الـولي يالـقـرم مـن شـر نـكبـاتـه زمانـك تـوازن لأسود الـوجـه والـدجـال ** توصـّل وحصـّل مطـلـبـه وادرك مـنـاتـه لـك أرسـل تحيـاتي عـبـر شاشة الجـوال ** تـقـبـّل سـلام أخـيـك وأزكـى تـحـيـاتــــه قال راكان بن جبل هذه الأبيات رسالة جوال إلى عبدالله بن عبار : فـوق جـيـب مـتـجـه مـع خـط حـايـل ** ودعـونـي بـس لـيـتـه مـا مـشــا ويـش اقـول اقـولـهـا ولانـي بـقـايـل ** تـلـنـي تـل الـمـحـالـه لـلـرشـــــا شـاعـر الـويـلان عـنـد اولاد وايــــل ** بالحـجـر غـداه وبالـفيـضه عـشا أبـو مـشـعـل مـن عـظيميـن الفعـايـل ** مـا يـجـيـه الـلـوم عبدالـلـه حشا جواب عبدالله بن عبار رداً على راكان بن جبل : يا أبن جبـل جـيتكـم حـمـو القـوايـل ** نـعـتـذر يـا شـوق ملهـوف الحـشا اشـهـد ان الـشـك يـالـمنعـور زايـل ** يـا سـلـيـل الـلي عـلى العـليـا نـشـأ صيرمي من ساس حاميـن الدبايـل ** نسـل قـرم مـن خصيـمـه مـا خـشـا المتـلـطـم مـن مشـاهـيـر الحمـايـل ** ومـن صعـد للمجـد حصـل مـا يـشـأ وآخـر الـمـنـظـوم بـخـتـام المثايـل ** كـل بـيـضـاء لـوجـه راكـان اتـغـشـأ وقال راكان بن جبل الفقيري رسالة جوال : يـا هـلا بـقـاف أبـو مشعـل يـوم جاء ** رحـبـوبـه خـلـفـة منـبـه جـمـيـع ابـتـهــلـنـــا وانـتـضـرع بـالـدعـــاء ** لـلإلـه الـواحـد الـفـرد الـسـمـيــع أبـو مشعـل كـلـه إخـلاص ووفـــــاء ** للـرفـاقـه خطـوتـه تـمشي سريع ابـن دهـيـمش شـوفـتـه لـيـه شـفـاء ** يا عبـدالـلـه قـلب ابن جبل وجيع قال عبدالله رسالة جوابيه إلى راكان الجبل : يـا هـلا بـعـداد مـا يـقـرا الـهـجــــاء ** بالـزمـيـل ومنطـق البـدع البـديع عـاشـوا الـلي دوم لـلاجـي حــجـــاء ** يـوم لـلأرواح مـشـراه ومـبـيــع الـحـيـود الـلـي مـثـل شـامـخ أجـــاء ** لابـتـه فـرسـان بـالـيـوم الشنـيع قال أحد الأصدقاء : سلام منـا لأبـن عـبـار زبـن الدخيل ** اعـداد مـا لاح بـارقهـا ورعـادهـا شاعر عيال وايل مثـل حـد الصقيـل ** مسند الوايليه فخـرهـا واسنادهـا جواب عبدالله بن عبار : يامرسل القاف تسلم يا عسى عمرك طويل ** صاحـب النفس الأبـيه تختـلج بمرادها سرني مظمون قولك بالهدف قـصدك نبيـل ** نفخـر وكـل القبـايـل تفـتخـر بامجـادها يوم بعض الناس يجحد كل معروف وجميل ** مانفع بعض الزلايب حسدها وحقادها قال الشاعر علوش الشمري : شاعر بني وايـل بعيـدٍ عن العـييـب ** متحـدرٍ مـن نسـل يعـرب وعـدنـان يـصوغ زيـنـات المثـايـل بـتـرتـيـب ** وايـركـب المعـنى عـلى كـل عنوان من حيث ابن عبار هو منقع الطيب ** راس الحـميـا والشهـامـه كحـيلان جواب عبدالله بن عبار رداً على علوش الشمري : مشكور يا علوش يا طاهتر الجيـب ** جاني جوابـك عسى يفـداك كوبـان مـن لابـة للضيـف نعـم الـمعـازيـب ** أهـل الـلحـيسة مشبعـة كـل جيعـان اليا جاكـم الطرقي بحمو اللواهيـب ** يقـلط على فنجـال وفطـاح خـرفـان واليـا تـلاقـوا بالسيوف المحـاديـب ** عـاداتـكـم يالشمـري فـك الأضعـان