وقال عبدالله بن دهيمش بن عبار هذ المقطع من قصيدة :
من كتب مجد القبيلة في جهوده واهتمامه
في جهوده واهتمامه كافح بشتى الوسايـل
باللزم من دس راسه يعتبر مثـل النعـامـة
يعتبـر مثـل النعـامة تدمسه وسط النثـايـل
أعتزي بأولاد وايل ذروة المجـد وسنامـه
ذروة المجـد وسنامـه بالفعـل يوم الدبايـل
لابـتي في كـل ديره من مشاريق اليمامـه
من مشاريق اليمامة للمدينة لأرض حايل
ومن طويل الفلج لأربد للزبير إلى المنامه
وبالحجاز ونجد تلقى من ضنا وايل عوايل
80
وقال عبدالله بن دهيمش بن عبار هذ المقطع من قصيدة :
مـن عـزوة رجـالـهـم بـالـلـقـاء فـاز *** لاطار عـن روس الرجال القضايض
زبـن الـدخـيـل ومـلـتجـأ كـل معـتـاز *** مدحي لهـم مابـه حسوف وغمايض
81
وقال عبدالله بن دهيمش بن عبار هذ المقطع من قصيدة :
يالوايلي تنسب من شيوخ وأمّار *** من روس لابه بالمعامق أصيله
على نعام شيوخ من قـدم الأدوار *** حـامين واديهـا ومغارس نخيله
أفعـالهـم مبطي عظيمات وأكبـار *** وعاداتهم كسب الثـناء والنفيلـه
هـزازنه يوم القصا ريف من زار *** بهاك السنين اللي المكايل قليله
عبيـد صرّح عـن بعيدين الأذكـار *** وأبن عـفـالق كلمته ينصغي لـه
وسالم أبن رويعي لقوله استعبار *** يـذكـر مفـاخـر طيبين الفـعـيـلـه
82
وقال عبدالله بن دهيمش بن عبار هذ المقطع من قصيدة :
لـك الشكـر حـيـث مجـدت الـفهـود *** هم اللي في بـوجـت الـدار اخـبــرا
هـم مـلاذ الـلي مـن الظيم مـحـدود *** مـرجهـن وعـن غـريمـه مـا سـرا
مـنـهـم الـلي عـادتـه حـل الـعـقـود *** صـيـت مقحـم طـال حـتى انكـلتـرا
وعـزوتك يا أحمـد بحـزات الجرود *** مـن يـنـاطحهـم يـهـولـه مـا يــرا
بالـلـقـاء يخشاهـم الخـصم اللـدود *** وتـحتـرص منهـم بـواشي ووزرا
وأن تناخوا عنـد منقوض الجعـود *** كـم غــروً صـاح ولـجـيـبـه فـــرا
ويوم فعل المرجله صعـب ويكـود *** وكـان ذاك الـوقت بـه جـوع وعـرا
أخـو بـقشه كـن بـيتـه ضلـع طـود *** مـثـل حـيـد طويق أو شامخ كـرا
قـروتـه تشبـه على طـعـس النفود *** ولا يخـيـب الـلي نصاه ولـه حـرا
يـذبـح العـيـتـا السمـينـه والقـعـود *** وينفـق أمـوالـه اليـا جـوه افـقـرا
تلـقا عـظام النيب في تلـك الحيـود *** وخـوصـتـه دايـم مـن الـدم مـغـرا
83
وقال عبدالله بن دهيمش بن عبار هذ المقطع من قصيدة :
مـن لابـة رجـالـهـم يـطـعـن بسيـفـه *** يا سعـد منهـم باللـوازم هـم انصـاره
يذرون عن لفح السموم وعواصيفه *** ويثنون دون الدبش لاصارت الغاره
فخـر عنـزه يصعب جحوده وتوقيفه *** لـو شـوشرت بـالـبـلـه نـاس غـّداره
