وقال الشاعـر مبارك بن هادي العنزي هذا المقطع من قصيده :
عـنـاه أبن هـادي ويحمـل جـوابـه *** كـلام أحـلا مـن حـلـيـب المـبـاهـيـل
يـلـفي عـلـى قـرم عـزيـز جـنـابــه *** مـن لابـة بالكـون مـاهـم مساهـيـل
عبـدالله الـلي عـز مـن هـو لجـابـه *** تـاريـخ وايـل بـيـنـه كـنـه اسـهيـل
مـن لابـةٍ بـالـمـجـد تـتعـب اركابـه *** ربعـك هـل الطـولات ركابـة الخيـل
وقال الشاعـر عايد بن جبان العنزي هذا المقطع من قصيده :
يا عـيد هـات البوك وأعجـل عـليه *** هات القلم خله على الكتب مرهون
وأكتب بـيـوت مـن ضميري نـقيـه *** زان المجـال وهيّض الفكـر بلحون
وده لأبـن عـبـار زبـن الـونـيــــــه *** أبـو مشعـل عـنـه النشاما يسالـون
ركبوا على النيسان وقت اعشويه *** حول الضحى ملزوم عنده تقهوون
مـن دلـة عـنـد الـسـنـافـي هـنـيـــه *** ومـن عقبهـا على المفطح تغـدون
وقال علي بن ظافر القرني هذا المقطع من قصيده :
سر يا قلم وأكتب محاريف وأبيـات *** أكتـب سـلام نـوجهـه لأبـن عـبـار
عبدالله اللي لـه مع الشعـر جـولات *** عطـه العلوم وخبـره بالـذي صـار
عـسـاه يـلـقـا جـرتـك بـالـرسـالات *** وإلـى قـراهـا رد لي مـنـه الأخبـار
قـلـه تـرى رجـل تـقـلـد لـمـانــات *** يحـرص عـليها الوايلي ليل وأنهار
وأرسلـتهـا تنشـر بـرفـق التحيـات *** لـليـوم والقـاري وكـن الأمـل طـار
قـوم تـعـرف تـقـدر الـشـاذلـيــات *** يـلـقـاهـم العـانـي ويـلقـاهـم الجـار
قـوم عنزه يوم السنين الصعيبات *** حـريـبـهـم مـا يـرقـد الـلـيـل سـّهـار
لكـن يا أبـن عبـار فات الذي فات *** راح الـزمان الماضي بكـل الأسرار
روّح زمـان الكـون والعـنصريات *** يـــوم بـــدل يـــوم ودار بـــــدل دار
وقال الشاعر عطيه بن فريح الطبل العنزي هذا المقطع من قصيده :
يا راكب اللي تـو مـن مصنعـه سـار *** بالـدرج حطـوا للمـرور أستمـاره
يـلـفـي عـلى الـلي لـلجـمـالات بـذاّر *** الطيـب سلمـه والمكـارم اشعـاره
معـه لأبـو مشعـل سلامات وأخـبـار *** الــوايـلـي حــلال رمــز الأشــاره
والـلـه مـا نـبـخـل عـليكـم بالأسـرار *** شرواك عـنـدي يالسنافي وقـاره
يا أبن الـذي مـن لابتـه حـر وأخيـار *** مـن ساس قـوم يشبهون النماره
الطيـب فعـل الطيـب يـا حـر الأوكـار *** يالحـر الأشقـر من نوادر حـراره
أنت الذي عند الطلب تحضر أحضار *** مـثـل الـذي مذخـور لأيـام غـاره
وأنـت الذي نلت الفخر يا أبن عبـار *** مـا قـلـتهـا كـذب ولا هـي قـمـاره
مـن لابـةٍ عـاداتـهـا نـطـح الأشـرار *** لا ضيعـت خـلج العشايـر احـواره
يـوم أنهـا بعصـور مـكمـن وسـبـار *** كـم فـارس مشهـور رحتوا بثـاره
خـلـوه بـالـمـلـعــب تـثـنـى ولا ثــار *** أصبح على ربعه من أكبر خساره
مـن دون زينات اللبن حص الأوبار *** ربع نهـار الكون ترخص عـمـاره
وإلى ركبتـوا فـوق عـدلات الأكـوار *** حين أرقب الصياح راس الزبـاره
ربع عـلى شعـث النواصي لكـم كـار *** والـلي نخاكـم تزعجـون البشـاره
يـا مـا رعيتوا بالخطر عشب الأقفار *** يـوم الحوف بالليل مثل السعـاره
يـوم البيات ويـوم هجمـات الأسفـار *** كـم شـيـخ قــوم نـازلـيـن بـــداره
