وقال الشاعر مدبغ بن فاضل الحسني العنزي هذا المقطع من قصيده :
ومن بعـد ذكـره يالفهـيم الـعـروفي *** ارسـل جـوابـي للحكيـم ابـن عـبـار
وقله يا أبن وايل نشوف وتـشوفي *** شي يخـلي صاحـي الـفـكـر يحـتـار
تـلاشـوا الـلي يـكـرمون الضيـوفي *** وصارت سـوالفهـم معاليـم وأذكـار
كبـار البـيـوت مقـلـطيـن الخـروفي *** الـلي لهـم هيبـه كـما ضلع سنجـار
حمـايـة المضهـور سـتـر الهنـوفي *** الـلي فعـايـلهـم صعـيبـات واعـسار
قال عبدالله بن خلف الرويلي هذا المقطع من صيده :
اكتب جـوابي وارسلـه لأبـن عـبـار *** الـلي علـوم الطيـب مبطي كسبهـا
الـيـا نـخـيـتـه مـا يـروّغ بـالأعـذار *** ولا يـنـفـع الأنــذال عـالـي رتـبهـا
الـحـر الأشـقـر نـافـل كـل الأطـيـار *** مجنـاه مـن عـالي المواكـر جـذبها
وقال نايف بن متعب بن معبهل الشعلان هذه الأبيات :
سقـهـا لأبـن عـبـار يا زيـن ملفـاك *** من نايـف الشعـلان والـلـه يسعـدك
قـلـه بـيـوت الشعـر تزهى بطـرياك *** يا تاج راس المدح ما جيت أمجدك
الطيب يعـرف يـوم يمشي بممشاك *** تشهـد معي وايـل وهـذي عـوايـدك
جيت العزيز ورحت أعـز وفقدنـاك *** وصـار المـكـان بـكـل ركـن يـرددك
تـم الكلام وهاجسي يطـلب رضـاك *** عسى القصيده ترتـقي مع قصايدك
وقال عبدالله بن متعب بن سودان الطويلعي هذا المقطع من قصيده :
أرسلـت لـي منـدوب مـن أول العـام *** يـم الفهيم الـلي عـلـومـه جـزيلـه
نعـم بـأبـو مشعـل مـن رجـال أكـرام *** عـز القـريـب وفـخـر كـل القبيلـه
يا الوايلي يالقـرم يـا مكيـد الأخصام *** أنشدك عن مندوبنا وش حصيلـه
من عرفتي لـه وهـو دليلـه ومقـدام *** ومقاصده مـا هـو عشاه ومقيـلـه
ولـو أنـنـا نـكـتـب دواويـن بـأقـــلام *** أنت المحيط الـلي ركونـه طويلـه
يـغـرق بـه السبـاح لـو بشنقـه عـام *** ويضيع لـو عـنده أعـوان ودليلـه
وقال الشاعر عبدالله المتعب بن سودان الطويلعي العنزي :
يلفي لبو مشعل عسى عمره ايدوم *** بـحـي الـنـظـيـم مـبـيـّن مـنـزلالــه
مدهـل نشامـا الـوايـلي دايـم الـدوم *** يضحك احجاجـه اليا لفـا عـانـيلـه
اقـر السلام وسّـلم الضرف مختـوم *** وقـل السموحـة كـان بالقـاف زلـه
يا مسنـدي جـاهـك كبـيـر ومعـلـوم *** عند الرجال الـلي تثمن العـلم كـلـه
ابغي توجـه لي عـلى صفوة القـوم *** عسى الولي يجمع لنـا الشمل كلـه
واللي يعسرك فداك يا ترثت قـروم *** يالـوايـلـي محـشـوم عـن كـل زلـه
يفداك من هـو ينقـل الكبـر والـزوم *** الـلـي عـلى فـرقـا الرفاقـه امـولـه
والنـعـم بالـفـدعـان ذبـاحـت الكـوم *** فـدعـان يـوم أن كلن سيفـه يسلـه
وقال عبدالعزيز بن بخيّت الجراح العنزي هذا المقطع من قصيده :
