وقال الشاعر محمد بن عطا بن خلف الرويعي هذا المقطع من قصيدة :
راكـب الـلي مـد من شرق الفـديـن *** للرياض أهل الكرم وأهـل الضيافه
يقـصـد الـلي بالصخى كالـرافـديـن *** تقصـر الشعـّار عـن قـولـه وقـافـه
شـاعـر ومـتـبـصـر بـدنـيـا وديـــن *** بـالحضـارة والـبـداوة والـثـقــافـه
الـمعـنـى صـاحـب العـلـم الـمـبـيـن *** منـوتي بـزيـارتـه وسـط المضافـه
وقال محمد بن عطأ بن خلف الرويعي :
جاني جـواب مـن الأديـب المفـكّـر *** الـقـرم أبـن عـبـار قـولـه فصـاحـه
وهـذا جوابي يحتوي أجزل الشكر *** للصاحب الـلي فـيـه حلـم وسماحـه
أبعدت في قولي عن الزور والمكر *** أبـيـات نـاقـيـهـا ونـشـرب قـراحـه
وأنـت المـجـرب عادتـك مـا تـنـكـر *** ريـف الضعـيف وللمساييـر واحـه
متوارثين الطيـب مـن تغلب وبكـر *** وساس الكرم مذكور في كل ساحه
وبالكـون كـانـه صـار فـرٍ بـثـر كـر *** عـدوكـم مـجـبـور يـرمي سـلاحـه
وقال محمد بن عطأ الرويعي :
يا راكـب الـلي يـقـطع الـدرب لا مـد *** جـمس مصنع للمسافه والأسفـار
تنصى الـذي بشيـل الأمانـه تـعـهـّد *** عبدالـلـه الشغموم من نسل عـبّـار
حلو النبا للضيف أحـلا مـن الشهـد *** يـوم أن ولـد الـلاش للمـال حـكـّار
طبع الكريـم وعـادتـه يـبـذل الجهـد *** وطيـر السعـد لا هـد للصيد عفـّار
وقال البطحي بن علي البجيدي هذا المقطع من قصيدة :
تلـفي عـلى قـرم العـيـال أبـن عـبـار *** خـذ لـك ثـلاث أيـام عنـده وبـتهـا
يفـرح الـيـا لـفـا عـلى البيـت خـطـار *** كـم حـايـل للضيف حـط افطحتها
لا جـيـت بـيـتـه تـاجـد بهـار وأكتـار *** وسـوالـف عـنده تفـوح أزهرتهـا
سـلم لأبـو مشـعـل وبـلـغـه الأخـبـار *** عـنـاز والـلـه كـل كـتـبـه هجـتهـا
سـيـف لـوايــل دايــم الــدوم بــتـــار *** يـذود عـن نـاس عـزيـز سمـتهـا
غيـر الحميـة صـار بالشعـر بـيطـار *** صعب القوافي من صميمه نحتها
ماهتز من خصمه ولا نحاس ونهـار *** شعـار واجـد عـن هواهـا عفتهـا
وأن جـاه بحـر صار له سبعة أبحـار *** اطوال الألسن كان صالت ذعتها
يـكـتـال مـن زيـن الـمـثـايـل ويختـار *** ولا قصده اللي كفوفها خضبتهـا
يفـداه الـلي بـيـن القـبـيلـة شعـم نـار *** واليا بغـت تطفي يزيـد أحطبتهـا
ويـفــداه مـن هـو بـالـديـاويـن هـذار *** ويفداه من سمعت صديقه بهتها
ويـفـداه مـن يـزعـل إلـى جـوه زوار *** عفـن وبخيل وكـل ربعـه شمتهـا
يـا عـل أبـو مشـعـل تعـداه الأخـطـار *** ويا عـل عـدوانـه تقـل أبـركـتهـا
مــن لابــة عـنـد الـقـبـايـل لـهـا كـار *** تشهد لهـا البدوان مع حاضرتها
يـوم أنـهـا بالسيف مع قـب الأمهـار *** واحـدودهـا مـن كـل يمـه حمتهـا
قـبـيـلـة داسـت عـلـى كـل الأقـطـــار *** كـم دولـة بـارزاقـهـا شـاركـتـهـا