وقال أحد الأخوه رسالة جوال : حـر يالـلي بجنحانك نويـت المطيـر ** خـذ رسالـة حشيم العـز مظمونهـا ودها لأبـو مشعـل يـم ذاك البصـيـر ** وبلغـه بالتحيـه وقـول يـاعـونـهـا وبـلغـه إن عـنـدي لـه مقـام كـبـيـر ** وايلي لـه مواقـف دايـم يحمدونها وقال أبو رايد الربيلي ضمن رسالة جوال إلى عبدالله بن عبار : يعلم الله ما نسيتك وما اتبع الناس الجحوده ** ماني من اللي عن الغالين لا اقفى ما نشد لكن ظروف الليالي زودت شغلي حدوده ** وانشغلنا غصب وأنت اللي يعرفك ما جحد جواب عبدالله بن عبار : يا أبـو رايد يالربيلي دوم سيرتك محموده ** ولدعي من ساس لابه ضد من جمعه حشد واللي مثلك يالسنافي ماسك عادة جدوده ** ومن تعـّود للمراجل عـن مقامه ما يشد قال فهد السياري الخالدي رسالة جوال إلى عبدالله بن عبار : تـعـيش يـا صـقـر تـمـنـيـت رؤيـاه ** مـا شـفـتـه الا سـاعــة رايــق لـي عـبـدالـلـه العـبـار نـفخـر بـطـريـاه ** الـقـرم واعـدنـي يـشـّرف مـحـلـي ثـم اعتـذر بعـض المشاغـل لمبـداه ** الـلـه يـعـلـم بـالـسبـب مـا يـقـلــي ولـو أيـتعـذر بالعـذر مـا عـد امـداه ** عـسـاه يـقـبـل دعـوة مـن مـصلي رساله جوابيه من عبدالله بن عبار إلى فهد السياري : جـاني جـوابـك يـا زبـون الـمـخـلاه ** يـا الـلي حـجـاجـه دايـم مسفـهـلي الـيـا لـفـاه الضيـف يـفـرح بلـقـيـاه ** عـوايـده لاجــاه ضـيـفـه يـهــلـــي فـهـد سنـام الـمـجـد يصعـد بعـليـاه ** عـاف الـطـمـانـه ثـم رام الـتـعـلـي أقـولـهـا وافـخـر بـمـثـلـه وشـرواه ** حتيـث ان فـعـل الخـالـدي جايزلي وقال فهد السياري : أنـا لـصـوتـك يا ابـن عـبـار مـشتـاق ** ولشـوفـتـك يالقـرم زاد اشتيـاقي دايـم تـواصلـنـا عـلـى مـثـل الأوراق ** شـاشــات جـوال تـودي بــراقــي يا مسنـدي سيّـر تـرى الجـو ينطـاق ** تـرى جـو الـزلـفي تـعـدّل وراقـي كـف الـغــبـار رداه والـظـل مـنسـاق ** والماء تسلسل من قراح السواقي قال عبدالله بن عبار رداً على فهد بن حمد السياري : يا بن حمـد مشكور عساك ما تعـاق ** عساك دايـم يا أبـن الأجـواد بـاقي أنت الـذي دايم عن العرف ما مـاق ** عـن واجـبـك مـا تـتـقي بـالـمتـاقي ونعم بهل الزلفي عريبين الأعـراق ** مبطي مـداهـل للطـروش الطـراقي والمعذرة يامن عـلى الطيب سبـاق ** أسمح لـلي من كثـر الأشغال شاقي قال فهد السياري أيضاً : يا مـل قـلـب حـزيـن مـا صفا جـوه ** ضاقت علي الوسيعه والعمـر فـاني يشفق على خوة اللي يكـرم الخـوه ** اللي يعـز الصداقـه طـول الأزمـاني الصاحب اللي سكن بالقـلب بالقـوه ** عز الخوي ومكرم الضيف والعاني قال عبدالله بن عبار رداً على فهد السياري : يا فهد يا من بـك شهامـات ومـروه ** اشكـرك يالخالـدي يا ذرب الأيـماني يا بعـد طبعـك عـن النمات والسـوّه ** علمك يشّرف عند الأقصين والداني يفداك من هو عن الطولات متمـوه ** ولا أنـت قـرم كبيـر القـدر والشاني
__________________
|
|
|
|
|
01-30-2008, 03:36 PM
|
#3 |
|
.:: مدير الموقع ::.
