السلام عليكم ورحمة الله وبركاته

يسعدني ويشرفني أن أضع هذه القصيدة التالية بين أيديكم الكريمة، وهي موجهة للأخ العزيز جوّال بن السيّد بن جوّال الوايل، ومسنده على الأخ الشاعر والقدير وبن العم العزيز مقبل الرّماحي:-

إبــوك سـيّـد وإنــت مـــن تـــرث جـــوّال *** يـــا مـنـقـعٍ للـطـيـب مـبـطـي هـــلٍ لــــه
يــــا عــــل يـفـدونــك مـعـقـبـة الأنــــذال *** ألـلـي عـلـى هــل الطـيـب دايــم مـغـلـه
وربعـك هـل العـرفـا كريمـيـن الأسـبـال *** الــمــجـــد كـــلــــه نـافــلــيــن بــســجــلــه
ولـيـا نـوّخـوا دلاق فــي حــرب وقـتــال *** حـنّـا هــل الدلـقـه عـلـى الـجـمـع كـلــه
يشهد لنا التاريخ من ماضي الأجيال *** وأللي غـدى ينشـد عفـر وش حصلـه
عـقــايــب مــعـــلا زحـــازيـــح وابـــطـــال *** أهـل البخـت مـا أحـدٍ فتـش لهـم حلـه
عمّـا مـضـى يشـهـد لـنـا عـقـب هــذال *** مــا هــو مـــن ألـلــي كـــل يـــومٍ بـمـلـه
شيوخ الشيوخ أللي علـى وايـل عقـال *** مـــا هـــو عـقـبـة راع الـقـعـود الـمـزلـه
وإسلـم وسلـم لـي عـلـى الـعـم والـخـال *** مـن ربيـق وقعيشيـش ومطيـر قـل لـه
ولـلـسـالـم الـغـالـيــن شــيـــبٍ وجــهّـــال *** ألــلــي بــظــلام الـلـيــل مــثــل الإهــلـــه
ومـلـيـح الـوافـيـن كـــان الــدهــر مــــال *** ريــف الضعـيـف وعـــز عـيـنـه وظـلــه
وعـلـي عـلـيّ الـشـآن للطـيـب مـنـهـال *** عـــوق الـعــزوم ألـلــي رسـنـهــا تـتـلــه
وجـدي عليهـم وجـد مــن فـاقـد عـيـال *** عـقــب الـمـعـزّة شـــاف هـــون ومـذلــه
قـــام يـتـعــوّض عـنـهــم بــكــل الأزوال *** مـثــل العـلـيـل ألـلــي مـــا يـبـريـه مَـلــه
ومشكـاي يــا مقـبـل أيــا طـيّـب الـفـآل *** هــذي شـكـاة الـقـلـب عـطـنـي دواً لـــه
كـنّـي سجـيـنٍ سـربـلـوا فـيــه الأغـــلال *** يــا مــا رمــد عيـنـه غــدى تـقـل سـلـه
وعـــدّه يِـسَــلّ الـقـلـب بـخــلال ســــلال *** بــعــيـــد دار وبـــاغــــيٍ عـــــــزوةٍ لـــــــه
شعر
أبوعبدالعزيز
محمد بن دوهان

صح لسانك يا محمد بن دوهان على هذه القصيدة التي تفتخر بها بقبيلة الرماح خاصة وقبائل العبدة والسبعة عامه وتثني على أحد أبناء سراتها وتسند على الرجل الغيور صاحب الحميه الشاعر مقبل الرماحي وننتظر جواب مقبل

صح لسانك يابوعبد العزيز وكفو بك وباسرة الوايل وبجمع دلاق .

السلام عليكم ورحمة الله وبركاته

قال الأخ الشاعر مقبل الرماحي وفقه الله وحفظه القصيدة الجوابية التالية جواباً على قصيدة أخيه محمد بن دوهان.