قـبـيـلـة تعـرف لـهـا أمـجـاد وأذكـار *** تشهد لهـا الـلي ما تضيّع بختهـا
قـبـيـلـة تـعـرف الـيا صـار مـا صـار *** عـدوانهـا عـن بطشها عـاهدتهـا
قـبـيـلـة عـاداتـهــا تــكــرم الــجـــار *** صدقـانهـا وعـدوانهـا عـارفـتهـا
قـبـيـلـة مـا تـقــبــل الــذل والــعـــار *** والـمـنـذريـة مـن قـديـم ازبـنتهـا
وصلت من الشنبل اليا حدود سنجار *** كـم دار قـوم بـالمـواطي وطـتهـا
وقال الشاعـر سعود بن راجي الجعفري العنزي هذا المقطع من قصيده :
يـا مـرحـبـا يـا شـاعــر أولاد وايــل *** يالشاعـر المعـروف كساب الأمجـاد
يـا مـرحـبـابـك عـد وبـل الـمـخـايـل *** وأعـداد مـا نسـمع مـع الجـو رعـّاد
حيـيـت يـالـلـي دوم للحـمـل شـايــل *** بـك يـالمعنـى وأنت شاعـر وقـصّـاد
نفخـر بذكـرك مـع جـميـع الـقـبـايـل *** وعـنـك القبايـل بيـن نـاشـد ونـشـّاد
مـا ضاعت عـلـوم الوفاء والحمايـل *** حـزمـتـهـا مـن حــد جــده لـبـغــداد
سـجـلـت تـاريـخ الـجـدود الأوايـــل *** تاريخهم واضح على روس الأشهاد
وقال الشاعر عواد بن مفرح العنزي هذا المقطع من قصيده :
جـنـبـت رس حـايـمـات ضـوامـيـه *** ونـصيـت أنـا هـداج شيخ الجـويـه
هـداج تـيمـاء مـا توقـف سـواقيـه *** جـمـه غـزيـر ويـرتـكـي لـلضـمـيـه
نصيـت رجلآ من رجـال المشاريه *** اللـيـث أبـو مشعـل زبـون الـونـيـه
لـه عـادة يـفـوز بــقـدوم نـاصـيـه *** ويـمـنـاه تـعـطي بـالسنيـن الـرديـه
عبـدالله العـبـار تـشكـر مسـاعـيـه *** يـا مـا عـطى العـاني بنفس رضيـه
الـوايـلي بالـطيـب بـانـت مـواريـه *** بـه الشرف والطيب وأيضا الحميه
حـر بـوقـت الطيب نفخـر بطـاريـه *** وصيتـه ينادي تقل شمس ضحويه
حـكيـم راي وبـالمـراجـل ممـاشيـه *** لـيـث بـدرب العـز سـاق الـمـطـيـه
وقال الشاعـر عواد مفرح السهلي :
سلام يالـلي تفعـل الطيـب يـمـنـاك *** يالصيرمي حـلال صعـب الشرابيـك
يا أبـو مشعل يالقرم نفخر بطرياك *** حـيـث أن ربـك للجـمـالات مهديـك
إلـى وصلـنـا البيـت ملـزوم نلقـاك *** ذكـرك يـبـيّـن لا وصلـنـا حـراويــك
واليـوم جينـا يافتى الجـود ننخـاك *** حـيـثـك كـريـم وطـيـبـات مجـانـيـك
يـعـبـالهـا يالـقـرم مثلـك وشـرواك *** ولا الردي يعرض بدربه ضواكيـك
تـم الجـواب وميـّـز الخـط يـا جـاك *** حـيـثـك فـهـيـم وطـيـبـات مبـاديـك
وقال الشاعر لافي بن خلف الجبوري العنزي هذا المقطع من قصيدة :
يا بـن دهيمش يـا عـريـب المخـّول *** جتنا القصيدة والمعاني عـلى أرش
ونشكرك يـا راعي النـوال الـمنّـول *** يـالـلي نـوالـك نـالـنـا ما تـقـصّرش
يـالـفـاهـم الـلـي بـالـمـوازيــن دوّل *** تجـود من جـود الـولي مـا تكّدرش
ياهـل العـطـا يـالـلي بالأمثـال تـّول *** تضرب بها الأمثال ماهيب تنكـرش
