( حفل قبيلة النوامسة في قرية لبدة من قرى الشملي بمنطقة حايل )
في السابع عشر من شهر جماد الأول لعام 1434هـ أقام الشيخ فارس بن مساعد بن زيدان بن حنس النومسي رئيس مركز لبده وأخوانه حفل كبير على شرف الشيخ خلف بن غريب العواجي حضر الحفل جمع غفير من قبيلة عنزة وشمّر وتميم وبلي وبني عطية والقيت بالحفل خطب وقصائد لأكثر من اربعون شاعر بحضور الشيخ فهد بن بدر العواجي نائب شيخ شمل قبيلة ولد سليمان ومشائخ ولد سليمان ونقل الحفل على نقات صدى الفضائية وكان لي شرف المشاركة بهذه القصائد :

تـشرفـت بالـداعـي ولـبـيـّت دعـوتـه *** ولـي الشرف بحضور حفل النوامسه
نـوامـسه مـن عـزوة نـفـتـخـر بـهـا *** بـهـم اعـتـزي والضـد ملعـون خامسه
من لابـة عـن واهـج الشوب تـذري *** يـوم الـزمـان الـلـي بـه ايـام شـامـسـه
بعصر الحرايب يرفع الراس فعلهـم *** رجالهـم عـمـره عـلى المـوت رامسـه
بهم الكرم للضيف في حزّت القصى *** ومـن ضافـهـم يمـنـاه بالسمن غامسه
أهـل المعـانـي والـربـاع الـفـضيـه *** والـبـن بـالـمحـمـاس مـا مـل حـامـسـه
من دلـة فـنجـالـهـا يـطـرد الـوخـم *** شـف الـذي راسه على الهيـل عامسه
الشـكـر والعـرفـان لعـيـال نـومـس *** صـدق الشعـور مـن الأجـاويـد لامسه
أهل الوفاء والصدّق وأهل الأمانه *** ولا منهـم الـلي سـابـق الجهـد طامسه
من يـارد العيلم من الجـم يـرتـوي *** والـرس يـنـضـب مـا يـعـبي تـرامـسـه
والحسو ما تورد عـليـه الظـوامي *** قـاعـه صـفـاه وسـافي الـرمـل دامسه
قـلتها ولالي عنـد الأجـواد مطلـب *** أجـهـر بـقـول الحـق مـاني بـهـامسـه

