يالله ياعالم وسيعـات الاقـدار** يـا واحدن كل البشر يريجونــه
ياعالمن في غيبها سر وجهار ** عالي بقدره والبشر يهتدونه
من بعد ذكر الله ابدا بالاشعــار ** وازين القيفان باجمل لحــونه
سلام مني ياصل بطيب مقــدار ** وامحملن بالود ويستاهلونـه
ربعي جموعن للمعادي لهم كـــار ** عاداتهم والطيب مايتركونـه
خمشه باللقوات والماقف الحــار ** عدوهم خلوه يشكي طعـونـه
قـلته وانا من لابتن تاخــذ الثـار ** جعافـره بالكون مايرحمونـــه
صديقنا ماهان والضيف والجــار ** والضيف حقه يامحمد نصونه
شيوخنا اهل المواقف والافكار ** اهل الصخا والجاه اهل المعـونه
تاج الفخر يزها العواجي ودينار ** مثل الصقور وخصمهم يكسرونه
والا الشقاوي كم مضاله من دوار ** من عزوة اللي مايعرف المهونه
هم عزوتي يوم الملاقى والاخطار ** وكم واحدن خلوه يتلي زبـونــه
تاريخ جد مسجله بين الاسطــــار ** تاريخهم معروف ماينكرونــــــه
شيوخ وشيوخ شيوخ وأمــــــــار ** مع زود هذا طيبهم يكسبونــــــه
واثني التحيه للذي واف الاشبار ** الذيـب ولد الذيب تسلم عيونـــه
دايم دلاله جاهزاتن على النــــار ** فيه الشجاعه والكرم يمدحونـــــه
ابــوه وجـده في ماض الادوار ** ريف الضعيف وساسهم يتبعونـــه

الشاعر \خالدالركعان الجعفري \

ونعم والله
صح لسان شاعرها
تحيات اخوك محمد الصقري

الف نعم با الخمشه وبقبيلة ولد سليمان وبشيوخها الكرام جميعهم والف شكر لك اخي خالد الركعان الله لايهينك

ونعم بأهل الجدعا

والنعـــــــــم والـــلـــه رجــــــــــــــــال تــــــــفتــــخر بــــــــــهم عنــــــــــــــــزه

صح السانك ياخالدعلى القصيدة بس ابي اسالك منت حافض شي لشاعر خلف ابن سويلم او ابنة محجل ابن سويلم