الموت أهون للفتى ولا يقال انه غبي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

06-25-2012, 06:15 PM

((الموت أهــون للفتـى.ولا يقال انـه غبــي))
.................................................. ....
يامرحـــبا يامســهلا ياصـاحب الهـرج العجيب
قلــي هــلا واردهـا بالفيـــن مـرحــب ياظبــــي
بُعـــدك يعـذب خـــافقي ويحطبـه جــرحً عطيب
ينـزف ولا يبــرا أبــــد والشــــوق ناره تلهبي
ما ينطفـي لاهــــوبها ياصـــاح بدموع النحيب
واليـوم ابعلـن حــيرتي ما دام شــــبت بحطبي
خل الصراحه بينــنا تظهــر بشمــسً ما تغيب
وعطني اشاره واضحه واتيك لو أحبي حبــي
ماهمني حكي الردي ان كان مخطي أو يصيب
مــالدنـي رايـــه وانــا طنشــت واقـول يهبــي
أهل النمــايم طبعهـــم ياصاحبـي دايــم مريب
ضعـــوف الاوادم بالقفا تلدغ بســـم العقربي
بالوجـــه واحدهم بــدا واعظ ويبدولك خطيب
وان غبــت يغتابــك كــذا من دون سبه يكذبي
ياصاحبي لجــلك وعــد اني لذلــل كل صعيب
وابــذل اجهــودي وانتخي ربعً تحقق مطلبي
آتــي على وظح النقا ماتي مع الدرب المعيب
أشــوم عن فعل الردا والراس فوقه معصبي
هــذا وانا ياصاحبي مـن لابـه وبيـتً عــريب
مـــن راس عـــودً تلنـــي الله يبيـــحه تغلبــي
سلم النشاما منهجي والساس يجذبني جذيب
وان مـــلت عيٌــت شـــيمتي يردني له منسبي
منـــزالنا روس القمم ماننزل اسفال الشعيب
مثـــل الحـــرار النـــادره ميــكارها بالمرقبي
هــذا جـوابي وافهمــه وانتاعلى خبري لبيب
امـا تصـيب الشـــارده ولا تـــزود منشــــــبي
احـــذر يغشـــك واقعً عندك ومن حولك قريب
ميـٌــز بعقــلك والبصـــر خـــله ابعينـك يـرقبي
أصبر عليها وانتظر مثلي واناصدري رحـيب
ولاتظـــن الســــــالفه تاتـــي لك ابنفخـة نبـي
المشــكله تبغــي صبــر لعلاجـها وانت الطبيب
تبغــي عقل يثني لها من عـود في هقوة صبي
فكـــر وخــلك واثـــقً بالنفـس والله لك يثيـــب
وجمـــرً وطيته يالغظـي تاطاه رجلي وش تبي
أخــذ النصيحه وافيه ياصاح من راس الاديب
والمـــوت أهـــون للفتــى ولا يقـــال انه غبي

محمـد بن سوعان الربيـٌع