وقال الشاعـر حابس بن منسي الأشقر الرويلي هذا المقطع من قصيده :
ملفـاه أبـن عـبـار ريـف المساييـر *** عـز الـرفيق وعـز مـن هـو عنالـه
الـوايلي ريـف الـوجـوه المسافيـر *** الـكــل قـال ونـعـم لا جـاء مـجـالــه
مـن لابـة بالكـون تحمي المغـاتيـر *** حمـاة الضعـيف إلـى تغـربـل بقالـه
فوق المهـار معسكرات المساميـر *** الـكـل مـنـهـم ضـاري لـلـنـفـالـــــه
والنعـم بـالـفـدعـان فعـالـت الخيـر *** أهـل الـعـلـوم الـطيـبـه والـجـمـالـه
وقال الشاعـر حابس بن منسي بن سعد الأشقر الرويلي :
ومن بعـد ذكر الـلـه سجلت باقلام *** خــط جـديــد مـزرفـه لأبــن عــبـار
الشاعـر الـلي للشواعـيـر عصّـام *** ولــف كـتـابـه لـلـمـنـاعـيـر تـذكــار
هـو الذي مـن لابـة مـابهـا أوهـام *** من صفوة الفدعان من نسل عـقـار
عـدوهـم بـالـكـون يـبلش وينظـام *** وقطعانهم بالخـوف ترعى بالأقـفار
وقال الشاعر حابس بن منسي بن سعد الأشقر الربشاني القعيقعي الرويلي
يا راكب اللي كـان حـرك مـع القـار *** لا ركـبـه الـسـواق تـسـمـع دويــه
مـن عنـدنـا مرسول يـم أبـن عـبـار *** بسـلام مـن عـنـدي بـمـيـة تحـيـه
مـن لابـة بالحـرب تدوس الأخطـار *** عـدوهـم بـالـكـون تـنـزف ادمـيــه
يـوم أن دور السيـف حمايـة ابكـار *** يـوم أن بعض الناس يتـرك خويـه
تاريـخهـم معـروف للنـاس تـذكـار *** أهل الصخى والطيب وأهل الحميه
واربوعـك الويلان كان الدخـن ثـار *** الـكـل مـنـهـم بـالـمـلاقـا قـضـيـــه
سـبـعـه ورويـلات وعــيـال عـمــار *** الـكـل مـنـهـم مـا يـهـاب الـمـنـيـه
والنعـم بالـفـدعـان بـواجـت الــدار *** أهـل الـعـلـوم الـطـيـبـه والـعـذيــه
والـلي يـصـوت بالعـشا لكـل مـرار *** صـوت بـه أبن مهيد ما هي خفيـه
وعـيـال وايـل مـن قـديـم لـهـم كـار *** أيـام عـصـر السـيـف والبـنـدقـيـه
وقال الشيخ هزاع بن مناحي الحمادي الرويلي هذا المقطع من قصيده :
عسى يا أبـو مشعـل إلهـي يسلمـك *** تقـضي حـيـاتـك كـلـهـا بـالسلامـه
يا الـلي افعـولـك للـمعـزة اتـقـدمـك *** الطيـب والناموس ماسك ازمـامـه
في ساحة اهل العرف بانت معالمك *** للطيـب بحجاجـك نشـاهـد عـلامـه
اخـلاقـك تخـلي النشـامـا اتـشيـمـك *** يا مقـابـل الـزايـر بلطـف ابتسامـه
أنت الذي من صكه الوقت يزهمك *** تاقـف مواقيـف الـوفـاء والكرامـه
ربـي عـلى دروب المراجل امعلمك *** عـز الـلـه أنك من رجال الشهامـه
تاخذ يبو مشعل من الطيب مقسمك *** الطيب عالي وأنت صرت بسنامـه
أعـتـز بـك يـالـلي تـوفـي مـلازمـك *** رجـل بشوش ومن رجال الفهامـه
أنا احترمك الـلـه عن الشر يحرمك *** وشرواك مفروض علي احتـرامـه
حيثك بدرب الطيب شديت محزمـك *** اليـا لـبـد خـطـو البلـيـد الخـمـامـه
