وقال فرج بن عودة الجعفري :
وأنـت يا هـداج يا شيخ الجـويـه *** يالمحيط الأطلسي بالملـزماتي
تفتخر بـك كـل ربـعـك والسميـه *** شاعر الويلان تاقـف للعصاتي
فـزت بالنخوات وعـلوم الحمية *** شوفنا بالعين ما نبغي الرواتي
حزت علم الطيب ياجزل العطيه *** والمراجل عند مثلك حاضراتي
وأنت تعرف بالكـرم والشاذليـه *** دوم دلالـك للمسيّـر جـاهـزاتـي
تفعل المعروف وعزومك قويـه *** وعن فعولك كم يدين قاصراتي
لأجل ربعك تبـذل جهود قصيـه *** ليـن جبـت انسابهـم بـمجلـداتي
لا تـفـكـر يالـزمـيـل بكـل حـيـه *** موتهـا فـي جحـرهـا شي ثبـاتي
ياأبو مشعل لك سلامي والتحيه *** يـحفـظـك عـّلام كـل الخافيـاتي
قال فرج بن عوده الجعفري هذه الأبيات يسند على عبدالله بن عبار :
أنشدك بالـلـه قـل لـي وش تـقـول ** يا زعيـم الشعـر حـلـل لـي مقالي
من مشى بالنم هو شخص مهبول ** وأن نصحتـه قال ماشي بعتـدالي
هـقـوتـك يـا مسنـدي نـلـقـا حلول ** لأهـل الـنمـات يـا قـرم الـرجـالـي
يا أبو مشعل قدرهـم مثـل النعـول ** لا تـحـسـب لـلـردي أول وتـالـــي
وأنت تكرم يا عسى عمرك يطـول ** عـنـد ربعك يا رفيع القـدر غـالي
لـك مـكـانـه بالضمـايـر مـا تـزول ** لـو تـزول الراسيات من الجبـالي
وقال فرج بن عوده الجعفري هذه الأبيات يسند على عبدالله بن عبار :
يا أبو مشعل وش تقول وش تخلي ** كـل يـوم تسمع بدعـوى جـديـده
أنشـدك بالـلـه وأنـت اليـوم قـل لي ** وش يريد اللي يبي شب الوقيده
ولا نطـاوع كـل مـن عـقلـه يظـلي ** وكـل ظـالـم يـا عسى ربـي يبيـده
وأنـت نجـم سهيـل بيّـن ومتـعـلي ** والشعـر فـي كـل طـاروق تجـيـده
ويش رايك يا سنـد راسي وظـلي ** بالعـجـل مـردود قـافي لـي تـعيـده
وقال فرج بن عوده الجعفري هذه الأبيات يعاتب زميله عبدالله بن عبار
قـال مـن عـبـر ضميـره ما طـرالـه ** يالـلـه أنـي طالبـك يا رب خيـره
يابو مشعل شف زميلك كيف حاله ** يالزميل اللي اليا حرت استشيره
نـار قـلبي يحرق الجوف اشتعالـه ** صار فكـري ياظنيني بالف حيـره
شـف زميلـك منشده يالقـرم بـالـه ** منتـظـر للـرد وعـيـونـه سهـيـره
يالـزميـل أرسلت لـك مـني رسالـه ** وأحتريـت الـرد في مـده قصيـره
مـا أنـت لـي يالوايـلي بالـرد زالـه ** تشتغـل ببحـوث وأعـمـال كثيـره
هـات ردك وأنـت كسّاب الجمـالـه ** يا عسى المرسول يأتيني بشيـره
قـالهـا الـلي طيّـب الـرد أحتـرالـه ** شعـركـم يـفـوح ورده مـع عبيـره
وقال فرج بن عوده أيضاً هذه القصيدة يسند على عبدالله بن عبار :
يـوم أن كـلـن حـط راسـه بـكـمــه ** اسهر وهمي ضيّق الصدر والبال
كلن يابو مشعل شكا من أبن عمّه ** وكلن قريبـه صار سلطه وغربال
لـو الـقـرابـه فـيـك لـحـمـه ودمــه ** لابـد مـا يلحقك فـي شين لأقـوال
يشمـت عـليـك وفـرحتك ما تهمـه ** سود القلوب اللي بها الحقد يجتال
الطيـب واجـد والبشـر مـا نـعـمـّه ** كم من قرابه له على الطيب منزال
لاشـك كـلـن يـشتـكـي كـثـر هـمـه ** وعايش بهدنيا عـلى كثـر الآمـال
وأنـت الـذي مـا تستحـق المـذمـه ** يا مسطـر بالمجـد تاريخ الأبطـال
شاعـر وأديب العـلم واصل لجمـه ** بـدر الدجـا مـا غيبه عج واخيـال
والمعتـرض يا جـعـل بقعـا تخـّمـه ** لاكف شر ولا صنع زين الأعمال