هات الورق يا حمود هات القلم هات *** نـبـي لأبـن عـبـار نـكـتـب رسـالـه
عـنوانـهـا التقـديـر وأزكى التحـيـات *** مـع حبـت خشم وطيّـب الـلـه فالـه
لك جهد ولو طال الزمن حي ما مات *** والـلـي سـويـتـه للقـبـيلـه جمـالـه
مشكور يـا حـلال عـقـد الصعـيـبـات *** يـا مـعـرب الجـديـن عـمـه وخـالـه
جـمّـع فخـر ربـعـه بكتـب وسجـلات *** عـد الصحـيح ومـنهـجـه بـالـعـدالـه
مـا هـمـه الـدنـيـا وجـمـع الـريـالات *** ولا مقصده يوم اجتهـد كسب مالـه
وتـبـاع المقفي ما يشوف المسرات *** ولا اظـن فـي دنـيـاه يـرتـاح بـالـــه
كمل مسيرك لـك مـن الكـل دعـوات *** الـلـه يخـذل أهـل الـردى والـرزالـه
ما دام مجهـودك لـوصـل القـرابـات *** مـن لا فـزع لـك نطلب الـلـه زوالـه
عـسى معـك دايـم تـزيـن الـعـلاقـات *** حـيـثـك زميـل ومخـلص بالـزمـالـه
وقال حمود بن عنيزان بن ناجم هذه الأبيات جوابيه :
والـلـه لـو أنـه لـلـقـبـيـلـه ولاهــــم *** مـا يشمتـونك وأنت منهـم وفيهـم
أجهدت نفسك وأنـت تـرفـع لـواهـم *** مـا جـيـت تطـلبهـم ولا تـرتجيـهـم
سـجـلـت تـاريـخ يـعـلـّم ضـنـاهــــم *** تـفـخـر بـه الأحفـاد والـلي يـليهـم
والـلي يسبـونـك عـساهـم عسـاهـم *** عسى الـولـي بنفـوسهم يـبتـليهـم
ولا أنـت نـجـم معـتـلي فـي سماهـم *** مـهـمـا تعـلـوا فـوقـهـم معـتـليهـم
وقال الشاعر عادل بن إبراهيم التويجري العنزي هذا المقطع من قصيده :
أهـلا هـلا بـالوايـلي نـسـل الأحـرار *** فرحت بك بريده وذا اليـوم عيـده
شفهـا تجـمـل في قـدومـك بالأزهـار *** فـرحـت لقـاك اترجمه في قصيـده
معهـا خـبـر قافـك إذا بوصفهـا سـار *** مـا يـوقـف إلا والقيـامـه وعـيـده
في خيـمـة عقيـل أنتشرف بالأخـيـار *** ما ياصله من هو علومـه مـريـده
فيهـا تشوف دلال صفـت عـلى النـار *** مـحـكـورة لـلـي مـزاجـه يـريــده
أقـدع يا أبن عـبـار يا رمـز الأشعـار *** يالـوايـلي يالـلي عـلومـك حميـده
علق على جدار الزمن أسمك وصار *** مـا يـنمسح لـو الحـواسـد تـكـيـده
أنت الجبل لو جاه عاصوف ما انهار *** وأنت البحر للي غرف منك بـيـده
ما ينجحد فضلك عـلى صغار وكبـار *** مـرجع لـنـا بأبـياتـك الـلي تصيده
منهـا عـرفـنـا عـدة عـلـوم واخبــار *** لأجـدادنـا يـوم الـسـنيـن الشـديـده
سيفـك عـلى مـن زيّـف العـلـم بـتـار *** والـلي هـروجه كذب مالـه مفيـده
ويا كم سمعنـا من حكم تبهـر ابهـار *** وأنـت الـذي نظـم القوافي تجـيـده
ربك عطاك أشياء مـا هـي مع أكثـار *** شاعـر وكاتـب والمواهـب فـريده
ولنـا الفخـر في دعوتك يا أبن عبـار *** أنـك تـكـون بـحفـلـنـا فـي بـريـده
وقال الشاعر عبدالرحمن أبو قويني العطوي هذا المقطع من قصيده جوابيه:
