هذي القصيده قالها الشاعر المعروف سعود بن معيوف الوثيري تفاعل مع قضية عبدالرحمن حمود الوثيري :

ام الوثيري لايجه قبل شهرين
تقول يالويلان صكو عليه
وبجنبها ينخن ثلاثة مزاييين
ساره واام الشيخ والدودليه
ولعيونهن قامو جميع المسمين
اهل العلوم الطيبه والحميه
اللي لهم بالطيب علم وبراهين
ماهي دعايه مسعله واقعيه
قامو هل العرفاء بكل الميادين
واستنفرو من شان حل القضيه
والعاصفه قامت اتنزل ملا ييين
اليوم صارت ملحمه وايليه
ان كان مرضت عنصرتنا من اسنين
اليوم عادة قوت العنصريه
ماهو تعنصر جاهلين ومساكين
كلاً على الجزلات ينخاء خويه
اشيوخناء وافرادنا مستعدين
انا نسوي دحة المنذريه
مادامها بالجاه والمال وافين
انخلصه لو بعد عيد الضحيه
سعود معيوف الوثيري


ورديت عليه بهذه الابيات مجاراه :

ام الوثيري والثلاثه على العين
من شانهن ياسعود ناقف سويه
ربعك هل العليا سوات النياشين
بالتضحيه كـل ٍ يـسابـق حليّه
وربعي مسكا معهم قديم ٍوهالحين
خاضوا غمارٍ ماتكشّف اغطيّه
واهل العرفا كلبوهم معـذّين
أرداهم اللي وقفته شوشليه
بيايعه ورماح ويا الرسالين
وموايقه ومصاربه شرعبيّه
عرفا وعبادات مثل السلاطين
ودوام تزهف فوق بنت العبيه
وعقب المقمص لو ذكرنا معروفين
ومواهيب والله نعم ذيك السميّه
نعم ٍ بهم ونعم ٍ بكل العنزتين
ليا انتخوا يردون حوض المنيه
اولاد وايل باللوازم اموفّين
باذن الولي ينهونها بالضحيه
وبشاية الله يصبح العيد عيدين
وام الوثيري تهتني عقب ذيّه


.
.

صح لسان الشاعر سعود معيوف والشاعر فهد المسيكي على هذه القصائد التي تحث على النخوة والفزعة ومن فضل الله أنه حصل تجاوب سريع وفعّال من قبيلة السبعة خاصة وقبايل عنزة عامه والله يفرج هم السجين وذويه

صح بدنك يابن عبار ،،،،

ولاهنت وان شاء الله ان الامور طيبـه واذا فتح الحساب يبي يجي الخيــر ان شاء الله

اعلن الشيخ خالد بن راكان المرشد رئيس اللجنة المشرفة على جمع التبرعات لدية عبدالرحمن بن حمود الوثيري أنه سيفتح الحساب الرسمي للتبرعات قريباً على حساب الأمارة وسيعلن عنه بحينه ويحذّر جميع المتبرعين عدم أيداع أي مبالغ مالية بغير الحساب الرسمي المعتمد ومن لم يلتزم يتحمّل المسئولية القانونية
أقول بارك الله بالشيخ خالد فهو يؤكد على حفظ حقوق الجميع خشية التلاعب والأختلاس والله يوفق كل من يسعى على فعل الخير

لاهنت يابن عبار على التوضيح ، والجميع بانتظار فتح الحساب الرسمي ، ولقد اتصل بعض الاخوان يسألون عن القطه وعن تسجيل اسماء وارسالها لاشخاص ، فاعتذرنا ان تدوين الاسماء بان الفلان قطوا كذا ، و تسليمها لفلان او علان امر لايصح، من اراد المساهمه فلينتظر الحساب الرسمي ، وليس بالضروره اعلان ماتود التبرع به ، الا من باب التشجيع والمنافسه في الخير ، ، اما الحساب الرسمي مهم ، حيث انه لايمكن التاكد من عدم التلاعب ، ولو ان البعض لايسأل عن ذلك من نيته الحسنه ، الا انه قد يكون باب للتلاعب .