أمدحك ما قصدي تبجح ولا اظلمـك *** لكن راعي الناموس تنشر اعلامه
وياعلني في كل الأوقات ما اعدمك *** وعسى فداك أهـل الردا والرخامـه
وقال الشاعـر سليمان بن مانع الكره هذا المقطع من قصيده :
كان الشعر يابن الهرم جابـه اهرام *** الـلـي قـصـيـده كـان كـلـه احـمـيـا
كـم صال جـال وضل ثابـت ومقـدام *** عـلى عـنـزة مـا ساوم الـكـل عـيـا
هو جامعتـك الأولـه يا أبـن الإكـرام *** لـو كـنـت كـان الجيـل كامـل ولـيـا
موقف شعر شعر المواقف إلـى قـام *** تجـلس تـحـت يـده القـوافـي تفيـا
الـرايـد الأكـبـر عـلـمـنـا بـالإعـــلام *** الـثـقـل لا خـف الـغـشـيم وتـعــيــا
أنـا افـتخـر بـه قبـل كنتـم بالأرحـام *** هـو لعـنـزة مـن دون هـذي وذيــا
حتى اسأله ما انته لنا قلتها اشمـام *** وأنـتـه لـنـا مـثـل الـقـمـر للـثـريـا
يـا أستـاذنـا يا معجـم الفـكـر مـادام *** جـاء وقـتهـا مـا كـل فـرصه تهـيـا
وقال الشاعر عبدالكريم بن محمد الحوشاني العنزي هذا المقطع :
يـا نـسـل عـبـار تـفـداك الـرخـــوم *** عـزوتـك فدعان مـن ماضي العهـد
سلسل وايـل في كتاب وفي رسـوم *** خـطـتـه يـمـنـا لـهـا بـالـطـيـب مـد
كـف أبـو مشعـل على العـزة تـروم *** بـالـدلايـل عـم تـاريـخـه وبـــــــــد
يـا أبـو مـشـعـل ودنـا بـك كـل يـوم *** مجـلسـك هـمـلـول غـيـث بـلا بـرد
لـه مـقـام بـالـعـوالـي مـا يــهــــوم *** نـاجـبـه حــرٍ عـلـى وكـــر وهـــدد
هـو كـريـم الـجـاه للصاحـب خـدوم *** هـو سـنـد يـمـنـاي بـالـيـوم الـنكـد
وقال الشاعر عبدالكريم بن محمد الحوشاني الصقري العنزي :
تكفى يا أبو مشعـل عـريب التقاليد *** يـالـوايـلـي دنـيـاك مـا هـي مـدايـد
لا تـنـخـدع بـزوال مثـل العـوامـيـد *** للـطـيـب والجـزلات مـا مـن ودايـد
ولا أنت يا نسل الوفاء حظك سعيد *** جنسك قـلـيـل وبـالـمخـالـيـق نـايـد
مرتاح عن خطو الهدوس المعانيد *** شبحك مع شبـوك الحـرار الفرايـد
وقال الشاعر محمد بن عبدالرحمن الحوشاني العنزي :
قـال الـذي ولـف من القول مـردود *** ردٍ عـلى الـلي بالفخر لـه عناويـن
ردٍ عـلى الـلي يذكر الشيخ بالجـود *** رد الـثـنـاء واجـب ولـه مستعـدين
قصدي أبو مشعل به الخير معقـود *** عبدالـلـه الـلي مـا بطيبـه تخاميـن
ومدحه لبن عمي له اثبات وشهود *** تشهد لـه خيـار القرابـة والأدنيـن
الـوايلي قصره عـلى العـز مشيـود *** لا حـل ذكـره قالـوا النـاس نعـمين
الـلـه يعـيـذه شـر حـاقـد وحـاسـود *** ويكفيـه ربـه سـؤ كـيـد الشياطيـن
اللي بذل جهده على المجد بصعود *** يـتعـب عـلى العـليـا بعـزم وتيقيـن
الطيب سلمه والردى عـنـه ملـدود *** عـز اللـه أنه ما مشى يوم بالشين
ولا أنت من لابه بها نمور وفهـود *** مـن روس قـوم بالملاقى عطيبيـن
