ربوعنا دايم سند للقبيله
قطمان وتليعان هم والسبيله
ونوابعه وبدون وبنيه وهدلان
و ألكل منهم كاسب للجميله

ونعم بعيال عطيف في كل ديره
عاداتكم ياكاسبين ألنفيله

وليافزعتوا ياربوعي تفكون
حرار والحرار تهوى الطويله

يوم أن سعيد بعالي الصوت نادى
قلتوا وفعلتوا وكلٍ أثبت حصيله

وأنا ماودي أعددها عوايل
لأن عقب عطيف يمثل قبيله

وعطيف له مجدٍ وعزوه ونخوه
أهل ألملحا لا أنتخى ترتكيله

وليا نخى وايل جو عيال وايل
و بفعلها تعز من تنتخيله

ليا حضرو ألجمعين أبشر بعزك
بشر و مسلم كل حملٍ تشيله

ولهم قبل جساس وكليب سطوه
وكليب ساد العرب وطوع لجيله

أهل ألكرم والجود وأهل ألعطيه
وعدوهم رغى وشقو صميله

ومن لا يجي غزاي هم يغزونه
بواجة ديار المعادي تجيله

وله دواء ودويهم يبري ألخوى
يبري خوى راسك اذا هي عليله

وريف جار ولا يطفى وجارهم
وألجار أرقاب ألعرب تنحنيله

من طيبهم مايسمع الجار زله
واموالهم ترخص ولوهي قليله

وخويهم بأرواحهم يفتدونه
وبا ألمعركه يرجع عليه ويشيله

بعض خصال عيال وايل ذكرتها
لو أن أبن عبار ذكر بقيله

منه أقتبسنا بعض ماقال لكن
هو بالفعل نادر وشاعر قبيله

وشعار وايل أبن عبار شيخهم
وألي يحتار بحاجة يلتجيله

وألفضل لأهل ألفضل لابد يذكر
ماني من أهل غايه تبرر وسيله

وعيال وايل نبع ماء زلالي
قراح يبري للنفوس ألعليله


الشاعر عوض صالح ألعطيفي

بارك الله فيك يا أخ صالح بن عوض النويبعي وصح لسانك ونسأل الله أن يفرج هم أخينا سعيد ولا يقصرون جميع رجال عنزة بحول الله