هذي فعـول اجدودكم ماضي الأدوار *** ضـد العـنيـد الـلي بـراسـه نعـاره
وقال الشاعر مطلق بن علي بن صفوق العنزي هذه الأبيات من قصيده :
هـذا جـوابـي وارسـلـه لأبـن عـبـار *** اللي شرب مـن جـم بحـر القـوافي
الشاعـر المعـروف بالشعـر بـيطـار *** سجلـت تـوقيعي وهـذا اعـتـرافـي
وقال الشاعر جريذي بن مناور الجبوري رحمه الله هذا المقطع من قصيده:
كـتبـت خـطي وأرسـلـه لأبـن عبـار *** وأرسلـت لـه مرسول يمـه امعـنـا
مـن لابـةٍ بالطيـب مبـطي لهـم كـار *** عـز الدخيـل الـلي زبـنهـم امـجـنـا
زيزومهـم جدعـان بالموقف الحـار *** والـلي يـلـوذ بجـيـرتـه مـرجـهـنـا
شيـخ كـريـم وبالـمـواجـيـب صبـار *** صّـوت بغالي الـزاد صوتـه ايطنـا
ذبـاح كـوم النيـب مـع جـل الأبـكـار *** وهـدف الغوارب عند بيتـه اتـثـنـا
القـدر يطـبخ والـذبـايح عـلى الـنـار *** وعيّش ضعيف الحال واللي تونـا
عـز الأرامـل يـوم ضلن عـلى الـدار *** وقـال أفلحـوا يـوم الليالي عـطنـا
عـلى حـميس وكـل الأيـام بـأيـسـار *** وحـتى القـصـايـر بالعـشا يبشرنـا
والـجـيـش رّوح بـالمسـايـيـر زوّار *** وأرقـابهـا عـوص الركايب اتحـنـا
تـاريـخـهـم بـشـبـيـح حـكـام وأمـار *** أهــل بــيـوت بـالـعــوالـي زمــنــا
وعيـال وايـل حاضرين على امهـار *** نعـمـيـن بـالـويـلان حـمـوا وطـنـا
وقال جريذي بن مناور أيضاً :
وكـلام أبـن عــبـار قــولـه يـزكـيــه *** قـافـه ذهـب نيرات مـا يصنعـونـه
قـصـيـد أبـن عـبـار نـفهـم معـانـيـه *** قوله جميع أهل الشرف يشتهونه
يا أبـو مشعـل أن جاك قافي اتقديـه *** وأقبـل سلامي عـد هاطل مـزونـه
وقال الشاعر عطالله العليان العطيفي هذا المقطع من قصيده :
قـال العـطـيـفي وأبـتـدأ بـالـمـقـالي *** وحرفه موضح بالمعاني إلى سـار
وخـلاف ذا شـديـت هـاف كـمـالـي *** وإلى مشى دوبـك تخصه بالأنظـار
يـحـمـل تـحـيـه مـع كـلام طـرالـي *** لـلي عـلى مجـد الفـخـر دوم سّهـار
الـوايـلي قـيـلـه غـزيـر الـمـثـالـي *** لا قيـل من هـو قـلت ذاك أبن عبـار
قـرم بـمـوجـب لابـتـه لـه مـدالــي *** مـا قـال مقصوده عـلى شان دينـار
يـفخـر بـوايـل بالبـيـوت الجـزالـي *** وشاد بفخـر عـنـاز شيبان وصغـار
وتعـيش يـا مـادح قـروم الرجـالي *** نشكرك فـي تمجيـد ربعـك بالأذكـار
عـاشـت يمينـك يا كـريـم العـيـالي *** عـز الـلـه أنك تبدي القول بصخـار
وتـاريــخ لـلـويــلان أول وتــالــي *** ما ينجحد مذكورمن ماضي الأدوار
وقال معيوف بن سعود العنزي هذا المقطع من قصيده :
كـلام أبـو مـشعـل يـلـذ استـمـاعـه *** كنه ذهب مكفول عن صفر ونحاس
عـلمك ضهـر مابين كـل الجماعـه *** يالـلي عـلومـك كلهـا تـرفـع الـراس
جعل يفداك أهل الحسد والقطاعـه *** بعض العفون اللي هلابيج وخساس
يـالـقـرم لا يـزداد حـملـك ارداعـه *** كلن عطـه حقـه عـلى وزن وقـيـاس
طيـر السمرمد لا تغـرك اطـبـاعـه *** لا تــقــرب الأنـذال خـلـك بـنـومـاس
عرف الردي يالقرم مابه اطماعه *** أفطـن ترى مبناه ما هو عـلى ساس
والطيـب بالطيّب سـوات الوداعـه *** وعنـد العـفون الطيب تاليه الأفلاس
