ياقلب لاتنبـض علـى الحـب وإتجـوع=وإتعيب فيـك إعـروق ويزيـد تطنيـش
الحـب قسمـة حـظ وإفروعـه إفـروع=منتب عليه إملازم الشرب والعيـش
أقولهـا وأثـرك إمــن الــرآي مقـطـوع=منتب على ماقلت تقبل إبّخشيـش
يآصلك علم اللّي مـن الصـدّ موجـوع=وأنته ولاتآمـن مـن الوقـت والجيـش
لين إنتهى بـك وقتـك المـرّ مصفـوع=والسّيف حدّ أرقـاب روس ودراويـش
صـادك يتيـم الزّيـن والوصـف والنّـوع=وأنته من أوّل قاسي الطبع والرّيـش
صادك وحطّك مع مساجين وإجمـوع=وأنته من أوّل لك عن الخلق تحويش
لنتب على ماقيل في وسـط ينبـوع=ولنتب رحلـت وعايـدوك المعاطيـش
حبّيت مايِعرف لك إشـروط وإشـروع=أنته وفيت ومن تحبّه علـى الطّيـش
تـوّه صغـيـر الـسـنّ مايـعـرف الـلّـوع=مـاورّتـه ســود اللّـيـالـي مطـانـيـش
غرّك جماله لين جابـك علـى الكـوع=إتقول كنّـه ضـاق لـو قلـت لـه ليـش
مـاحـب فـيـك إلّا قصـايـدك ووجـــوع=وإلّا أنت ماحبّـك ولـو كـان بشويـش
وأنتـه إمبلّـد حـسّ وأبيـاتـك إضـلـوع=مجروح لكنّك على الشّـوق بتعيـش
لاصار جرحك حيّ وإشموعك إدموع=وأحلام عمرك سِرب ليل وخفافيش
وطيحَتك وسط الحب واليآس مزروع=دون الأمـل وأحيـان مابـه مطـاريـش
منتـب علـى درب المحبّيـن ممـنـوع=عاتب مـع اللّـي فالمحبـه مخاريـش

صح لسانك

والله يعطيك العافية

صح لسان الشاعر سلطان محسن على هذه القصيدة