يـــا مـرحـبـا تـرحـيـبـةٍ تــشــرح الــبــال***تـرحـيـبــةٍ فـــــي واحـــــدٍ مــــــا نــمــلــه

حييـت يابـن العـم يــا سـمـح الاقـبـال***وحــــرٍ مــثــل حـضـرتــك كــــلٍ يـجـلــه
متمـيـزٍ بالـطـيـب فـــي كـــل الأحـــوال***وألا الــردي دايــم عـلـى الـكـبـد عـلــه
مـا بـه قضـى لازم ولا يسـتـر الـحـال***ولا سـرّ مـن جـا لـه يبـي حاجـةٍ لــه
يمشـي مـع العـالـم تـقـل راس حـمّـال***ويقلـط علـى السفـرة تـقـل سـفـرةٍ لــه
راحـــت حـيـاتــه للـرجـاجـيـل مــرســال***ونـجــاب عـلــمٍ قـالــوا الــنــاس طــلــه
يـفـداك يــا مـحـمـد رديـيــن الأعـمــال***أهــــل الـعــلــوم الـنـاقـصــة والـمـمـلــه
ومن خلقت الدنيا بها عفون ورجال***فـيـهـم رجـــل وهـنــاك خـايــب اجـبـلـه
مـنــهــم رديٍ قـيـمــتــه قــيــمــة ريــــــال***ومنهـم رجـل يمـلـى المـكـان ومحـلـه
ودنـيــاك هـــذي بـيــن راحــــل ونــــزّال***ولا فيـه مخـلـوق الليـالـي صــفٍ لــه
وأنــا مـعـك بـالـحـال والـجــاه والـمــال***والسيـف مـن دونـك يـا محمـد نسلـه
ولا كـــــل عــلـــمٍ لـلـرجـاجـيـل يــنــقــال***والـوضـع صـعـب وعـنـد الإلـــه حـلــه
بس المهـم إنّـا علـى روس الأطـلال***ومـتـوارثـيــن الـطــيــب دقّـــــه وجــلـــه

صح الله بنانك يأديب ومؤرخ وايل وعزيزها وبنان الشيخ العزيز الفاضل أبوعبدالله متعب بن عبدالهادي الفققي مقدم جمع دلاق ومدّب هل العرفا بنهار الزحام ..

وأسأل الله العلي القدير أن يحفظكم ويرعاكم ويلبسكم ثياب الصحة والعافية وأن يطيل لنا بأعماركم على الهدى والصلاح ..

ابو عبدالعزيز


صح لسانك والف نعم بالمادح والممدوح
وصح لسان الشاعر مقبل الرماحي على هذا الرد الجميل
شعراء كبار ياهل العرفاء بيض الله وجيهكم جميعا ً على ماكتبت اناملكم

بيض الله وجيهكم يا أهل العرفاء،،،
لا نعدم من هؤلاء الشعراء الكبار ،،،
شعر يستحق الوقوف عنده،،،

اقتباس : المشاركة الأصلية كتبت بواسطة عبدالله الموسى الخرشاوي [ مشاهدة المشاركة ]

بيض الله وجيهكم يا أهل العرفاء،،، لا نعدم من هؤلاء الشعراء الكبار ،،، شعر يستحق الوقوف عنده،،،

ووجهك أبيض يأبوفهد حيشا عيونك يأبيض الوجه، ولنا والله الفخر كله بشخصك العزيز وبنوال محبتك وإعجابك ..
ونشهد الله على محبتكم فيه ومحبة جميع الإخوة الكرام من هم بقامتك ومثلك وشرواك ..
ونسأل الله العلي العظيم أن يتم علينا وعليكم رحمته وفضله وآلاءه ونِعمه إنه أعز من دعي وسئل وأجل وأكرم من أعطى ولبى ووهب ..

اقتباس : المشاركة الأصلية كتبت بواسطة حمد الضوّي [ مشاهدة المشاركة ]

ابو عبدالعزيز صح لسانك والف نعم بالمادح والممدوح وصح لسان الشاعر مقبل الرماحي على هذا الرد الجميل شعراء كبار ياهل العرفاء بيض الله وجيهكم جميعا ً على ماكتبت اناملكم

الأخ العزيز والشاعر القدير أبوخالد، صح الله بدنك وشآنك، وبارك الله فيك وعليك ولنا الفخر بك وباللي مثل شرواك يا راع الجدعا..