بينه وبيـن الطيـب حاجـز منـاعـه *** شوفـه يـزيـد الهـم والغـم وأعمـاس
واللاش لـو أنـه ضحك لك اخداعه *** تـراه بمـتـونـك تـقـل مـوس كبـاس
لا تقـربـه حـذراك لـو ربـع ساعـه *** دايم تعز النفس عن بعض الأنجاس
خـلـه مهـف مقـيـط يتبع اشـراعـه *** يغوص بالجمه ولايشوف الأرماس
وقال فرحان بن سميح المضياني هذا المقطع من قصيده :
راكب اللي لا مشى تسمع صريـره *** كـن صـرات العجـل صـوت ابـرديـه
لا لـفـيـت الـقـرم ممـدوح العشيـره *** أبـو مشعـل جعـل تخـطـيـه المنـيـه
يفـرح بالضيفـان مـا حسـب لميـره *** مـقـصـده يـبـي الـعـلا والمـقـدريـه
قـل جـزاك الـلـه عــنـا جـل خـيـره *** الـولـي يـكـفـيـك مـن شـر الـبـلـيــه
صرت كالقاموس مرجع للعشيـره *** يـا عـسى يـحـمـيـك خـلاق الـبـريــه
قلتـه بك فخـور مـا قصدي بـريـره *** وأنت مثـل الحيص لا صارت دعيـه
ربعي المضيان فـي يـوم المغـيـره *** لا غـدا ليـل الدجـى تـقـل اضحـويـه
مـن سـلايـل وايـل ربـي يـجـيـــره *** تـفـرح بالخـاطـر وتدرا من الخطيـه
وقال الشاعـر سالم بن محمد الجعفري هذا المقطع من قصيده :
ومن بعد ذكره هاض فيض القريحة *** وبديت أسجل ما طرى من مثايله
أكـتـب بـيـوت لأبـو مشعـل جـزيلـه *** واخاف من قولت تـرى ذيك مايله
وش رأي أبن عـبـار باللي جـرالي *** طـول المدى والقلب هذي عمايلـه
صبرت لو ماني على الصبر مقتدر *** أهرف هريف الذيب وأهذل هذايله
شكيت لـك ياللي عـلى الطيـب قـادر *** يـا الـلي كـمـا حـرٍ جـزال فـعـايلـه
أنـت الـذي فـعـلـك وطيـبـك نعـرفـه *** مـن لابـةٍ بالكـون تـروي سلايـلـه
مـن عـقـب وايـل مرمليـن الحلايـل *** أهـل الوفاء ضـد الخصيم ونكايلـه
لا ثـار عـج الخيـل تـعرف افعالهـم *** المجـد بالتـاريـخ حـاشـوا نـفـايـلـه
وأنـتـم سلالتهـم ونعـرف افـعـالكـم *** والسيل كانه سـال يضرب مسايلـه
عبـرت لـك عـن كـل شي بحاطـري *** والهـرج يكفي عـن كثيـره قلايلـه
وقال سالم بن محمد العنزي أيضاً :
يا راكب اللي كنه الريح وأن سـار *** جـديـد ومعـه رخـصتـه وأستـمـاره
ملفـاك شغموم الرجال أبـن عـبـار *** وإلـى لـفـيـت القـرم عـطـه العبـاره
الـوايـلي مـا بـار كـان الـردي بـار *** مـن صلب وايـل من نوادر حـراره
الـلي إلـى جـيـتـه تـلـقـاك بصخـار *** مـا جيـت يـمـه بـس تـذكـر أذكـاره
قـرم عـلى كـل الـمـلازيـم صـبّـــار *** والطيـب يـأخـذ بـه محـل الصـداره
وإلـى لفـيتـه نشـده ويـش الأخبـار *** بـشـر عـن أحـوالـه وخـذ البشـاره
الـلـه يفكـه مـن صواديـف الأقـدار *** بجـاه الـولي عـلام خـافي اسـراره
وقال محمد بن جزاع العنزي هذا المقطع من قصيده :
مـنـي سـلام نـبـعــثــه لأبـن عـبـار *** مـن قيـل أبـن هـزاع نرسل هـديـه
لعبدالله أبن الـوايـلي حـر الأحـرار *** دربـه نـزيـه ولا مـشـى بـالــرديــه
عبدالله اللي يكـرم الضيف والجـار *** ورث مـن الأجـداد مـا هـي عـطيـه
مـن لابـة نـالـت مـن المجـد تذكـار *** تـذكـار تـفـخـر بـه جـمـيع السميـه
أقـول قـولـي لـلـمـلأ سـر وأجـهـار *** ولا قـلـتهـا وأبـغـي لقـولي جـزيـه
لكـن قـريت كتابـك قطوف الأزهـار *** ولـقيـت بـه مـا مـر بعـضـه عـليـه
