3
وقال عبـد اللـه بن عبار من مقطع من قصيدة طويله مسنده على أحد الأفاضل
سميت بسـم مكّـون الـكـون تكـويـن *** رب العـباد اللي على العرش متعـال
شـاد السماء وثبـّت مـقـرّه أبتمكيـن *** والأرض مهـدهـا سماهيـد واجـبـال
خلـق أبــونـا آدم وسـواه مـن طيـن *** ونفخ حياة الروح في جسم صلصال
محيي رميـم الـلي بـالأجـداث فانيـن *** تحت الرموس الباليه وسط الأطلال
أنبت على يونس من الغرس يقطين *** بأمره وعـاد الـروع لـلخائـف الـذّال
موسى فرج له من زعيم الفراعيـن *** ويوسف وقاه الرب من بعد الأغلال
سبحـان خلاق البشـر نـاصر الديـن *** الــواحـد الـلـي لـلـصعـيـبـات حــلاّل
يا رب عفـوك يـوم نصب الموازيـن *** ثـقـّل عـملنـا عـند تـوزيـن الأعـمال
يـا لـله يـا منـزل تـبـارك ويــا سـين *** بحسنـاك يـا رب المـلأ ترحـم الحـال
نعـوذ بـك مـن كيـد غـلب الملاعـين *** ونلـوذ بـك عـن كـل خـائـن ومحتـال
أنـت الـمعيـن أتـدبّر الخـلق وأتـعين *** عـنـدك مصير أرزاق خلقك والآجال
يا مـن لـوجهـه يـسجدون المصلين *** يا راحم الـلي بقوته ضعف واهـزال
من لا رحمته يـا الـولي لاعـه البيـن *** كـل ما تـنهض نوخـه ثقـل الأحمـال
يا رب لطـفـك يـا مـغـيـث المساكيـن *** يا مـربع بالقـاع من عقـب الـمحـال
أشوف بعض الناس يا حول شاقين *** الشـيـب والشبّـان واكهـول وعـيـال
يـا الـلي بدنياكم عـلى الـدوم لاهيـن *** حاذورمـن كثـر التهـاون والإهمـال
يـا الآدمي حذراك مـن قـول بعـديـن *** أغـنم شباب صباك قبـل الأضمحلال
مـا يشبـع الجائـع لحاس المواعيـن *** والـرس مـا يملأ مغاريـف وأسحـال
دنيـاك يـا مـا فـرقـت مـن مـقـاطيـن *** لا تـأمـن الدنـيا تـرى الـوقـت مـيّـال
وش قال عنها نوح من بعد الألـفين *** دار الـفـناء مـن طـبهــا شـد رحــال
وآخـر مصير العبـد لو عاش قرنين *** لا بـد يـذرع لـه مـن الخـام تـفصـال
والـعـبـد فـي دنـيـاه مـالـه حيـاتـيـن *** ولا يـرجع الـلي فوقـه الرمل ينهـال
حيث القمر لـو غـاب عقـب الثلاثين *** يعـود فـي جـو السماء بـدر وأهـلال
والـلي اخطاهـم طولـت بـالمحاجيـن *** مـا ظـنتي عقب الهرم عادوا أطفـال
يـفــتـر عــداد الـزمـن بـالـطبـالـيـن *** بـالثـانـيـة يـأخـذ مـن العـمـر مكيـال
تمضي الثواني كنهـا رمشت العـين *** أسـرع من اللحظة سريعات واعجال
نـعـوذ بـالـلـه مـن رجيـم الشياطين *** مـولاي يـرشدنـا عـلى خيـر الأعمال
وصلوا عـلى الهـادي ختام النبييـن *** الـلي عـلى درب الهدى يهدي الضال
4
وهذا مقطع ملخص قصيدة طويلة :
يـا اللـه يـا عـالـم خفـايـا السـريــره *** يـا رب يـا محـيي العـظـام البـوالــي
يـا مـن جميع الخلـق عندك مصيـره *** والـكــون كـونــتـه بـسـتـة لـيـالــي
يـا الواحـد الـلي ما لـنـا رب غــيـره *** يا الخالـق الـرازق عـزيـز الجلالـي
يا الله يا الـلي مـن لجـأ لـك تجــيـره *** يـا رب يـا رحـمـن تـلـطـف بـحـالـي
يـا اللـه يا مضفي على الناس خيـره *** يـا حـي يـا قـيـوم تـسـتـر خــمـالـي
يا الله تجعـل لي مـن الأمـر خيـــــره *** وعـلى الهـدى تجعل خواتم أعمالي
يـا منصـف المظلـوم حيثـك نصيـره *** أدعـوك بـأسمـك تستجيب لسـؤآلـي
عـلـيـك تـسهـيـل الأمـور الـعـسيـره *** وعـلـيـك يـا رب الـعــبـاد أتـكـالـــي
الـمسـعـد الـلـي مـا تـشـقـا ضـميـره *** قـلبـه مـن الهاجـوس والهـم خالـي
فاض القريض وصار للشعـر سيـره *** وسجلت قـافي حيـث جالـه مجـالـي
قـلتـه عـلى منهـاج فـهـم وبـصـيـره *** وعبرت نظم مـن القرايض طرالـي
ولا قـلـت قـصـدي للخلايـق جهـيـره *** ولا درت غـربـال البشـر في مقـالي
وأن هذرمت لسن الرجـال الشطيـره *** نشوم عـن هـذر الـلغـى والجـدالـي
مـن شام عـف ومـن يدور الستيــره *** يـصمـت ولا يـلـفـظ كلام أرتجـالــي
ومن يرتدي ثـوب الشرف ما يعيـره *** ومعـنا الكـرامـه عند الأجواد غالـي
ولا خـيـر بالـدنـيـا الـدنـيه حـقـيــره *** مـا دام تـالـيهـا الـفـنـاء و الـزوالـي
دنياك ما توازن من الصـرف نــيـره *** لـلي زهــد بـه مـا تـعـادل ريــالـــي
داهـم خـطـرهـا مـا تـبـيـن نـذيـــــره *** لو طـاوعـت لازم يـجـيها الجـفـالي
مـن تستوي لـه لـو تفـرش حصيـره *** تـقـبل عـلـيـه ومنصبـه صار عالي
ومن تضهـده تجفـاه من كـل ديــــره *** ويشرب كدر عقـب القراح الزلالـي
مـن تـنـكبـه تـرميـه وسـط الحـفيـره *** لـو كـان من نسـل أبـو زيـدالهلالي
الحضـف والعـربيــد يسـمع صفـيـره *** والذيـب جـر اعواه وسط المفالـي
وقـت الـرخـا تلـقى المعـارف كـثيـره *** ولـو تلتـزم للناس مـا شفـت والـي
والكـذب ما أيجـمـل حبـالـه قـصيـره *** إلى صارما هرج المسولف صمالي