عساه بأمـر الـلـه تجي لـه مطمـه ** وتنهي حياته بعد ماتنهي الأموال
قال عايض بن حامد السلمي هذه الأبيات يسند على عبدالله بن عبار :
سـلام مـنـي عـد وبـل الـمـزابـيــر ** غـر الـمـزون الـلي هـللهـا تصبـّه
يا شاعـر الشعـار صبحـت بالخيـر ** لـك عـنـدنـا بالقـلب قـدر ومحبـه
حيثك من اللي حظهم يجدع الطيـر ** وسوه على اللي نار حقده يشبه
صيتك طلع في نايفـات الشناصيـر ** وبعيد عـن هـرج الـردا والمسبه
وقال عايض بن حامد السلمي هذه الأبيات يسند على عبدالله بن عبار :
الـوقـت قـد عـّذب مشاكيل واشخـوص ** وكـم واحـدٍ يالـقـرم كــاده وحـاصـي
ولا أنت غواص البحر تعرف الغـوص ** يـالـماهـر الـلي شـاف دره وغـاصي
ياللي عـلى بعض الشواعير عاقـوص ** قـافـك كـمـا سيـف شـديـد القصاصي
أمدحك وأمدح لابتـك خص مخصوص ** أهـل الشجـاعـه طـيـبـيـن المـنـاصي
من نسل لابـه تـتعب الخيـل والعـوص ** يوم السيوف ويوم ضرب الرصاصي
ربـعـك نهـار الـلازمـه كـلهـا حـروص ** نـعــم بـكــم يـالـلـيـث دانـي وقـاصـي
وكـل القبـايـل مابهـا عـيـب وانقـوص ** كـلـن بـمـاجـوبـه شـديـد الـحــراصي
قال محمد بن عمر الأشجعي يسند على عبدالله بن دهيمش بن عبار :
يالـلـه يا محيي العـظـام المقابـيـر ** يالـلي كونـت الكـون بستـة ليالي
يالخـالـق الـرازق عـليك التياسيـر ** مبداي باسمك يا عـزيـز الجلالي
ومن بعد ذكر الـلـه والي لمقاديـر ** سر يا قلم وأكتب على ما طرالي
ألـذ وأحـلا مـن دريـر الـمـبـاكـيـر ** وضـح الـبـكـار وربعـن بالشمالي
يرعن قـفر عشب يميل بنـواويـر ** بـالـبـاعـجـه ومـعـيـلـه والـهـلالي
أكتب سلامي وأرسله بالمحاضيـر** بلحظات ياصل لي عزيز وغـالي
قـلته وقولي صدق ما فيـه تزويـر** للي على الطولات حاش المعالي
مـني لأبـو مشعـل تحيـه وتـقـديـر **الوايلي قـدره مـع الـنـاس عـالي
مـا ولـف التأليـف لأجـل الدنـانيـر ** ولا غيّر الواقع من أجـل الـريالي
ولا قال يا جحدر تراك سالم الزير ** أديـب عـالـم مـا ايتخـبـط خـيـالي
بصدق الحقايق سطر المجد تسطير ** مابـه رياء مـزكيـه مـثـل الحلالي
واخـتـامـهـا مـني تحـيـه بـتكـريـر ** لعبدالـلـه العـبـار وافـي الرجـالي
قال عايد بن نوار الحوسي هذه الأبيات يسند على عبدالله بن عبار :
عـزالـلـه أنـك يا أبن عـبـار غـالي ** هذا الصحيح بدون شكات وظنون
طيـبـك سبقهـم بالسنيـن الخـوالي ** ولا يسمع العاقل مهاريج مجنون
تـفـداك قـوم بـالـمـجـالـس تـلالـي ** أهل لسن وعقولهم دون في دون
أمض وتبيّن فوق روس العـوالي ** ما دام لك عـزوة فداعين بالكـون
قال الشاعر منصور بن عبدالله العبار :
يا أبـوي تكـفـا لا تـلـقي لـهـم بـال ** ذولا الحسد والحقد أحرق قلوبهم
لا تكتـب الأشعـار بأسباب الأنـذال ** ومهما كتبوا ماأحدٍ قـرأ مكتوبهـم
يوم أنت تمشي تقطع آلاف الأميـال ** هم توهم يمشون يا أبـوي دوبهـم
يـبـقـون بـالـوادي وتـصعـد للأجـبــال ** لا حـقـق الـلـه الـولـي مـطـلـوبـهـــــم
أنـت الـذي يـا أبـوي تـبـحـث ولا زال ** وأهـل الـرذيـلـه يـكـشفـون عـيـوبـهـم
أنـت الأصـل لا تستمع بعـض الأقـوال ** لا تـكـتـرث لـو أرسـلـوا مـنـدوبـهــــم
وقال الشاعر عبدالله بن عودة الجعفري العنزي هذا المقطع من قصيده :