تاصل لأبن عـبـار ريـف الصحايب *** عـادل زمان الـلي شكا فيـه ميـلات
الشاعـر اللي عن هل القـول نايـب *** حيـثـه عميـد القـافـيـة والجـزالات
الكـاتـب النـسـاب لـلـصـدق جـايـب *** مذخور علمه ما حوته المحيطـات
مـن لابـة لا جـيـب عـلـم الـلـبـايـب *** أهـل العـلـوم النـافـلات الشريفـات
أهـل الكرم وأهل الصدور الرحايب *** الضيف يقـلّـط والضيافـة كرامـات
أهـل المـروة وأن هـبـا كـل خـايـب *** عون الضعافي بالسنين العسيرات
مـا حسبـوا أهـل الشيّـم للضـرايـب *** ولا ودهـم بـيـن القبـايـل وجاهـات
وأن جيت أريد أذكر فعول غـوايـب *** في ماضي فيـه الشقاء والنزاعات
أولاد وايـل مـا حـسبـوا للحسـايـب *** مضرب مثـل لـلي يعـد الشجاعـات
كـم مـن غـريم شـب جوفـه لهايـب *** وكم من شجاع حارب النوم مابات
وكم من شقاوي عاف شقرا ذوايب *** ودع خـليلـه يـوم شـاف البسالات
وحـيـدهـم وقـت الحـرايـب كـتـايـب *** يفني شجاع القوم منهم جماعـات
أقـولـهـا فـي مـدح ربـع حــبــايــب *** أولاد عـم وطـاري يـرفـع الــــذات
وفي مدحهم زفيت عـذب الجوايـب *** يستـاهـلـونـه مـا نطقـتـه مـراوات
وقال الشاعر بدر بن صالح الفرحان الجلعودي العنزي هذا المقطع :
عـبـدالـلـه الـعـبـار حيـيـت حـيــيـت *** يـا مـرحـبـا يـوم لـفـيـت وتـعـنيــت
أي والله اسمع بـك وودي بشـوفـك *** جيـتـك مـن الـدمـام ولشوفتك جيـت
امشي بـدون شعــور بالـخـط طـايـر *** عانـي مـن الـدمـام أمشي بـلا ليـت
عـنيـت متـلهـف لشوفـك ومشتــاق *** أفـخـر بشوفـت حضرتك يوم طليت
شاعر ولك بالشعر صولـه وجـولـه *** لـي الفخـر لا قـلـت قـدامـك الـقـيـت
وأخبرك باللي بالفخر معجبن فـيـك *** أنـك بـشعـرك دون لابـتـك ضـحيـت
وافي مثـل جدودك ولاهي غـريـبـه *** مـا دامـك بـدار الـشـهـامـه تـربـيـت
أقولها من قـلـب مخـلـص وصـادق *** يـا مـرحبابـك مـن هنـا ليـن تكريـت
شـرفـتـنـا يـالـقـرم بـزيـارتــــك ذي *** شـرفـتـنــا فـي جـيـتـك يـوم لـبـيـت
أي والله أفرحبك مثل فرحة السيـل *** لأجـلـك حضرت ولا أنا عنك صديت
وقال الشاعر سليمان بن إبراهيم الفرحان الجلعودي العنزي هذا المقطع :
مـرحـبـا بـالـوايـلـي ابـن الأصــــل *** ومـرحـبـا بالـلي معـه جـانـا يـزور
مـرحـبـابـه عـد مـا وبـل هــطــــل *** مرحبـابـه فـي عـدد ريـش بالطيور
وايـلـي لا بـغـى الـمـعـنـا حـصـــل *** صخـره بأبـيـات جـت له من بحـور
أفـرحـي يـا بـلاد وافـرح يـا جـبـل *** وأفـرحـي يا شجارهـا وكل الزهور
مـرحـبـابــه يـوم بــبــلادي نــــزل *** ديـرتـي بـه نـور وأزدادت بـنــــور
ديـرة الـخـبـرا تـحـيـي مـن وصـل *** فـي ريـاضه وأفرحي بـه يا قصور