كما القيت هذه القصيدة بمناسبة الحفل المقام على شرف الشيخ خلف بن غريب العواجي من قبل أنجال الشيخ مساعد بن زيدان النومسي رئيس قرية لبده وأحد مشائخ قبيلة النوامسة من الجعافرة من عنزة :
مبـداي بسم الـلي عـلى الخلق رحمن *** رب الخـلايـق كـوّن الخلـق وانشـاه
وبعـده بديـت القـاف يـوم اللقاء حان *** بالجـمع الـلي نفـرح بشوفـه ولقيـاه
ويوم المجال أعرض ونظّمت قيفـان *** أثـني عـلى الـلي ذكـرهـم مـا نسيناه
لي الشرف بحضور حفـل أبن زيدان *** الشيـخ فـارس لـبّـوا الـربـع دعـواه
عـلى كـرامـة صاحب القـدر والشان *** خـلـف غـريب الجعفري عالي الجـاه
أعـتـز فـي دعــوة كـريّــم وفـرحــان *** نسل الذي عـلمه بوسط العـرب فـاه
الشيـخ مساعـد دوم للطـيـب عنـوان *** المـكـرم الـلـي تـبـذل الجـود يـمـنـاه
ريـف الـذي منفض زهـابـه وجيعان *** لاجاء من الصحـراء تـراقـل مطايـاه
يلقا الهـلا والهيـل وفـطـاح خـرفـان *** وقولت هـلا هي غاية الضيف ومنـاه
عـوايده يـقـري ضيوفـه مـن الضان *** قصده كـرم مـا وفـر الكـبش والشـاه
شهم وكريم وحافـظ العـهـد مـا خـان *** والـكـل يـشهـد لـه بـلطـفـه وتـقـواه
من يبذل المعـروف في كـل الأحيـان *** الكـل يـفـخـر بـه الـيـاجـيـب طـريـاه
الـلـي اعـمـالـه كـلـهـا بـر واحـسـان *** يبي العفو من سامك العـرش مـولاه
عـساه يـنـعـم بـالـهـنـا عـنـد رضوان *** وعسى الكريم بجـنّـة الخـلـد يجـزاه
عـقـب رجـال بـالـفـخـر طـيبهـم بـان *** الـكـل مـنـهـم صـار مـثـلـه وشـرواه
يستاهلـون النـعـم مـن دون حـقـران *** في كـل رجـل طـاب والمـدح يـزهـاه
ولـو أبـي أعـدد من مشاكيل واعيان *** نومس شخوص رجالهم ما حصيناه
ما ظمّه أسم النومسي ربع وأعـوان *** يـوم أن كـلـن يـعـتـزي فـي دنـايـــاه
متعـاضديـن وكـلـهـم مـثـل الأخـوان *** مـا منهـم الـلي مـا فـزع كـان تنخـاه
نـوامسه مـن ساس عـزوة سليمـان *** ضد الخصيم أن غرّه إبليس وأغواه
نعـم بهـل الجدعا فـوارس وشجعـان *** الـلـي يـدور الـشـر يـوطون عـلـبـاه
أهـل البـيـوت الـلي تقـل شم ضلعـان *** الـلـي عـلـى روس العـوالـي مـبـنـاه
صديقهم مـا يشوف عايز ولا ايهـان *** عـنـد الـذي يـدمـح خـمـالـه ويـرفـاه
ورجـالـهـم لا صـار لـلـخيــل مـيـدان *** يـدمي الخصيم بـحـد سيفـه وشلفـاه
أبطـال في خـوض المعامع وفـرسان *** خيـالهـم بالكون يـدحـم عـلى اعـداه
وفي ما مضى وضحتها للملأ اعـلان *** وسجلـت فـحـواهـا بـقـافٍ بـدعـنـاه
الـكـلـمـة الـلـي قـلـتـهـا بـكـل ديـوان *** الجعـفـري مـاهـي غـريـبـه حـمـيّـاه
مـا قـلـت في تمجيـد الأجـواد بهتـان *** لا والــذي كــل الـخــلايــق تــرجّــاه
والحـمـد لـلـه عصرنـا أمـن وأيـمـان *** فـي ضل حاكـم قـوّم الشرع وارساه
وصلوا على المرسال للأنس والجان *** الـهـادي الـلـي بـالهـدى ربّـه اهـداه

صح لسانك ياشاعر عنزة على هذه القصيدة المناسبة والذكية ..... وحضورك مثل هذه المحافل يعطيها نوعا من التميز .. وفقك الله لما يحب ويرضى .. وللصواب فيما تقول .

صح لسانك يابا مشعل جزل ولاتاتي الا بالجزل

صح لسانك يابومشعل وقبيلة النوامسة تستاهل

صح لسانك ياشاعرنا القدير واعتلى شانك وتستاهل قبيلة النوامسة

صح السانك ابو مشعل وفقك الله ورعاك وادامك

الأديب والشاعر الكبير عبدالله بن عبار

علم من أعلام عنزة سجل لة التاريخ بصمة لاتنساها قبيلة عنزة , مؤرخ قبيلة عنزة وشاعرها الذي بذل ماله وجهدة لقبيلتة ,

صح الله لسانكـ يابو مشعل حضورك شرف وشعرك درر

دمت بخير

ابو مشعل صح لسانك واعتلا ء شانك

بيض الله وجهك حضور مشر ف وقصيده للتاريخ


سوف نحفظها لك يابو مشعل



وانت شرف لك عنزه ورمز واديب معتبر





تبقي مورخ عنزه بلا منازع

كثر الله من امثالكم وسدد على طريق الخير خطاكم



والحفل سوف يكون يوم الجمعه ان شاء الله على قناه صدي الساعه تسعه


ويعاد يو م السبت الساعه واحده


نتنمى للجميع التوفيق والسداد

والنعم والف نعم بربعنا النوامسه والف شكر للاخ الشاعر والاديب ومؤرخ تاريخ وانساب قبائل ربيعه وعنزه بلا منازع ومن كتب وحاول فهوا يسرق من مؤلفات بن عبار شكرا للجميع وبالنوامسه نتنومس بكم . وبودي اشير الى طيب النوامسه حدث حادث على عائله من الدوام من السبعه وباشرهم الاخ ابو سلطان فهد الفليحي بدون ان يعرفهم واداء الواجب بكل ماتعنيه الكلمه بدون رياء ومطلب حمد من احد وهذه اخلاق الرجال الافاضل القدوه بالفعل وليس بالكلام

وفقكم الله الجميع لما فيه خير للبلاد وللحمه الوطنيه والاخويه