ذيب الاماس

اهـداء الى العقـيد الركـن : موسى بـن حميد بن زويّد العنزي لما لهذا الرجل من مواقف نبيله ومشرّفه وسـيره طـيبه وبشهادة زملائه وافـراده في مجال عمله كثر الله امثاله وبيض الله وجهه ووفـقه لما
يحـب ويرضى والطيّب ويستاهـل الاشـاده والاطـراء

اقـــول :

سـلام ياللي ســمعـتـه تـرفـع الـراس = وحـاش الثـنا مـن كـل قـوم وقـبـيـله
قـرم ً وجــوده بـيـن الاجـواد نبـراس = موسـى حـمـيـد اللي عـلومه نـبيـلـه
مـواقــفـه ما تنـسى ذيــب,, الادماس = موسى وانا اشهـد يفـتخربه زمـيلـه
ومن جاه يشكي ضيقة الصدروالياس = يبشـر بفـزعــة صاحــبً يـنـتخـيلـه
ومن جـاه عـاني مـاايعــوّد بالافـلاس = للطـيب يسـرج نسل الاحـرارخـيـلـه
ابـوه قـبلــه حـاش صـيـتً ونـوماس = ومـواقـفـه تـشــفي كــبـودً غـلـيـلـه
الله يبيحـه كـان مـن خــيـرة,,النـاس = واســمه مـع اللي يكسـبون,الـنفـيلـه
يتعب على المعروف من دون مقياس= للطـيب يسـعـى,فـي نهـاره ,ولـيـلـه
واليـوم دورك وانـت للكـاب,,لـبّاااس = تمـشي عـلى مـلـكـاد راع الاصـيـلـه
تكـمل مسـيرة طيـّب الـذكــر والساس = اللـي عـسى مــااواه,جــنـه ظـلـيـلـه
ذكرتني بالعــود - والعــود قـرنـاس = وجاب الـفـريـد اللي شــباهـه قـلـيـلـه
بعـلــمً ينـومس دون شـــكً ولـولاس = ويفـدونك اصحاب النفـوس البخـيلـه
بالطيب علمـك يعـتـلي كــل مـقـيـاس = وشـرواك ذربات المـدايـح,حـصيـلـه
قـول وفـعـل ماهـي سـواليـف هـلّاس = هــذي حـقـيـقــه كـالامانــه ,ثقـيـلـه
وابي اذكر اللي دوم صادق وحـساس = الشــيخ يـوسـف ما يـبــور بعـميـله
عضيدك اللي لادبـر الوقـت واحـتاس = يمـنـاك لاشــــح الــزمـان بـمـكـيـلـه
مـن عـادتـه ما حـط للـبـاب حــراس = ريـف الـذي قـد شاف بالـوقـت مـيلـه
تســـتاهلـون المـدح والحــق نـبـراس = وانتم هـل الشـيمات واهـل الجميـله
قـلـته بـرجــلً ســمعـته مثـل الالـماس = غــالي ,ويـنــدر في زمـنــا مـثيـلـه
قـلـته فابـو عـزوز من قـلب واحساس = حـب وكـرامه والـمــعاني جـــزيـله
وصــلاة ربي عــد ما هــــب نســاس = واعــداد ما طـاح الحـيا من مخـيـلـه
عـلى النـبي باعـداد شـهـقات الانـفاس = المصطفى المخـتار راع الـفضـيـله

محمد بن سوعان الربيّع

في 21 ذو الحجه 1441 هجري
الموافق 11 اغسطس 2020 ميلادي

صح لسانك يا أخ محمد ويستاهل الطيّب المدح والثناء

صح ذوقك واحساسك الطيب اخوي ابو مشعل لاخلا ولا عدم