قلـت أنـا الأبيـات وأشعـر بالخجـل *** كيـف أقـوله عند من ينحت صخور
مـيـر عـفـوك يـالـبـنـاخي بـالخـلـل *** واطـلـب السماح مـنكـم يالحـضور
وقال الشاعر محمد بن فرعين العنزي هذا المقطع من قصيده :
هـات الـقـلم نكـتـب بـيـوت جـديـده *** من شعر ابن فرعين توه مسويــه
وأرسلـتـهـا لـلـي حـبـالـه جـويــده *** القـرم أبـو مشعل لـه القاف نهديه
قـرم العـيـال الـلي اهـدافـه بـعـيـده *** يا حـي رجـل مـاشي درب أهـالـيـه
ما اقلتهـا من شان مقصـود اريـده *** لا شـك واجـب عـلى فـعـله نهـنيـه
يـا حـي رجـال عــلـومـه فـريـــــده *** لـه مـنـزل عـالـي وفـعـلـه معـلـيـه
مـواقـفـه يـوم الـظـروف الشـديـده *** يـوم الرجـل يصد عـن وجه ناصيه
يـوم الـرجـل هـمـه يـجـمع رصيـده *** يحب فعـل الخيـر والجـار يرضيـه
نويـت أبـي أنشر مدحكم بالجـريـده *** وأقـول أبن عـبـار ما أحـدٍ يباريـه
قولـوا معي يا أهل العـلوم المجيـده *** أدعـوا لعبدالله عسى الـلـه يقويـه
وقال الشاعر فيصل بن عبدالرحمن بن عبدالله التويجري العنزي هذا المقطع:
سر يا قلم وأبـتـد بجـزل التراحيـب *** بالـوايـلي راعـي العـلـوم السفيـره
عبـدالـلـه العـبـار مـدي المواجيـب *** الـلي نـظـم شعـره بمجـد العشيـره
فدعاني المجـنى حصـان الأطاليـب *** مـن لابـة يـوم الـمـلاقـا شـهـيـــره
فدعان بالهيـه عـطـاب المضاريـب *** حـمـر النـواظـر في نهـار المغيـره
قـوم تعـلـوا فـوق روس المراقيـب *** أهـل الـفـعـول الطـيـبـات الكـثـيـره
من صلب وايل لابـة تمقت العـيـب *** يشهـد لـهـم بالطيـب في كـل ديـره
سلايل الـويـلان عـوق الحـواريـب *** أهـل سـيـوف بـالـمـلاقـا شـطـيـره
ربـعي هـل العادات كسابت الطيـب *** أولاد وايـل طـيـبـيـن الـسـريـــــره
ومدحي بأبن عبار مابـه عـذاريـب *** رجـل يـمـيـنـه بـالـمكـارم خـبـيـره
ترفع له البيضا بـروس الشخانيـب *** رجـل جعـل خـدمة ربوعه مصيره
يستاهـل النـامـوس نسّـاب وأديـب *** يـذود عـن وايـل قـلـيـل نـظـيـــــره
قيفان شعره كالسيوف المحـاديـب *** فـي وجـه مـن شـره مقـفي بخيـره
سطـّر لنـا أمجـاد القبيلـة بتـرتـيـب *** يـا كـم واحـد قـد نـهـل جـم بــيــره
رجـل صميـدع بالمهمـات كالـذيـب *** يشعـب عـلى درب المعـالي بعيـره
رجـال وافـي مـابـهـا شـك أو ريـب *** يـرجي رضى رب ربـح مستجيـره
تسلم يا أبن عبـار يا ماكـر الطيـب *** يالـلى عـلى درب المراجـل مسيره
وقال الشاعر عبدالكريم بن محمد بن سليمان الجطيلي هذا المقطع من قصيده :
يا مرحبابـك يا ابن عـبـار وأهـليـن *** ويـا مـرحـبـا بـاولاد وايـل عـمـامي
