بسم الله الرحمن الرحيم

السلام عليكم ورحمة الله وبركاته

يطيب لي ان أضع مااجده من تاريخ أبناء و أجداد قبيلة شمر

يا كليب شب النار يا كليب شبـه = عليك شبه والحطب لك يجابي

فعلا الكثير يردد هذا البيت ولكن يجهله ولا يعرف مناسبتة وقائله وحدث بزمن من .


علي وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة اللي يقول به :-

ياكليب شب النار ياكليب شبه = عليك شبة والحطب لك يجابـي

وعلي أنا ياكليب هيله وحبه = وعليك تقليـط الـدلال العذابـي

وادغث لها ياكليب من سمر جبه = وشبة الي منه غفى كل هابـي

باغي ليا شبيتها ثـم قبـة = تجلـب لنـا ربعـا سـراة غيابـي

بنسريةً ياكليب صلفا مهبه = لاهـب نسناسـه تقـل سـم دابـي

سراة بليـل وناطحيـن مهبـه = متكنفيـن وشوقهـم بالعذابـي

الوالمة ياكليب عجل بصبه = والرزق عند اللي ينشى السحابـي

صبة لقرما صرفته ماحسبه = يوم البخيل مكنهب الوجـة هابـي

وصبة لمنعورين ليا جاة نبة = يرخص بعمره والدخل لها ضبابي

وعدة عن اللي مايداري المسبه = اللي يدور بالقصيـر الغيابـي

عن الطيب عده نازلا له بغبه = يضرب علي درب الخطا مايهابي

لا باطن الهلباج خطوا الجلبة =يا حلو خبط عصيهـم بالركابـي

أطمر لهم وأبدي سلام المحبه = لا جو على هجناً يديهم خرابـي

سلام أخلى من شخاليل جبه = وأحلى من السمن الجديد العرابي

مع كبشً مصلاح راسه نجبه = لا أدبـر الهيـن متيـن العلابـي

خطو الولد يوم الملاقي نكبه = يأتي علينا من حسـاب الزهابـي

وحتى ايش لو يلبس وبينن وجبه = معيرة على غضير الشبابـي

أنا لقيت الصبر يازين غبه =يرقيك رؤوس مشمرخات الهضابي

من لاصبر ياكليب في حكم ربه = هذاك يوم البعث ماله ثوابـي

يقولها اللي ما حسب المسبه = ولا عرقل الاجواد ببعض الهلابي

هذا هوى بالي وهذا مطبه = من قبـل مايسفـح علينـا الترابـي

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

الوالمه يا كليب عجل بصبه = والرزق عند اللي نشى السحابي

يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .


قال الامير محمد
:-
ما تقولي يالضلماوي وش عندك به يوم انك تقوصد يا

كليب يا كليب . فعرف الضلماوي ان الامير زعلان فقبلة وقام ومد يده

للامير وقاله :-

مده رهن لولاك ماقلت ياكليب = ولا قلت شب النار وصر موقدا له
في ليلة تجدع سواة المشاهيب = نسرية تلصق خليل لخله
نطعن بعزك ياحصان الاطاليب =عسى الله جمع حزمتك ما يفله
يالجوهر الناريز يالمسك يالطيب =يا عنبرا من جربه مايمله
تكفي محاليب وتملى مجاليب = وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب =سامح عسى اللي عقبك بألف حله
مده رهن لولاك ماقلت ياكليب =ولا قلت شب النار وصر موقدا لـه
في ليلة تجـدع سـواة المشاهيـب = نسريـة تلصـق خليـل لخلـه
نطعن بعزك ياحصان الاطاليب = عسى الله جمع حزمتـك مـا يفلـه
يالجوهر الناريز يالمسك يالطيب =يـا عنبـرا مـن جربـه مايملـه
تكفـي محاليـب وتملـى مجاليـب =وكبـد تيبسهـا وكبـدا تبلـه
ياطير شلوى مالقي بك عذاريب = لو تستحتي ما تجمع الطيـب كلـه
يا بو اليتامى والارامل ومن عيب = وأبوا لمن صار العصى ثالث لـه
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب = سامح عسى اللي عقبك بألف حله

وعقبة قال الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل ..

ولكم تحياااتي

شـكــ وبارك الله فيك ـــرا لك ... لك مني أجمل تحية .

ال الرشيد أمــراء الجبل فيهم من المروءة ما يعجز عن وصفه اللسان في سالف التاريخ وهم بيت معدود من بيوت العرب الرفيعة ....

وقبيلة شمر من أعظم القبائل والكرم فيهم زود عن القبايل الاخرى في عامتهم وليس غريبا على احفاد حاتم الطائي واعتقد حسب معلوماتي المتواضعة انهم هم من كانوا يهاجمون القبائل ولم يكونوا في موضع الدفاع الا حين فتح حائل فقط ... ولي ابي انعم بهم من الظهر حتى غياب الشمس ما اوفيتهم حقهم ...

بسم الله الرحمن الرحيم

حياك الله اخي انا الحزين وعسى ان تكون فرحان دائما تفائلو بالخير تجدوه 00 ابتعدوا عن الحزن وهموم الدنيا00 الحيات افراح ومسرات بوجودكم 000 تحياتي 0

بسم الله الرحمن الرحيم

الاخ الرجال العنزي شكرا للمتابعه متمنيا لك الصحه والعافيه 0 تقديري 0

حميدالرحبي
طرح جميل وقصص واشعار فعلا رائعه
وكل شي من الماضي جميل ومفخره لكل العرب بغض النظر من اي قبيله
ماشاءالله عليك قصص هادفه
وكل القبائل العربيه افعالها الطيبه فخرلنا ولاولادنا
بارك الله فيك اخي
مودتي