تاريخ التسجيل: Apr 2007
الدولة: السعوديه
المشاركات: 408
|
وقال فهد السياري أيضاً :
يا أبـو مشعل لـك بالخـواطـر معـزه ** دايــم مــع الأيـام تـكـبـر وتـــزداد ولـزيـارتـك لـلـدار قـيـمـة وفـــــزه ** ولـزيارتـك نشتاق يا نسل الأجواد طـويـق يهـلي والـولـه حـيـل هـزه ** والسبلة تفـرح كـان حـددت ميعـاد والطـلح يـرقص والعنـود استعـزه ** والطير يسجع باللحن فوق الأعواد شوفك يا أبن عـبـار هو خير حـزه ** مـالـه شبيه غـيـر حـزات الأعـيـاد وقال فهد السياري : يا مرحبا بالـلي عـلى العسـر واللين ** تـتعب قوافي الشعر تاصل مديحه يـا مـرحـبـا أهـلا وسـهـلا مـلايـيــن ** تمـزج مع الريحان لا فـاح ريحـه تـرى الـغـلا بالقـلب لـو تبعـد العيـن ** ومحبـتي والـلـه تـراهـا صريحـه قال عبدالله بن عبار رداً على فهد السياري : يـا فـهـد يا نـسـل الـرجـال المسميـن ** منطـوق لفـظـك شـاق بالي نفيحـه يا ريـف مـن جـولك من البعد عانين ** بـقـبـالهـم زيـن الـنـبـا والـذبـيـحـه وفـنجــال بـن مـروك يصبغ الصيـن ** ما جيـب مـن مـد اليدين الشحيحـه وقال فهد السياري : احب دهـن العـود وانـواع الأطيـاب ** واحـب نـاس مـا تـعـرف القطيعـه احـب كـل إنـسـان راقـي وجـّـــذاب ** صـدوق في حـبـه ونـفسه رفـيعـه تـرى الوفاء بقـلوبنـا مالـه أسبـاب ** فطـره خلقها الـلـه وصارت طبيعه جواب عبدالله بن عبار على أبيات فهد السياري : يا فهـد يا ريـف الرفاقه والأصحـاب ** اشكـر جـنـابـك كثـر رمـل الوديعـه يا طاهتر المهجه وعفيـف الأجـيـاب ** أنـا اشهد أنك ما تعـرف الخـديعـه الـلـه يا قـاك من المشاكل والأنشاب ** وعساك تصعـد بالبـروج الـرفـيعـه وقال فهد السياري : مهمـا تباعـدنـا ومهـما الزمن طـال ** بـرجـك مشيـد والقـواعـد مـتـيـنـه ما ينهـد ملو يضرب الأرض زلـزال ** محـمي بقـلبي بالـوفاء حـافظينـه هـذي شعـور صدق مـا هـي بأقـوال ** نحـكي غـلا صادق لـكـم حاملينـه جواب عبدالله بن عبار رداً على فهد السياري : يا فهـد جاني قافـكم عـبـر الإرسـال ** وانت الصديق اللي علومه ثمينـه والـواجـب أنـي أرسل الـرد بالحـال ** لاشـك كـنـت مـســافـر لـلـمـديـنـه ولك الشكر يا معـرب الجـد والخـال ** مـن راس لابـه مـجـدهـم خـابريـنـه رساله من فهد بن حمد السياري : يا طيـر يا طـيـر الغـلا والتـواصيـل ** سلـّم عـلى زيـن الوصايـف وقـلـه عـليـك مبـروك العشر عشر تهليـل ** عسى الـولي يكتب لـك الأجـر كلـه ادعـي لـك بتقـلبي واهـنيك بالحيـل ** يـا واحـداً قـدرك بـقـلـبـي مـحـلــه قال عبدالله بن عبار رداً على فهد السياري : مشكور يا فهـد عـلى صادق القـيـل ** تـدعـي لـنـا بالخيـر ما قـلـت زلـّه اشكر جنـابـك يتا عـريـب الأخاويـل ** عسى الولي يحميك من كـل عـلـه عز الله انك من شخوص الرجاجيـل ** وأنـت الـذي درب المراجـل تـدلـه قال فهد بن حمد السياري : لي صاحب صحبته تشرى بالأرواح ** فيـه الـوفـاء والطيب مالـه حدودي هـو مكسبي بين الخساير والأربـاح ** نـسل الـرجـال معـربـيـن الجـدودي دامـه رفـيـقـي عـنـي الـهـم يـنـزاح ** عـسى زمـان جـاب عـرفـه يعـودي جواب عبدالله بن عبار : لـك الشكـر مـدبـول يـا نـادي الـراح ** يالسـاطي الـبـاتـع قـوي الـزنـودي اشكـرك يـا فهـد وأنـا منـك مـرتـاح ** حيثـك عـريب ودوم ترقى السنودي شهـم وبشوش ومعشراني ومـزاح ** يـفـدا جـنـابـك كـل عـرد وحـقــودي قال فهد بن حمد السياري : ود الخبر يا نديبي لأهل الوفاء وده ** لديـار حـرٍ يـهـوز الصيـد مخـلابـه ماكل من صد نسأل عن سبب صده ** ولا كل من غاب يبحث عنه بغيابـه الكفـؤ نحسب حسابـه زيـن ونـعـده ** أن غاب يفقد وإذا ما غـاب يدرابـه مثلـك وشرواك نـنشد عـنـه ونـوده ** لاغاب قلنا عسى المكروه ماصابه واللاش يا لعن أبوه ولعن ابو جـده ** ان غاب ولاحضر مانحسب حسابه قال عبدالله بن عبار رداً على فهد السياري : سـلام مـني يفـوح العـطـر مـن نـده ** يهـدى لقـرم تعـزه جملـة أصحابـه مشكور يالخـالـدي يا معـرب الـبـده ** سيـايـره لابـتـك والـنعـم مـن لابــه أن صاح غروٍ يذب الشال عن خـده ** رجالهم يدحم على الجمع ما هابـه وأنت الذي نذخره في حـزت الشّده ** مـلاذ عـن الـزمـن لا كشـر بـنـابـه عندي خبر بالحفر مضيت لـك مـّده ** وافنيت مـالٍ بجودك وتـاه حسّابـه وقال فهد السياري : يا أبـو مشعل فلك عندنا كـل تقـديـر ** ومحبتـك يا مسندي تـازن الـروح وأن شـط فينـا الوصل أو قـل تعبير ** بـاب الوفا لأجلك مبرهج ومفتوح وأيـضـاً نهـنيـكـم بالأمطـار والخيـر ** عسى نـواوير الحيا عـقبه اتفـوح قال عبدالله بن عبار جواب لفهد السياري : مشكـور يـا مرسـل عـلينـا التباشير ** نطلب لعـله يدرج السوح واللـوح عـسـاه يـنـبـت ديـدحـان الـنـواويـر ** بجاه الذي عطف على جدنـا نـوح حـتى انتمشى بالفـياض المخاضيـر ** ننشق عبير الورد والبال مشروح هذه الأبيات تهنئة أرسلها عبر الجوال الشاعر ثاني بن عويجان المضعان يـالـوايـلي مـبـروك عـيـد الضحيـه ** عسى تعـوده دايـماً يـا أبـن عـبـار يـالشـاعـر الـلي تفـتخـر بـك سميه ** تفخـر بك الويلان في كـل الأقطـار والتـهـنـيـة بالـعـيـد واجـب عـلـيـه ** حبيت اترجم لك شعوري بالأشعار
__________________
|
|
|
|
|
01-30-2008, 03:42 PM
|
#4 |
|
.:: مدير الموقع ::.
