((( مرحـــوم يامقبـّــــــل رؤوس الجنــــــــودي )))

عزّي لعينن حاربت لذّة النّوم=يالله عسى حلو الكرى لَه يعودي
بان الخبر وبعد الخبر بانت اعلوم=من العالم أجمع ياعريب الجدودي
مرحوم ياسلطان مرحوم مرحوم=بيّن غلاك بكل قلبٍ سعودي
وبان الغلا بين العرب واجمع القوم=على ان افراقك يابو خالد يكودي
فيك السياسه والدّها بدين مدعوم=عن دينك ودارك وشعبك تذودي
مرحوم ياحلو النّبا دايم الدّوم=مرحوم يامقبّل رؤوس الجنودي
ياما يمينك فرّحت كل مهموم=وياما وياما من كرمّها تجودي
وياما مسحت دمعت يتيمٍ ومحـروم=يروى حنانك يابسات الكبودي
وياما وياما ناصرت كل مظلوم=عزيز نفس وللخلايق ودودي
والله ماتحصى حسانيك برقوم=الله يوسّع لك مضيق اللّحودي
يالله يارحمن ياحي قيوم=تجعل له الفردوس دار الخلودي
بجيرة محمد والصحابه على دوم=ويالله لنا تبقي سندنا السعودي

محبّكم / نواف فراج الشامان

نواف الشامان

صح لسانك وكتب الله لك عظيم الأجر والثواب وشكرا ً لك على مشاعرك الصادقه
ورحم الله فقيد الأمتين الأسلاميه والعربيه ابا خالد



اجمل تحيه

اقتباس : المشاركة الأصلية كتبت بواسطة حمد الضوّي [ مشاهدة المشاركة ]

نواف الشامان صح لسانك وكتب الله لك عظيم الأجر والثواب وشكرا ً لك على مشاعرك الصادقه ورحم الله فقيد الأمتين الأسلاميه والعربيه ابا خالد اجمل تحيه

الأخ العزيز / حمد الضوّي
صح بدنكـــ وسلمت ودمت وتقبـّـل الله دعائكـــ ،،
دمت بخير وعافيــــــــــــــــه ..

جزيت خيراً يا أخ نواف بن فراج الشامان على هذه المشاعر نحو فقيد الأمة رحمه الله وغفر له وصح لسانك