حبيت أراسل حضرتك يابن الأخيار *** لـو كـان مـا قـولـي لـقـولـك لـديـه
أنـا عـليـمي وأنـت بالشعـر بـيطـار *** مـا قـلـتـهـا نـفـقـه ولا هـي زريـه
وقال مهدي بن حسين العنزي هذا المقطع من قصيده :
وبـديـت أعـبـر يـوم جـالـه مجـالـه *** أظهر خفايا القلب وما كان مكنون
وأكـتـب سـلام مـزرف بـالـرسـالـه *** لأبـن الـمـعـنى كـان يـمـه تـمـرون
يـم أبـو مشعل عـز مـن هـو عنالـه *** عز الرفيق وعـز من يطلب العون
عــز الـلـه أنــه بـيــنـات افــعــالــه تشهـد لـه الويلان واللي يعـرفون
وقال الشاعر هليل بن معيان العوادي هذا المقطع من قصيده :
أكـتـب جـوابي وأسنـده لأبـن عـبـار *** راعي العـلـوم الطايـلة والجزيلـه
مـا ينفـع الـزعـلان تـكثـيـر الأعـذار *** ولا تخيـل بـرق مـا ينولك مسيله
خلـه ولـو قيـل أمحلت عـنـدك الـدار *** خـلـه يـولـي لا تحـسـف رحـيـلـه
في قـدرت المولى على الخلق جبـار *** والعبـد يصبر على حمله وشيلـه
وقال الشاعـر محمد بن شلال العقيدي هذا المقطع من قصيده :
نشكـر جنـابـك يالأديـب ابـن عـبـار *** سجلت ما يعنيـك مـن نسب وايـل
قـريـت أنا مجهـود بحثـك والأفكـار *** تـاريـخ جـمعـتـه بشـتى الـوسايـل
أشكر جهودك عدد ما هـل الأمطـار *** وأطـلـب لـك التوفيق بيـن القبايـل
عـزالـلـه أنك حـر من ترثت أحـرار *** يا أبـن المعنى يا عـريب السلايـل
مـني شهـادة قـلـتهـا مابـهـا أنـكـار *** ومن طالع بكتبك يعـرف الحصايل
ربـعـك تـفـك المـنـذري يـوم ذيـقـار *** عيوا على كسرى بعطوا الدخايـل
مـن دور وايـل لهـم تاريـخ وأذكـار *** وأفـعـالهـم مبـطي عـلـيـهـا دلايـل
منهـم ملوك ومنهـم سـادات وأمـار *** وفـيهـم مشـاهـيـر وفيهـم حمـايـل
وكـم لـيـث مـنهـم للمناعيـر سطـار *** لـيـث عـديـم ولا يـهـاب الـهـوايـل
ولهم فخـر وأمجاد في كـل الأقطـار *** مـن نـجـد للشنبـل لبيضاء نـثـايـل
عز الخوي والضيف والثالث الجار *** وقـبـل القـبـيسي قـالـهـا بالمثايـل
وهل العشوى ميقافهم يوم الأخطار *** حـمايـة الشويهـات يـوم الـدبـايـل
وأفعالهـم ما تنحصي يا أبن الأخيار *** مـا تـنحصي بـمـجـلـدات وفـوايـل
وقال الشاعر مبارك بن خافور هذا المقطع من قصيده :
حي الكتـاب الـلي لفانـا بـه أسطـار *** مـن نظـم أبـن عـبـار حلـو المثالي
أنـا أشـهـد أنـه للـتـمـاثـيـل صخـار *** هرجه صحيح وكـل قـولـه عـدالي
أولاد وايـل كـلهـم طـيـب وأفـخـــار *** تـاريخهـم معـروف مـابـه جـدالـي
والـوايـلـي نـفـداه مـن بـد الأنـفــار *** بـرواحـنـا نـفـداه وفـي كـل غـالي
الـلـه كـريـم ويرسـل الـوبـل مـدرار *** والخـيـر عـم فـروعهـا والسهالي
وقال الشاعر مقبل بن سليم الميهوبي هذا المقطع من قصيده :
البـارحـة حضـرت بـوك الـرسايـل *** وأكتـب جـواب مسنده لأبـن عـبـار
للـوايـلي بـهـديـه نـسـل الأصـايـل *** راعي الوفا والجود والطيب والكار
عـبدالله الشغموم وافـي الخصايـل *** جاكـم جوابي يا أبن الأجواد تذكـار
أفـيـدني يالـقـرم يـا أبـن الحـمايـل *** حـيـثـك فهيم وعـارف كـل الأخبـار
أنـشـدك عـن شـي وعـنـدك دلايـل *** نـاس تـسمـوا بالسميـه والأصهـار