تاريخ التسجيل: Apr 2007
الدولة: السعوديه
المشاركات: 408
|
قال عبدالله بن عبار هذه الأبيات رداً على ثاني بن عويجان : مشكور يا راعي الـوفـاء والحميه ** يـا ثـانـي عـويـجـان يا طيـّب الكـار جـني بـيـوتـك واعـتـبـرهـا هـديـه ** قلته وأنا لـك يا أبن الأجـواد شكـّار يـا عـل عـيـدك بـالحـيـاة الـهـنـيـه ** وعساك ترفـل بالهنـا عـبـر الأدوار وقال ثاني بن عويجان الحسني رسالة جوال يثني على عبدالله بن عبار : سلام أحـلا مـن العسل يا ابن عـبـار ** مني يا أبو مشعل لحضرة جنابـك مـن شاعـرٍ يـغـليك يا بحـر الأشعـار ** ومن كثـر ما يغـليك حافـظ كتابـك ودي يـشـرفـني جـنـابـك بـمـسـيــار ** اقـولـهـا مـلـيـون مـّره هـلابـــــك بالـقـلـب والـلـه لـك مـعـزه ومـقـدار ** يالوايلي اسمك شرف في غيابـك بـك نفـتخـر يـا طـيّـب السلـّم والكـار ** من دون وايل كـل شاعـر يهابـك تستـاهـل التكـريـم فـي كـل الأقـطـار ** دافعت عن وايل ويحسب حسابك قال عبدالله بن عبار رسالة إلى الأستاذ عبدالله بن سمير : يا أستاذ ما شفناك وين أنت يا أستاذ ** أظــن قـلـّت شـوفـتـك مـن ردايــــه الكـل مـنـا صـار عـن صـاحـبـه شـاذ ** وش السبب يا أستـاذ وش الحكايه حـنـا بـسنـه يـا مسنـدي قـرشـهـا لاذ ** وأخبـار الأسهم عنـد زينـه ومايـه جواب الأٍستاذ عبدالله بن سمير رداً على عبدالله بن عبار : جتـني رسالـه وأسقـت القـلب بـرذاذ ** مـن واحـدٍ نغـليـه مـن غـيـر غـايـه مـن واحـدٍ عـن واجـبــه دوم مـا لاذ ** قـدره كـبـيـر ومـن أعـز اصـدقـايـه يـا مرحبـا بـك عـد مـن بالولي عـاذ ** وأرجـو يا أبـن عبـار تسمح خطايـه وقال عبدالكريم الركابي : الـوايـلـيـه اعـتـزت وانـتــخـت بــك ** وانت فخرها وعـزها يـوم تـنخاك سيقت لها البشرى هلا وافرحت بك ** تضحك لهـا الدنيا بطـاري محياك وهبه من اللـه يـوم هي اوهبـت بـك ** حـظ لهـا سعيـد بمثـلـك وشرواك بـغـت تضـيع أمجـادهـا لـولا كـتـبـك ** لـولا الـلـه المولى ومن ثم لولاك حـمـيـتـك ساقـتـك واستـقـت ركـبـك ** حـفـظـتـها الـلـه يـديمـك ويحماك جواب عبدالله بن عبار رداً على عبدالكريم الركابي : صدق المشاعـر بالهـلا رحبـت بـك ** يـا مـرحـبـابـك يالـركـابي وحـيّـاك الساعه اللي يا أبن الأجواد جت بك ** لحظه سعيده يـوم حـنـا عـرفـنـاك رجلك عـلى درب الخطأ مـا مشتبك ** مـاجـور يا عود على الخيـر ربـاك واللي من الفرع الصيل حملـت بـك ** الـلـه ياقاهـا من المهالك والأدراك يا مـن أخلاقـك للمعـالي سمـت بـك ** تـثـني عـلى مجهـودنـا لا عـمنـاك وقال عبدالكريم الركابي : لا عــددوا شـعـّـار كـل الـقـبـايــــل ** والـكـل مـنهـم قـام يـفـخـر بشاعـر انا افـتخـر بـك شـاعـر اولاد وايـل ** احـكـام شعـرك يـالـمـعـنـى ذواعـر لـك مـوقـف مشهـود مابـه جهايل ** قهـرت خصمـك لـيـن روح يجـاعـر تـزها الـمدح حيثك وفي الخصايـل ** ذكرك من دير الزور لدار الصياعر جواب عبدالله بن عبار رداً على عبدالكريم الركابي : مشكـور يا نسـل القـروم الحـمايـل ** ريف الهواشل يوم غلوا المساعـر من ساس لابـه يـدركون الجـمايـل ** أشـم مـن شـم الحـيـود الـمـواعــر أن اعـتـلـوا فـوق المهـار الأصايل ** رجـالـهـم سـيـفـه لـلأرقـاب فـاعـر وان طـار ستـر منقـضات الجدايـل ** خصيمهم من جسمه الذيـب مـاعـر وقال الفليحي النومسي : تمضي سنين العمر والوقت ما طاب ** والطيـبـات