بيضت لك رايه رفيعـه مـن اسنيـن *** وذبـيـت عن وايل وأخذت الوسامي
نسبت وأرخـت وذكـرت البـراهـيـن *** وكـل عـنـزي لـك يعترف باهتمامي
حقـك عـلينا نحفـظـه داخـل العـيـن *** يـنـبـع بـه الأخـلاص بـالـدم حـامــي
وقال الشاعر منصور بن نايف العنزي هذا المقطع من قصيده :
يـا راكـب الـلي تعـتـلي مـن مطـاره *** طيـارهـا ضاري مـع الجـو يـقـداه
يـم الرياض ومـن سكن فـي ديـاره *** تلـفي لأبـو مشعـل ويـمـه امنصّـاه
مـن فوقها المندوب يحمل اسـراره *** مـرسـول يـم الـوايـلي لا عـدمـنـاه
مـلـفـاك أبـن عـبـار نـمـر النـمـاره *** عـطـه الـرسالـه يالسنافي بـيمنـاه
عـطـه جـواب مـا تـقـطـف اثـمـاره *** تـحـيـة تـهـدا لـمـثـلـه وشـــــرواه
عبـدالـلـه الـلي عـز ضيفـه وجـاره *** عـز الـرفـيـق ولابـتـه سـم لـعـداه
بفهمه ومعروفه وعـرف وشطاره *** نطلب من المولى على الخير يقداه
وعـنـده عـلى بـدع المثايـل مهـاره *** الـلـه يـفـكـه مـن حسوده ويحمـاه
علمـه ضهـر بالناس مثـل المنـاره *** والطيب عـدابـه عـلى راس مرقـاه
مـن لابـة بـالـكـون مـثـل الـسعـاره *** عــدوهـم لا جـوه سـؤ الـبـلا جــاه
يا مـا أركبوا عـدوهـم مـن خسـاره *** يـبي السـلامـة قـال حـقـي ابـلـيـاه
وقال الشاعر منصور بن نايف العنزي هذا المقطع من قصيدة :
يا مـرحبـا يا ذوق معـنـا الرجـولـه *** يا تاج مجد الـلي بهم يفخر المجـد
عـبـدالـلـه الـعـبـار مـتـعـب ذلـولـه *** بسجـل طلقيـن اليمـاني عـنـه تجـد
تكسيه قولت نعـم عرضه وطـولـه *** الـلي فعـولـه تـبجـد المعتـدي بجـد
أقـول هـذا القـول وأثـنـي واقـولـه *** لفوت مطر صباح ولا أن لفى هجد
نسل الرجال أهـل الفخر والبطولـه *** كسابت الطـولات فـي منطقـة نجـد
وقال الشاعر عبدالله بن بداح بن عبلان السهلي هذا المقطع من قصيده :
حيث أبن عـبـار رجـّال حشيـم *** عاقـل وثقيل مـا وزنـه خفيـف
واقردات حظ من حطه خصيـم *** الستر يا رب والطف يا لطيف
خابره هداف يضرب بالصميـم *** والمسيطر دوم كلن لـه حليف
أبو مشعل ما وراء فهمه فهيم *** شاعر وفاهم وضميره نظيـف
أبو مشعل شاعـر وقـلبه سليم *** النزيه الفاضل الجزل الشريف
يفهم المقصود ما عقله غشيم *** يا جعل يفداه من فكره قصيف
أشهـد أنـه في مسيره مستقيم *** ليت لـو حطوه بالهيئة عـريف
وقال الشاعر عايد بن حطاب الغضوري العنزي هذا المقطع من قصيده :
هـم يـدور بـخـافـقـي يـا أبـن عـبـار *** والله يا أبو مشعل حداني عن النوم
أخبرك بالـلي صار يا نسل الأخيـار *** يا مـؤلف قـول من الـوقـت معـدوم
أطلعت فعل اللي وطوا حصن ذيقار *** زبن الدخيل الي من الوقت مظلوم
يا صـقـر يـا حـرٍ عـلـى كـف صقـار *** حر صيود اليا شهل وأدرج الحـوم