فدعان ترسي بالوغى تشبه الطود *** لهاجت الهيجا على الحرب جسرين
يـوم أنهـا مابيـن ضاهـد ومضهـود *** افعالهـم تـعـرف بـوقـت الأكاويـن
ياما خـذوا من سبق الخيل والقـود *** وياما عـطـوا ممـا خـذو للضعيفين
واصحونهم تلقابها الكبش مرجود *** ماشاوروا بالضيف خطو البخيلين
منهـم مصوت بالعشا مفـني الـذود *** بالزاد صوّت فوق روس العـرانين
شيخ ولـد شيخ بالأفعــال محـمـود *** الشيخ أخو قطنه بـه الناس داريـن
وقال الشاعـر محمد بن عبدالرحمن الحوشاني الصقري العنزي :
عـز الـلـه أنـك يا أبو مشعـل وليـده *** فعلك يبرهن لي على طيب مجناك
ماهي غـريـبه منـك ولا هي بعـيـده *** المرجـلة والطيب بادناك وأقصاك
أشكرك أنـا يـالـوايـلـي بـالـقـصيـده *** حيـث الحمية تعـتبـر من سجايـاك
ماجـور يا راعـي الصفات الحميـده *** يا اللي بفعل الخير تمشي مطاياك
أخـذت بـالـجـوداء مـزايــا فــريــده *** غيرالتواضع يشهد الضيف لاجاك
نـفسك عـزيـزه والـردى مـا تـريـده *** عـز وشهامـة والكرم من مزاياك
جـاه وجـاه ولـك فـضـايـل عــديــده *** يستاهـل التمجيـد مثلـك وشـرواك
صـمـيـدع راسـي وقـلـبـك حــديــده *** مـا لان قـلبـك للزمـن لـو تـحـداك
بنيـت بـيـوت العـز قـصـورٍ مشيـده *** صلـيـب رأي والصنـاديـد مـركـاك
أنـت الـذي عـصـر الأوايـل تـعــيـده *** الـلي وهبـك الطيب والعـز مولاك
سجـلـت تـاريـخ الـشـرف لـلـبـديـده *** هـذي لوايـل تعـتبـر مـن هـدايـاك
بـذلـت مـجـهـود صعــيـب تـعــيـــده *** هـذا فخـرك الـلي كسبته بـيمنـاك
يـالـوايـلي زرعـك تـلاقـي حـصـيـده *** قـولت نعـم لا حـل ذكرك وطرياك
يا فـزعـت المظيـوم نصـره وعـيـده *** عسى ولي البيـت بالخيـر يجـزاك
عسى حياتك يـا أبـو مشعـل سعيـده *** أطلب من الله يا أبن عـبـار ياقـاك
تـرى الردي مـاهـوب والـلـه فقيـده *** ولا أنـت يا جـعـل الـمنـايـا تعـداك
الـمـدح بـالـرديـان والـلـه مـكـيـــده *** ولا أنـت حـرٍ يـرفع الراس ذكراك
وربـعـك حـيـود بـالـمـعـارك عـنيـده *** تشهـد لـهـم بالفـعـل ذولا وذولاك
يـوم الـحـرايـب والأمـور الـشـديـده *** رجالهم ياطا على حوض الأدراك
أفـعـال مبـطي مـا هـي تـوه جـديـده *** يـوم القبايـل بينهـا إبليس محراك
يـوم المغـازي مـا تـهـاب الـوعـيـده *** شاهدهم العـربان أيضاً والأتـراك
وايـل تـكـيـل الصـاع صـاع وتـزيـده *** والـكـل منهـم للصعـيـبـات فـكـاك
أذكـر فـعــل ربـعـي بـشـد الـنـشـيـده *** وأفخر بفعل اللي يسوي سواياك
أمـجـاد وايـل مـا حـصيـت اتـعـديـده *** قـلتـه وأنـا يالوايلي مـن دنـايـاك
وبـعـض الخلايـق لـيـت ربي يـبيـده *** الـلي مـن العـالـم خـبيـث ونـمـاك
والهـرج يكـفي عـن كـثـيـره أكـيـده *** وأرجـوك تسمح زلتي لا عـدمناك