هذه القصيده تشرفت بإلقائها بالحفل الذي أقامه
الشيخ / هزاع بن عايش أبالروس العنزي
بإم رقيبه لعام 1433هـ عسى أن تحوز على إستحسانكم

{{ الوايليات }}

يقول من قافه على المطلوب صاغه وعسفـه=مادام الاجوى للشّعر ذعذع لها نفنوفها
شاعر ليا حوّل بروض الشعر مالاق قطفه=يتعب على بيوت القصيد وينتقي لحروفها
والكلمه الجزله لها يختار والهزل حذفه=حتى على شَفّه تجي والناس حسب شفوفهـا
في حفل شيخ ٍ منزله عالي وقدْره وشرفـه=شيخ ٍ تقدّم للمهمه ماحسب مصروفها
بالموقف اللي عن بني وايل تحيّزم ووقفه=عزوة بني وايل معه تعلن وراه وقوفها
هزاع بن عايش رفيع الذات محمود الصفـه=يِقْبِل ليا الناس ادبرت و اعطت عراض كتوفها
من روس قوم من السطر فيهم عجَاله وزهَفه=يخشى فعايلها الخصيم ليا شهرت بسيوفها
قوم ٍ تحدّدّ للجمل بالمعركه وتكتـِّفـه=دهامشه ستر الهنوف ليا زْعَجَت غُطروفها
عسى الله يعينه على حمْل ٍ على المتن نسفـه=حمل ٍ ثقيل ٍ ما قواه من الرجال ضعوفها
لجل الفخر يصرف مبالغ طايلات ومكْلِفه=واهل المكارم تِستحِِق يشاد في معروفها
سوّى مضيفٍ من وقف باقصاه ماشاف طرفـه=فيه الرجال اللي نباها ياهلا لضيوفها
الله يزيده ماحسب مال ٍ على العليا صرفـه=من جاه قال ضيافة الروسان غير بنوفها
وابو فهد مانمدحه والقصد قُرْبى ونهَفه=كل القبايل وقفته تشهد بها وتشوفها
شارك بوضح ٍ لونهن مقلول والفوز هدفه=لون البرد من مزنة ٍ قامت تهل قنوفها
منقيّة الروسان ضنّ اللي تحدى تِخْلفه=كم ناس من بعد مغزاها فكرتْ بنكوفها
تسلب عقول اهل النظر والذوق واهل المعرفـه=الله يكافيها عثوْر أيامها وصدوفها
ليامشت تبخترت ممشى الهنوف المترفه=تنظر لمعشوق ٍ غلاه أحدث دمار بجوفها
لاشافها راع الولع جا فيْه خفّه ورجفه=ومن الغمايض والقهر يالوف حاله لوفها
لياعرضَتْ قدّام لَجْنه شكلوها مِشرِفــه=تقلط على ذود ٍ تحدتها ثقه وتطوفها
إن جيت أناظر لـ رقبه وإلاّ لـ راس ولـ شعفـه=وإلاّ لـ طول أرقابها وأسبالها وأُنُوفها
وإلاّ لا ذان ٍ مثل روس الشلْف حَدّه مُرهفه=وإلاّ لـ وساع نحورها ونسنوسها وردوفها
وإلاّ لـ سنام ٍ منفهق لخلاف مافيه عجفه=وإلاّ نظرْت لـ عضدها والساق وإلاّ خفوفها
الوايليات إسمها كل ٍ سمع به وعْرُفه=وضح ٍ تهز القلب لاجت لك تهز دفوفها
باوصافها ضاع الفكر والموهبه ماتسعفــه=ندّر عفر ماكل من وصّف يجيد وصوفها
سبحان خالقها كذا بابداعه وبتصرفه=لعل عيون ٍ ناظرتها بِحِِسْد تفقد شوفها
في مهرجان أهل البل اللي كل من مر وصفـه=بأوصاف طيب ٍ كايفه يطرب لها مشغوفها
الموقع اللي كل سكان الجزيره تعَرِفه=اللي تواجد به عطايا الله بكل صنوفها
والجايزه بسم الملك عبدالعزيز مشرِّفــه=حامي بلاده في زمن شهب الذياب تحوفها
متوشح ٍ بالسيف الاملح وبيمينه مصحفــه=حتى قبايلها توحّد شملها وصفوفها
برعاية الشهم الكريم اللي رِحِمْ من خلّفه=مشعل هل الاذواد تدعو له برفع كفوفها
أخو المليك اللي تربينا وعشنا بكنفه=بحماه تامن مملكتنا ويتبدّدّ خوفها
كم من يتيم ٍ راف باحواله ودمعه كفكفه=وأغنى الفقارا وإنتهى جوع ٍ ضرب سرجوفها
هذا وباقي لي خبر لكم أباقوله وأكشفــه=من لاعرف من هو حمد خذها على مكشوفها
شاعر وضوّي جعفري واحْمَلْ بطاقة تعرفه=وربعي هل الجدعاء وامثلها وانا مكلوفها
منهاجنا واضح على الملّه ولابه لفلفه=ماكنّه إلا وضُوْح شمس ٍ ماغشاها كسوفها
وأنهي كلامي واختم بكلمه صريحه مُنصفــه=كل القبايل والنعم واهل الردى ذالوفها

