صـقـر العــــروبــــه

اهـــــداء متواضــــع الى :
ســـيدي خــادم الحـرمين الشـريفيـن
الملك عبدالله بن عبد العزيز آل سعود
مليكنا وحبيبنا الغالي
أيـــده الله

الله اشـوف بـه عنتـر وابــن المغيــره = وعــدالة الفـاروق فـي كل الاحـوال

وحكمــة حكيــمً فـاز من يستشيره = وعليه من لقمان شـارات واخصـال

واشوف صبر ايوب والصبر خيره = ولا يكظمون الغيظ يا كـود الابطـال

واشــوف حاتـم طـي جزل البريره = اللـي كمــا نــــوً علـى القـاع هطـال

اليّــا عطـــا مــدات جـوده غـزيره = ريف الضعيف اللي عليه الدهر مال

فيـه التــواضـع والعـدل والبصيره = وحنكــه وحكمـه وردوها بالامثــال

ويـامــا ويــامــا عــز ناسً فقيـره = وتحســنت احـــوالهم عـقـب الاذلال

بالخيــر تـدعـي لـه اجموعً غفيره = بـقلــوب يمــلاها الـــولا والتهـــلال

واشوف به عزوه وربع وعشيره = وعطـف الابـو والعـم والثـالث الخال

نبـع الحنان اللـي يفيـض ابغديـره = تـروى الكبــود الظـاميه منه لاسـال

وعنده على دين المسلمين غيره = غيــرة عـــرب ماكل يـــومً لهـا حــال

آلام الامـه شـــالهـا فـي ضــميره = مـن غـربي الاوطان للـشرق له شـال

يمشي على منهج ملوك الجزيره = حـكــــام نجــد اللـي بنــوها بالافعـــال

المعضـله تصـغر ولـو هـي كبيره = عنــده اتحجــم لـو هي بكبـر الاجبال

مثـل البحـــر مــا كل شـــيً يثيـره = صــدر وســـيع ولا ايقيّـس بالاميــال

وليّــا ابتســـم لـه تبتسـم كل ديـره = وليّــا زعـل تــزعل على شانه اجيال

ينصـاب خصمـه بانهيــارً وحيــره = يحتاس وضـعه مـادرى كيـف يحتـال

في خـافقـه تشــتب مثـل السـعيره = نــارً لظــاهــا داخـــل الجــوف شـعّال

خوف وندم ثم يلتعـن صير صيره = بــلاه والله خــابــرً شــــبل الاشـــــبال

تـدرون مـن هو يالوجيـه السفيره = واضـح ولا يخفــى عليـكم كمـا الجـال

مثـل القمـر نــوره ينــوّر مســيره = واضـح وزولـه ما يضــاها بـالازوال

بالحـــال انــا ردت عليـــا امنيــره = قالـت : يبـه هـذا المـلك نسـل الابطال

هذا الشـجاع اللي يـداري قصيـره = مـدراة عـينــه والجفـن طيــب الفـــال

صقــر العــروبه ما تذكـرت غيره = نلــوذ بعـــد الله فيـــه اعــــن الاهــوال

له نلتجي وقـت الظروف العسيره = ان حـــدنا جـــور الـزمـــن والتبــهدال

ما مال عـــن درب العــــداله نظيره = لـه ميـــلةً وحـده واهي مـيلة اعقـال

ايـه ابو متعـب يا عسـى الله يجيره = مـن كـل شـــر وســـو نيــات الانــذال

ســـطّــر له التـاريـــخ علـمً وسيره = ســـيرة بطل ما سـَطرت لـه بالاموال

نســـل الـذي وحّـــد شـتات الجزيره = عبد العزيـز الصيرمي راع الافضـال

شـــخصيـةً ينـــدر مثيـــله . مثيــره = هــذا الـوكـــاد وكلمتة الحـق تنـقـال

واليــوم عبــدالله يســـير بمســـيره = عــز الوطن سورًعلى الشعب واظلال

ابـي اختصــــر ولاّ المـآثــر كثيــره = مبطـي لبــو متعـب عريضات واطوال

واختامهــا مســـكً يفـــوح ابعبيـره = ونرفـع لـه البيـضا علـى راس ماطـال

محمد بن ســـوعان الربيّع

صح لسانك وكل ماقيل بأبو متعب يستحقّه حفظه الله ورعاه ذخر وفخر للعروبة والإسلام

اشكرك شاعرنا واديبا الكبير
الاستاذ / عبدالله ابو مشعل
يسعدني مرورك عسى يحفظك ويبقيك
اخوك بن ربيع

صح الله لسانك