من واقــعً عشـــناه .

خـفـوّا عـليـنـا. ياهــل الكذب. تخفيـف = كــثـر المـــهايـط مـا يجـــيـب. نفـيـلـه
ذا. واقـعً عشنـاه مبني على الزيـف = والكــذب اصــبح ،للمنافــق . وسـيلـه
سادت بــه. رخـوم العرب والمـلاقيف = والامـعــه. يـوخـذ ،،،بـرايـــه. وقـيـلـه
اللـي من اول باللــوازيــم ما شــيف = اليـوم قــالٌــوا مـن وجــيـه القـبـيـلـه
مـن شـان مـالـه قـدّروه الضـواعيف = والمال اسـاسه نصـب.واضح وحـيله
قـالــوا يغـيـث المـبـتـلي ,,المـلاهـيـف = والناس من كـل صوب.قـالـوا ً تـجيـلـه
اهـل المصـالـح. وصفـوّه ابتـواصيـف = ما قـيـلـت بحــاتـم وجـــوده وجـيـلـه
وهـي بالحقيقه كـذب.واضح وتحـريف = وشــعـاد لـو. شـالــوا مديحه ابشيـلـه
يا صـار جـٌـده. يـبغي. اليٌـوم تـعـريـف = وابـوه. قبـلـه يسـتشير الحــلـيـلــه
خـابت ظنون امصفف الهرج تصفـيف = واهــل الخـديـعــه. والنفـوس العـلـيـله
كلــن عـلى شــكـله تحـــدّه عـواصيف = والمــرء قـالــوا ينـعـرف من خــليـلــه
تـوافـقـوا مـن ثــم صــاروا مـوالـيــف = طـيورالفـلس بالوصف نفس الفـصيلـه
خـفــٌوّا عـليـنـا. ياهـل الكـذب. تخفـيف = كثـــر المهــايـط مايجـيـب ,,,الـنفـيـلـه
ابديـت. رايي دون أمــرً .،،،،وتكلـيـف = من عقـب انا ماشـفـت.بالوقـت ميـلــه

محمد بن سوعان الربيّع

حررت بـ 14 شعبان 1442هـجري
الموافق 27 مارس. 2021 ميلادي

الزميل الشاعر محمد سوعان الربيّع صح لسانك على هذا الوصف البليغ وكما ذكرت كثر الهياط وأكثر الهياط كذب وكل زمان له رجال ونحمد الله لا يزال فيه رجال بهم خير والنوع الذي تذكره الله يهدي من أضل وشكراً لك

ارحب تراحيب المطر والهماليل = واعداد ما قامت تدافق سيوله
واعداد مالف الرشا بالمحاحيل = جيّه وروحه والسواني عجوله

هلا والله اخوي واستاذي العزيز ابو مشعل
صح ذوقك واحساسك الطيب لاعدمت وجودك ومتابعتك حفظك الله ورعاك من كل شر
تحياتي وفائق تقديري ,