يجـن عـقـب العـجـافي ابـواب تقـفـل ميـر ما تعـرف اسباب ** واسـبـاب عـرف البينات الخوافي اشياء من كثر الحسن تقهر اشنـاب ** وأشناب من كثر الحسن ماتشافي ولو راعي المخلب فهم راعي الناب ** مـا صـار بيـن الطيـبـيـن اختـلافي ياصاحبي من عرف شرواك ماخاب ** وانته رئيس اهل القلوب النضافي سولف واسولف والوفا ما بعد غاب ** مـا دام بـالـدنـيـا بـحـور وفـيـافـي جواب على الفليحي النومسي : العرف ما يعرض على صحاح الألباب ** وانـت الفهيـم المطـلع يـالسنافي بعـض العـرب يا القـرم بالليـل حطـاب ** ما يـدرك المقصود يا اللـه تكافي ومـن لا يـمـيّـز لـو تـكـلمـت بـاسهـاب ** هيهـات ما يفهـم غـميق الهدافي سبحـان مـن غـيّـر مفاهـيـم الأصحـاب ** كـثـر الجـفاء ما بينهم والتجافي مـن كـثـر مـالـه يالفلـيـحي لـه أحـبـاب ** ومـن قـل مـالـه كل فعله عوافي وقـت فـرق شـمـل الـرفـاقـه والأقـراب ** وأصبح مثل ما قال صقر النصافي وخـتـامـهـا اهـنـيـك فـي كـل الأوجـاب ** حيثك صديق ودوم مخلص أوافي قال خليفة ابو ثامر الشمري : الفكـر صحح واعتـدل خاطـري تـو ** والـبـال فـي نـظـم القـوافـي تـهـيـا ادق هاجوس الغـلا واشعـل الضـو ** وامـدح رفيـقي يـوم يطـري عـلـيـا جواب عبدالله بن عبار رداً على خليفه أبو ثامر الشمري : يا الـلـه طلبتـك يـا ولـي المـلأ قـو ** القـرم الـلي فـيـه الصخى والحـميـا أبـو ثـامـر ربـه يفـكـه مـن السـو ** الـنـادر الـحـلـحـيـل طـلـق الـمـحـيــا الشمري ريف المسايير وأن جـو ** مـصـقـر حـرار ولا بـوكـره حــديـــا وقال مفرح القحص : الشهم لاجـاء واجـبه يعجب العيـن ** والحـر لـولا موقـفه ما اقـنصوبـه والطيب كايـد والرجاجيل شرهيـن ** والنـاس ما خـلوا أحـد مـا حكـوبـه والمدح واجـب فيك واقـول نعـمين ** افـخـر بمثـلـك والـرجـال محسوبه رساله جوابيه إلى مفرح القحص : يا مفرح المطلق عسى فالكـم زيـن ** اكـفيـت شـر المـوبـغـه والعـقـوبـه حيثك عزيز ومـن رجـال عـزيزيـن ** دهـامشه درب الـمـراجـل مشوبـه بك الكرم والطيب واللطـف والديـن ** حـبـاك ربـك فـي خـصـال محبوبـه أبيات من أحد الأخوة رسالة الجوال إلى عبدالله بن عبار : مشكور يا راعي الوفاء والجمايـل ** يـا نـادرٍ روس الـنـوايـف رقـاهـــا يا أبو مشعل يفداك عفن الخصايـل ** الـلي عـلـوم المـرجـلـه مـا قـواهـا الـطـيـب ساسـك والـفـعـايـل دلايـل ** والـعـز طـبـعـك لا تـزايـد قـسـاهــا جواب عبدالله بن عبار على صاحب الرسالة : جانـي جـوابـك يا عـريـب السلايـل ** لـك الشكـر عـد الـرمـال وحصاهـا الـلـه يجـيـرك مـن عتظيم الهوايـل ** ويحميك من ميلات بقعـا وغثـاهـا أنـا أشهـد أنـك مـن رفـاع الحمايـل ** والـلي شرواك اعـتـز بـه واتباهـا وقال أحد الأخوة : انـت الـذي رفـعـت صيـت القبـيلـه ** جـمعـتهـا مـابـيـن حـضـر وبـدوان نرفع لك البيضاء بـراس الطـويلـه ** يا عـزنـا يا فخـرنـا يـا أبـو عدنـان هـذا كـلام الصـدق مـا بـه جهـيـلـه ** شفـت الحميه فيك والفعـل برهـان وهذه أبيات من أحد الأخوة
مشكور يا راعي الوفاء والجمايـل ** يـا نـادرٍ روس الـنـوايـف رقـاهـــا يا أبو مشعل يفداك عفن الخصايـل ** الـلي عـلـوم المـرجـلـه مـا قـواهـا الـطـيـب ساسـك والـفـعـايـل دلايـل ** والـعـز طـبـعـك لا تـزايـد قـسـاهــا
__________________
|
|
|
|
|
01-30-2008, 03:45 PM
|
#5 |
|
.:: مدير الموقع ::.
