االمجـد فــوق وراعي الحـزم قايده

اهـداء الى الشــاعــر عايد رغيان ابن ورده الشراري .
-----------------------------
الشكـر والتقدير والطـيب والثنـا = للشاعر اللي خصــني في فـرايــده
لاشك ابـن ورده ولا اقـول غـيـره = عـايد كما الألمـاس تأتي قصــايده
شاعـر وأديـب وتفتخر فـيه لابتـه = وزودً عـلـيهـا عــم باقي بــدايــده
يا خـلفــة رغيٰـان يالحــيـد يالـفـحـل = يبرز وعنـد الضيـق هـذي عٰـوايـده
كالسيف ابو حـديــن في ساحة اللـقا = يــوم الرخـوم اتنـوم حـزة شـدايٰده
بلسم كبـود اللي من الغيظ تلتهب = لاشـــب فــي الايـام حامـي وقـايـده
جـاريتني والقصـد يـالـحـر. يـتضح = ومثـلك اوســاعً يالســــنافي بنايـده
ماودي ادخــل في نقاشـات فاضيـه = ولا ودي اخسـر من كســبنا ودايـده
نـوهـت بالتلـميـح والحُــر يـفـتـهٰـم = والمختصر يغني عن اهـروج زايــده
كــم واحـدً حٰاول وخابـت مطٰـالبه = غـره بليسه واهتوى عـكس سـايـده
وده يكٰـحـلها. واعمٰــى بـصيرهـا = يابـو سـعد بـرقٰـه يسٰابـــق رعـايـده
قلبه من الاحقاد والـكره. ممتلي = واظهــر دفينه والقــديـم وجـدايده
يبـكي بـدمعً للتماسيح . تنـتمي = ينحب كمـا اللي والـده فــي لحايـده
مدري وش الاسباب والشـف والهدف = يمكـن وعـد ودّه يـوفّي وعـايٰـده
ضـيّع ذلـولــه ليت جـوّد اخطامها = ودوّر ولكن عــاد من دون فايـده
قـام يتخبـط والهـواجس اتحـاصـره = وَيَا مكثـر اللي شـككوا في شهايـده
وياشين رجــلً بــاع دينـه ابـدنـيتـه = وامٰـرح على ظلمـه وكـبّـر وسـٰايـده
والحق واضـح كنـه الشمس بالضحى = كــلً يشٰـوفٰـه ميٰـر غـابـوا سـنايـٰده
زاد النفاق. وساد في ساير الملا = وكــلً يــدّور كـيف تكبـٰر رصـايـده
يقــول شـيً ويفعـل اشــيـاء غيٰرهٰـا = متذبذبً ما بيـن كسـٰـبه. وعـايــده
ليتـه تجنب دافــق السـيـل وارتفـع = ولا زاد بين الناس حـدة نقـايـده
ومن ثـوّر الفًتـنــه وايقــظ مـنامهــا = ولابــد مـاهـي لــه بـالايــام صــايــده
يالله تـعــز الديـن والحكـم والوطٰــن = والمجـد فـوق وراعي الحـزم قـايـده
ابـو فهـد سٰـلمـان نفخـر. بحنكتــٰه = مـلـيكـنـا وإخــوان نـوره عضـايـده

محمد بن سوعان الربيّع
في 19 رمضـان 1438 هــ

فرد علي الشاعر عايد رغيان بن ورده الشراري
يقـــــول :

يامرحــبآ برسالـة ساسـها الـوفا = ماقصرت دونـه ولاهــي بــزايـده
تسعـة عـشر مـن رمضان مـدوّنـه = قبـل المـعـايــد نعـتبـرهـا مــعـايـده
في خط ابن سوعان ومحمد الذي = نـول المـراجــل والفخر مـن عـوايده
مـن يعـرفه يجـزاه بالشـكر والثنـا = وطـيب الفعـايـل دونت في جرايــده
لاهنـت يالممـدوح بالجـــود والادب = وياللي كما ســيفآ ظهر من غمايده
مصقلا يلـمض كمـا بـارق الــدجـا = زرق الجواهر سالعــت مع حــدايده
من لابـة يـوم القنا قاضي العـرب = يكـفي لهـم هـاني بعـالي شـهـايــده
في موقعـة ذيقـار في ساحة الوغـا = وكـلاً لبس درعـه وغلّق جـنايـده
يهزم بها الهامرز بالسيف والضما = ويلـوذ محفــل يـزد جـرد بشـرايـده
وبالجود يكفيهم راع الطيب والكرم = ابـن مهيـد اللـي كبـارًا مـوايـده
سـتر البيوت وماحوت في مجالها = والعيطموس اللــي تـلالا قٰـلايـده
نذكــر فضـايلهـم على قـدر عـرفـنا = واللـي جـهـلنـا بـه كـثــارآ بٰـدايـده
يابـن الربيع مـاخـفا عنـك مـامضـا = صارت على المكشوف ماهي محايده
يكـفيك عقــلً داخـل الـراس تحمـلـه = تعـرف بـه الحـاصل وتجـني فـوايــده
تقـفي عـن المقـفي وتجــزاه بالجـفا = ودواه مـن بطــحا من الارض نايده
خصآ اذا شـفتـه على ظـاهر المـلا = اصبح كمــا جـلـدآ تهـاتـــف ســـدايده
يحسب من الاقراب بالاسم والوطن = وهـو مٰـن الاجنـاب ياخـــذ رفـايٰـده
تغـتر بالبشـت التي زانهــا القصب = والنـيــه السـودا مـــن العـــام بـايــده
مـن لٰف غيرك لـف مـثلك بسـاقـته = ميـر الحـذر لاتـامنـه مــن مكايـده
لاطـب بالجـرح الـذي ينـزف الــدما = غبـر المراهـم فـوق شــدة ضمايده
كم واحدآ يجبر على غير مابغـا = ويمشي علـى دربــًا ولاهـــو بـرايــده
اليـوم في وقتـآ بـلا الناس بالغـوا = من ضـاع يــدوي به والاحـداث كـايده
من طاح عضد لـه ومن تاب عـاونـه = والثــوب الاقشر تكرهــه من سرايده
وحـنا كمـا كـنا على الديـن والعــهــد = فـي ضل دولــتـنـا والايـام عــايـده
عسى الرخـا في ديـرة العـــز والوفـا = في موطـن الكعـبـه وسـلمان قـايـده
وختامهـا مســكآ وصــلو عـلـى النبي = اعــداد ماهـب الخـريـف بنــوايــده

عٰايـد رغيـان بن الورده الشراري

احسن القول الشاعرين الكبار أصحاب الخبرة في معاني ومفردات الكلام موفقين خير أيها الفطاحل

هلا والله استاذنا والاديب شاعر عنزه الكبير عبد الله بن عبار المعنى
نورت يابو مشعل
تسلم ومشكور على الاطراء الطيب ومنكم نستفيد وما كبير الا الله سبحانه
وما محمد بن سوعان الا من تلاميذك وافخر بذلك فلا تبخل علينا بارشادك ونصيحك
تقبل خالص مودتي وتقديري
اخوك ابو فهــــد .

احسن القول الشاعرين الكبار أصحاب الخبرة في معاني ومفردات الكلام موفقين خير أيها الفطاحل