"""" وسلامتكم """"

مبدع يالضوي ويستاهلن الوايليات ويستاهل الناموس راعيهن

اقتباس : المشاركة الأصلية كتبت بواسطة النويبعي [ مشاهدة المشاركة ]

مبدع يالضوي ويستاهلن الوايليات ويستاهل الناموس راعيهن

النويبعي


تشرفت بمرورك بارك الله فيك
تصفحك للموضوع هو الإبداع والروعه





تحايا

تسلم حمد الضوي على هذه المنظومه الرائعه وأبا الروس يستاهل المديح وأنت شرفت وابدعت بهذه القصيده الجزله لك الف شكر على مالفظه السانك وعبره فكرك 0

اقتباس : المشاركة الأصلية كتبت بواسطة نهير بن رخيص [ مشاهدة المشاركة ]

تسلم حمد الضوي على هذه المنظومه الرائعه وأبا الروس يستاهل المديح وأنت شرفت وابدعت بهذه القصيده الجزله لك الف شكر على مالفظه السانك وعبره فكرك 0

نهير بن رخيص

الرائع مرورك شرفتنا بذلك بارك الله فيك
الف شكر على الإطراء





ودي وتقديري

تسلم ....,

اقتباس : المشاركة الأصلية كتبت بواسطة ديره [ مشاهدة المشاركة ]

تسلم ....,

ديره


الله يسلمك تشرفت بمرورك






تحايا

إبداع منقطع النظير وقصيدة عصماء من شخص عزيز بشخص كريم يستحقها ..

فصح لسانك أخي حمد حتى ترضى ووفقك الله
وأنعم وأكرم بك وبمن مثّل قبيلة عنزة في ميدان من ميادين الرجولة والذي قصرة أيدي أصحاب رؤوس الأموال الذين لا يهمهم سوى زيادة أرقام أرصدتهم ..

سلمت وسلمك الله ولا هآن قولك ومنطوقك ..

اقتباس : المشاركة الأصلية كتبت بواسطة محمد بن دوهان [ مشاهدة المشاركة ]

إبداع منقطع النظير وقصيدة عصماء من شخص عزيز بشخص كريم يستحقها .. فصح لسانك أخي حمد حتى ترضى ووفقك الله وأنعم وأكرم بك وبمن مثّل قبيلة عنزة في ميدان من ميادين الرجولة والذي قصرة أيدي أصحاب رؤوس الأموال الذين لا يهمهم سوى زيادة أرقام أرصدتهم .. سلمت وسلمك الله ولا هآن قولك ومنطوقك ..

محمد بن دوهان


صح بدنك ولا عليك زود شرفني مرورك المعطر
الف شكر على الإطراء بارك الله فيك




مع اجمل التحايا

الشاعر حمد الضوي ونعم وسبعة انعام ... قصيدة عصماء بحجم الحدث ويستاهلها الشيخ هزاع ابا الروس ..

صح لسانك ملايين يامبدع ...