تاريخ التسجيل: Apr 2007
الدولة: السعوديه
المشاركات: 408
|
جواب عبدالله بن عبار على صاحب الرسالة :
جانـي جـوابـك يا عـريـب السلايـل ** لـك الشكـر عـد الـرمـال وحصاهـا الـلـه يجـيـرك مـن عتظيم الهوايـل ** ويحميك من ميلات بقعـا وغثـاهـا أنـا أشهـد أنـك مـن رفـاع الحمايـل ** والـلي شرواك اعـتـز بـه واتباهـا قال نايف بن متعب بن معبهل الشعلان رسالة جوال إلى عبدالله بن عبار : السلام أصل المعزة وحبة الخشم احترام ** والصديق الكفوا عده مثل جاهك واحشمه وأرفعه بالقـدر مابيـن الثـريـا والغـمـام ** حيث لامنك بغـيتـه ما يـبي لـك تـزهمـه محزم يشد ضهرك لا التقوا وقت الزحام ** لعن أبو من لا يعـدك يا خـويي محـزمـه جواب عبدالله بن عبار رداً على أبيات نايف المعبهل : يا هلا ويا مرحبابك لك يابن متعـب مقـام ** حيث أنـك من حمايـل ما تعـرف الهيلمـه فعلهم كلن يعـده يـوم مصقـول الحسام ** من تجاوز أو تعدى على علمته ترشمه وأنت لك جزل التحية قلتها قبل الختـام ** يالفهيم الـلي كلامي والمعـاني تفهمـه وقال أحد الأخوة : حـر يالـلي بجنحانك نويـت المطيـر ** خـذ رسالـة حشيم العـز مظمونهـا ودها لأبـو مشعـل يـم ذاك البصـيـر ** وبلغـه بالتحيـه وقـول يـاعـونـهـا وبـلغـه إن عـنتدي لـه مقـام كـبـيـر ** وايلي لـه مواقـف دايـم يحمدونها وقال أيضاً سلام منـا لأبـن عـبـار زبـن الدخيل ** اعـداد مـا لاح بـارقهـا ورعـادهـا شاعر عيال وايل مثـل حـد الصقيـل ** مسند الوايليه فخـرهـا واسنادهـا قال أحد الشعراء رسالة جوال : مـا لـلـشعـر معـنـا ولا لـلـشـعـر لـذ ** مـن يـوم 000 بالمـجـالس يـهـذه لـكـن يـا أبـن عـبـار خـذ المثـل خـذ ** مـن شاعـر لا قـال يـعـرف مـهـذه ياخـذ سـنـام الـقـاف مـا يـاخـذ الفـذ ** قـال الـمـعـانـي يـوم لـلـشعـر لـّذه وقال أحد الأخوه : الشجـره الـلي ما تـذري عن البـرد ** تـنعـاف لـو هـي يابن وايـل كبيـره يا عـاد مـا بـركـونـها يـنبـت الـورد ** ابـعـد عـنهـا يالقـرم بالأمـر خيـره عـليـك بالـلي جـدودهم فكوا الحـرد ** يـوم المـلاقى بالسيـوف الشطيـره وقال أحد الأخوة : تفـخـر بـك الـويـلان فـي كـل ديـره ** حيثك فخـرهم بالكريم أبـو مشعـل الجواب : أشكـر جـنـابـك يـا نـقـي السـريـره ** حـيـث الـذي شـرواك للطيب يفعـل قال محمد بن ربيعان الرشيدي رسالة على عبدالله بن عبار : سلام يا راعـي الـوفـاء والمواقيـف ** سـلام لـك بـه ريـح مسـك وزبـادي اسـمع بصيـت الطيـبيـن العـواريـف ** سـوات نـور الشمس للنـاس بـادي وأنته من اللي يكرم الجار والضيف ** بـالـقـول ولا مـا عـرف لـك بــلادي مشهور شعـرك فيه كـل التواصيف ** بـالـتـلـفـزه والمـطـبـعـه والـروادي جواب عبدالله بن عبار : أعرض مجال وطابلي بالشعر كيف ** وكـتـبـت رد الـقـرم صقـر الهـدادي مهديـه لمحـمـد كـرامـه وتـشريـف ** سـلايـل ربـيـعـان رايـه ســـــــدادي مـن لابـة ما تقـرب العـار والحيـف ** بـني رشـيـد أهـل الـعـلـوم البـعـادي رشايده من عبس مـا هـم هـذاليـف ** مـتـوارثـيـن الطيـب صـدق وكـادي أبيات من الأبن هايل بن عبدالله