لاتعاتب اللي للعواذيل مطواع
..........................................
ابيات وصلتني من الاخ والزميل
الشاعر محمد بن مزعل العنزي
وهي مجاراة للابيات التي نشرتها
على صفحتي وهي محل فخر واعتزاز لي
اذ يقول : ابو عبد الرحمن
يامحمد السوعان ياراع الاسناع
..........................لا تعااتب اللي مابقلبـه مروفه
خله يولي دام جهدك بهم ضاع
... ...................من عاف ودك ماعليه الحســوفه
لاتتبع اللي للعواذيل مطواع
......................هـــذاك مايســوى التعـب والكلوفه
لاتتبع المقفين وتصير تباع
..........................ومــن لايعزك لاتقدر اظروفـه
السنع مايتبع قليلين الاسناع
....................... والطايلــه بين الرجال امعــروفه
واقبل امجاراتي على وجه الاسراع
................... والفطــن مثلــــك كلمتـــي ما تطوفه

محمد مزعل العنزي

.................................................. .............................

واليكم ردي على الشاعرمحمد ...........

• رداً على الزميل الشـــاعر محمـد مزعــل العنـزي
  على ابيات قــد ارسلها لي كمجارات
• ارجــو ان اكون وفقت
  واصبت كبد ما كان يصبو اليه اخـــوي الكــــريم .
  
  مشكور ياشـــيخ القوافـي والابـــداع
  ................ ياشــــاعــرً كالــــدر تبــدو احـروفـــه
  مثــايـــــــلك دايــم قــويــــات وارفــاع
  ................ شـــاعر ذكـي والغــامضـه ما تطـوفــه
  وليــا دعيــت القـــاف ياتيك مطـــواع
  ............. تـذعـــن لــك القيفــان تـقـــل امـعســـوفه
  وانـــا تـــرا ياخـــوك مانيـــب تبٌـــاع
  ............ اخـــــوك انـــا مــا يــرتـضـي بالنصـوفــه
  اشرب من الصافــي ولا افخت الاسناع
  ........... وانـا زمـــانــي مــا احـــرزتبــي اصــدوفـه
  صبرت انا يا صاحبي رغـم الاوجـــاع
  ............ وانــا الـــذي قــد مــد للبــعـــد شـــــــوفـه
  اخذتلـي ســجه ومشــتى ومـربـاع
  .............ولا مـــن علـــى ما فــاـتلــي مـن حسوفــه
  مــايــلام رجــــالً بالانفــاع طـمٌـــاع
  ............... وان الجهـــود المضـنـيـات مخلـــــوفــه
  وتــرا الطمـع بالديـن والسلعـه انـواع
  ............ومـن صفحتـــي بعض الامـــور محـذوفــــه
  .وترا خــويٌـك بالوفـــا وافـي البـــــاع
  ........... ولجل المبــادي مــا يهـــــــــاب الكلـــوفـــه
  .......... بقلمــــــــــــي

صوت وصدى

ابدع في ابداع

لله دركما وصح الله السنتكم

تقبلوا مروري

صح لسان الشاعرين محمد المزعل ومحمد بن سوعان لقد ذكرني الأخ محمد سوعان الربيّع بذكرياتي مع أبن العم محمد المزعل حيث كان بيني وبينه مساجلات نشرتها في ديواني ديوان الوائلي ومن القصائد التي اسنتدها على محمد هذه الأبيات من ذات القافية الصعبة

قــال الـذي ماكـاده الجمـع والطـرح *** وإلـى أبـدي لـه جـابـة حلهـا صــح
أسند على اللي يفتهم موجز الشرح *** خـاض الملاعـب بالقصيد وبـها دح
أنشـدك يا محمد عن الغــر والقـرح *** مثـل النجـوم الساطعة نورها أيضح
الكيـد يأثر في صميـم الحشى جـرح *** طـول المدى ينزف صديده تقل مـح
وكـم واحـد ينـدب علـى بالي المرح *** دلا يـنـوح وقـلـت خـل العـلا ونـــح
لـو قلت له أصعـد على قمة الصرح *** أعـيا العـذول وطاع من قال له طـح
لوبان له كـرم العنب يحسبه ســرح *** ألا وشــرش الحنظلـه يحسبـه جــح
ومن ساربالدرب الوعر يبرحه برح *** واللـي وقع مـا تـنـفـعـه قـولـتـه أح
أصبـر عسى رب الملأ يـبعـد الترح *** ودارٍ تــذم بـجـالـهــا كـــبـهــا ورح
ولا تمضي أيـام الزمن كـلـهـا فــرح *** والـلـي يــدور الطـايلـه لحــهـا لــح
والطيب ماهوبالحكى وأشهب الذرح *** ولا يـدرك المـادح بخيـل إليــا شـح


وهذا اللغز سبق وأن وجهته لمحمد المزعل وهو خاص بصفة كانت عنده :
يا محمد أبي ابتـدي لك لغـزٍ مباشـر *** وانشدك عن الذي في ملفظه يربش
لو تلفظه تنحرج من ضحكت الكاشر *** اللي بعرض الملأ يخوش ويخربش
حطيـت لـه عكـفـه اليا سجل الناشر *** وهو يشبه للي يفن الرمل وايهربش
العـام الأول خبرتك كنـت لـه حاشر *** في ساقت العين مارالعين ما تبربش
واليوم عدته لوضعـه ماله مخاشر *** ماعاد تحرج من الفاضه ولا تكربش
تــراه مـع لابـتـه تـرتيـبـه العـاشر *** تلقاه فوق الجبل كان انت متغـربش
يوجد مع المفتكروايضاً مع الداشر *** وأن ما حليته يحله ضاهـر الحربش
وأنت الذي عادتك لللاش ما تعاشر *** ولا ترافق اللي يزوم بكبر ويطربش