بهـديـه لـلي فـي عـلا المجـد بـاني *** بـدر الـدجى مـا أظـن يخـفى شروقه
قـرم ضهـر صيتـه لـقـاصي ودانـي *** نـفسه عـلى روم المعـالـي شفـوقـه
أديـب لـلـويـلان عـلــم وضـمـانــي ***والـشـاهـد الـتـاريـخ وثـّق حـقـوقـه
بحـث وتـعـب وأجـتهـد واستـبـانـي *** ودور عـن الـواقـع بـشتى طـروقـه
وجـاهـد وكـافـح بـالـقـلـم واللساني *** الـرأي حكـمـه والصواب بـنطـوقـه
صوت عنزه صوته جهـار اعـلاني *** ومـن اعتـرض لأسم القبيله يعـوقـه
شامخ سوات طويق مـا يـوم لانـي *** مـا هـزه الـتـيـار وأخـلـف وثـوقــــه
يا ريح هـبي صوب جـدي ويـمـاني *** ما هـز ضلع طويق عاصف شعوقه
يا أبـن دهيـمش يا رفـيـع المكـانـي *** الـمـجـد قـمـه وأنـت منـزلـك فـوقـه
تستـاهـل الـلي راب بالـزعـفـرانـي *** فـنجـال ريـح الهيـل يـنعـش نشوقـه
يأبى الردي عن سمعتـك والهـداني *** رايـتـك بـيضاء والحـلـوق مخنوقـه
وش عاد لـو ينهـق طويـل الأذانـي *** زمـالـت الشيـطـان يـمـلـك خـفـوقـه
وش عاد لـو جت من ربـوع دواني *** راعـي الحسد كبده عليك محـروقـه
والحسد شـّره من قـديـم الـزمـانـي *** هبيـل أخـوه أرداه وأعـطب فـلـوقـه
وامجـاد فعلـك مـا عـليهـا ارهـانـي *** كـالـلـيـل والــنـهــار بـانـت فـروقــه
لا يـضايـقـونـك خـايـبـيـن المعـانـي *** وأنـت الأديـب الـفـذ نـفسك خـلوقـه
وقال الشاعر الراسي هذه الأبيات :
يـا مرحبـا تـرحيب ينـشر بألأخـبـار *** ترحيب من شاعر تحّرك شعـوره
يا مرحبـا تـرحيـب يكـتـب بالأنـوار *** والنـور عـم المنتـدى مع حضوره
اسمـك مـثـل بـرق يبشر بالأمـطـار *** والقلـب بوجـودك تـزايـد سـروره
الطيب بـيـن النـاس يطلـب وينـدار *** والـلي يـزور الـنـاس لازم تـزوره
هـذا محلـك وأبـتـدي معـك مشـوار *** عـلى الوفا والطيب نكتب اسطوره
من خاطري رحبت بك نثر واشعار *** يا مـرحبـا بالـلي يشرف حضـوره
وقال الشاعر الحميدي بن نبات بن صنعا الجعفري :
بعض الأوادم يا أبو مشعل ولا شي *** ماتـوا قهـر ما قيـل لحقـت منـاهـا
ما ينحسب لو طولت بـه وهـو حي *** وحكيه مثل ما قيـل ليـل وضحاهـا
واللي يدور شهـرتـــــه بالنسب لي *** ما عـقــبكـم تـأليـف في محتـواهـا
بـيـنـتـهـا يـالـقـرم تـبـيـان مشـفـي *** وحـميتهـا من كـل مـن هـو بغـاهـا
أعجزت من بعدك هـل شناب ولحي *** والـلي بحث من بعدكـم مـا لقـاهـا
وأنساب وايل يا ابن وايل كما هـي *** وأنت الذي وقفـت مـن هـو نـواهـا
وأنـت الحـميـا راسهـا للقسى عـي *** وأهل الدسايس ما حسبت لقساهـا
تكحل مدامعهـا وتقسي عـلى السي *** وعـنـد التحـدي مـا يهمـك عـداهـا
مواقفك تبـري غـثـاء الكبـد وكـوي *** لاعاش من هو يابو مشعل نساها
ومـحـرّف الأجـداد يـا لـي يـا طــي *** يا للعجب وش مقصده مـن وراهـا
بـني وايـل مـا هـي تـلافيـق وشـلي *** تاريخهـا والمجـد يقـضي قـضاهـا
أسم عـنـزة يعـمـهـا والـفـخـر ضي *** صفـوة ربـيعـة مـا يقـرب حمـاهـا
اسم شمخ مـا هـي بواريـد وعصي *** منهـم مـلـوك المملكـة وزعـمـاهـا
عنـزة بـني وايـل هـل العـز والـفي *** زبن الدخيل وعوق من هو قصاها
سقم المعادي لا تمـادى عـلى الـغي *** ودلـت خيـول القـوم تلـمع حـذاهـا