العبار : اليـوم واحـد من شهـر ذي الحجـه ** شهـر العـفـو والمغـفـره والتسامح شـهـر كـريـم يـا سـعـد مـن حـجــه ** فـيـه التفـاني والصبـر والمطـامـح ودع ذنــوبــك كــان تـبـي الـهـجــه ** مـن نـار ربـك حـرهـا والـمـلامـح الجواب : احـذرك يـا هـايـل مـن أهـل الـدجـه ** خـلك عـلى درب المـراجـل جـامح واحـذر تـخـاوي كـل راعـي صـجـه ** تـراه مـثـل الـلـي بـرجـلـه رامــح حيـث الـردي يعمي الصديق بعـجـه ** ولا هـو لـزلات الـرفـاقــه دامــــح قال حابس الرويلي : هـلا ومساء الخيـر وميّـت هـلابـك ** هـلا هـلابـك عـدد مـا ايشال جـوال معـذور يالـلي كـل شخص هقـابـك ** يا ابـن الأجواد معرب الجد والخال أطـلـب مـن الخـلاق يصلح شبابـك ** وتـبقى عزيـز وجعـل ايامك طـوال الجواب من ابن عبار : يا حـابـس المنعـور نشكـر جنـابـك ** أشكرك ثـم اشكـرك يا طيّـب الفـال رسـالـتـك وصلـت ويـا مـرحـبـابـك ** وارجـو السموحه ليس للغز حلال وقال أحد الأخوه يا حيـف يا أبـو مشعـل مـا كسبنـاك ** ولا يـنفـع الرجـال لـو قـال يا حيـف ليـتـنـا يا الـقـرم يـوم جـيـت شفـناك ** ويا ليت هالدنيا عطتـنا على الكيف جواب عبدالله بن عبار : مشكور يا عـز الخـوي لا عـدمنـاك ** لك الشكرم يا مكرم الجـار والضيف أن يسر الله يا أبـن الأجـواد جينـاك ** لي الشرف لو كان ما أبي التكاليف
__________________
|
|
|
|
|
02-19-2008, 11:29 PM
|
#6 |
|
مشرف منتديات العبار
تاريخ التسجيل: Feb 2008
المشاركات: 637
|
مشكور على الطرح المميز
تقبل مروري وصادق ودي ,,,,,,,,,,,,,
__________________
|
|
|
|
03-06-2008, 03:25 AM
|
#7 |
|
عضو منتديات العبار
تاريخ التسجيل: Feb 2008
المشاركات: 1
|
تستاهل يابو مشعل ...... وعسى الله يعطيك طولة العمر
|
|
|
|
|
03-17-2008, 02:46 PM
|
#8 |
|
عضو منتديات العبار
تاريخ التسجيل: Mar 2008
المشاركات: 12
|
مساء الخير يابو مشعل . أولا نشكركم على أنشاءهذا الموقع المميز والذي يعتبر مرجع
من بعض المراجع التي يرجع اليها بعض من تجهله بعض أنساب قبيلة عنزه العريقة وتعتبر هذه أول المشاركات لي في هذا المنتدى العزيزوايضآ الشكرموصول لاأبناءعبدالله بن عبار وكذالك الى كل المشرفين والاعضاء في هذا الموقع ولكم مني جزيل الشكر والاحترام |
|
|
|
|
01-05-2009, 11:05 AM
|
#9 |
|
عضو منتديات العبار
تاريخ التسجيل: Jan 2009
المشاركات: 31
|
قال الفرزدق :
هلم إلى الحكام بكر بن وائل ،،،ولا تك مثل الحائر المتردد أناس لهم عادية يهتدي بها ،،، لهم مرفد عال على كل مرفد بأخلاقهم ينهى الجهول فينتهي ،،، وهم حكماء الناس للمتعمد سلمت يداك التي خطت لنا هذه اللوحة الفنية المذهلة |
|
|
|
|
12-10-2011, 12:46 PM
|
#10 |
|
عضو منتديات العبار
تاريخ التسجيل: Mar 2009
المشاركات: 10
|
صح لسانك يا ابن عبار ولاهنت يا الناقل, ومثل ما قال البناخي:
المدح يزهى به طويلين الأشبار------اللي لهم منزل الطيب سيرة وكفو مليوووووووووووووووووون ولا يكفون |
|
|
|
|
«
الموضوع السابق
|
الموضوع التالي
»
العرض المتطور
|
|
الساعة الآن 06:20 AM.
 |
|
 |
