ماهــو غـلا بالـرجـم .............

ماهـو غـلا بالـرجــم يـومني أرقـبت = لاشــك ميــلات اللـيــالي,, حــدنـي

‏أطـيب بالجمـعه ويـمرضني السـتب = لاني بـريـت ولاغـــدى الشـر عـني

‏وياطير ياللي عن مدى ناظري غبت = شـفني جـريح القلب ..قلبي يـوني

عطالله الشراري
_____________________________________

فكانت تلك المجاراة لابيات الاخ عطالله الشراري اتمنى تنال اعجابكم
بيحت مكنون الحشا ,,,,,,,

يامــن شكيت مـن الــولــه ثــم تـغلبت = ياللـي ظعـون صـويحبـه ســندنـي
طـيـرك غــدا وارخــا جـناحـيـه واسهبت = في شرح مابــك والمـعاني زمـنّـي
عنـدك تـواسى يـوم الاثـنين والسبت = ومـثـلك فــلا ينــلام حــزة يـغنّــي
ياللي عـن الطـاري فـلا ثـانـيـه غـبـت = إلك التـحــيــه والسلامـــات مــــنّي
شـاعر طرقت الصعب وارهيت ماهبت = هــداج تـيمـا لا عــطـى مــا يـمـنّـي
مثلك تـراي اعصير في رجـمهـا ارقبت = وتهيّـضـن هـواجـسي ووجـــعــنـي
ذكرت بعـض اشـياء من عـقـب ماتـبـت = عــوالــي المـرقــاب بــه ذكّــرنــي
بيّحت مكنون الحشــا من عقـب كبـت = وشكيت للمــرقــاب شـــيً غـبـنّي
انـشـد عـن اللي مـن فـراقــه تصوبت = وزوّد نـزيـــف جـروح قلــبً يـونّـــي
ولو اني اعـلم غـيب الايـام مـا ارقبت = ولا اشرفت في راسه وشوقي شحني

محمد بن سوعان الربيّع

الله يقوم بعون الشاعرين عطالله الشراري ومحمد سوعان الربيّع وصحت السنتكم على هذا الأبداع وكنت اسمع ذكر للمرقاب في شعر الجيل الذي قبلنا وحتّى نحن تطرقنا للمرقاب وهناك بيت يتكرر على الألسن وهو بيت يتيم لم اسمع باقي القصيده وهو قولهم :

ما يرقب المرقاب غير المشّقى *** ولا غريب الدار ولا الهواوي

وقد جمع قائل البيت ثلاثة أصناف من أسباب رقي الرجّم في هذا البيت وقال شاعر من قصيدة طويله :

ارقبت أنا مرقاب ربي يخونه *** وطـالـعـت نـزل نـازليـن بـسلـمـيـا
حذراكم المرقـاب لا ترقبونـه *** يا أهل القلوب اللي على الحب ظميا
يفطن عليكم غايب ترتجـونـه *** عـيـن الغـزال مجـفـلـه حـس رمـيـا
السكر البكري مفالج سنونـه *** مـاكـول لـلحــكّــام زيـن الـطـعـمـيـا

ياسلام عليك استاذنا ومعلمنا الفاضل
اسال الله ان يحفظك ويعزك ويطول في عمرك
اشكرك استاذنا وشاعرنا ومرجعنا ابو مشعل
تقديري ومودتي لك