عـنـاز تـفـخـر فـي كـتـابي وتـألـيفـه *** تاريخ ماضي عزوتي ننشر أخبـاره
المـرجـع الـلي يكـود الغـيـر تصنيفه *** لأجـل القبيلـه بـذلـت جهـود جـبّـاره
مـجـهـد ولا تـشكـل عـلـيـه تكـاليـفـه *** خدمت فخر لابـتي واصلت مشواره
مـن يجـهـل بجـدنـا نعـطيـه تعـريفـه *** من نسل عامر شهير بسلمه وكـاره
اسم عـنـزه لـو قيل عـنـاز تصحيفـه *** قـبـايـل مـن نـقـوة الغـوش مخـتـاره
84
وقال عبدالله بن دهيمش بن عبار هذ المقطع من قصيدة :
منجوب ساسك من صناديد شجعان *** منشأ البواسل فـي عـريـن الأسـودي
أبطـال في عـصر المعامع وفـرسان *** مـا مـنـهـم الـلي يـنعـتـونـه شـرودي
الـيـا سـمـك عـج السبـايـا بالأكـوان *** لـهـم عـلـى حـياض المنـايـا ورودي
لهم شهود الـرمح والسيف والزان *** وسرج الفرس والكور فوق القعودي
أمـدح ولانـي بالـذي قـلـت غـلطان *** وأثـني عـلى الـلي بالـرجال محمودي
85
وقال عبدالله بن دهيمش بن عبار هذ المقطع من قصيدة :
نـسـل الحـمـايـل مـا بساسه مـعـابـه *** بعـيـد عـن حكي الـردى والمعاييـر
ويـوم العـنـيـد الـعـي يـفـتـل شنـابـه *** جـدّه اليا خاض الوغى كنّه الـزيـر
وأن حـل يـوم كــايـد وبــه صـعـابـه *** بالسيف والشلـفـا يـفـك الخـواويـر
والنـعـم بالمـصـرب سـلايـل نـهـابـه *** لا ثـار عـج الخيـل مثـل المعاصيـر
حـمـايـة الـسـاقـه نـهـار الـمـجـابــه *** زبـن الطـريـح اليـا تلاقـوا صوابير
الـكـل يـلـكـد سـابـقـه فـي عــقــابـه *** يـوم القـبـايـل بـيـن صوال ومغـيـر
من ساس عـزوه مـا خلطهـم زلابـه *** مـصـاربـه ريـف الـبـداه المسايـيـر
86
وقال عبدالله بن دهيمش بن عبار هذ المقطع من قصيدة :
حفيد الرجال الصيـد يـوم النضا والقـود
تغشلوا هـل الجـدعا عـلى كـور مشدوده
بـوقـت اللقّـاء شجعان نطيحهـم مقـرود
يصولون يـوم الكـون في شلـف مزنوده
87
وقال عبدالله بن دهيمش بن عبار هذ المقطع من قصيدة :
يـحـق لـه يـشـمـخ رقـبـتـه ويـمـغـطـهــا
حـيثـه مـن الـلي بالفخـر فعـلهـم غـاطي
عـزوة هـل العـرفـا بـالأفـعـال غـابـطـهـا
مـن لا فـعـل مـثـلـهـم يصيـبـه احـبـاطي
يـامـا بـهـم من فـارس الـذود يـمعـطـهـا
واليـا غـضب سيفـه لعـنق الـعـدو لاطـي
عـدوهـم مـاظـني الـخـمـس يـمـصـطـهـا
يـوم الحـرايـب ضـربهم بالنحـر صـاطي
أدنـاهـم الـلـي الـمـرجـله مـا يـصفـّطـهـا
صـنـديـد مـا دنّـق بـراسـه ولا يـطـاطـي
لـو عـاد عـصـر الـلي الصنـاديـد مقـطّهـا
الحـق نضـفـر بـه عـلى كـور فـحـاطـي
بالسيـف الأمـلـح نـحـور القـوم نشعـطها
والـيـوم شـفـنـا عـزنـا بـالـقـدم مـاطــي
88
وقال عبدالله بن دهيمش بن عبار هذ المقطع من قصيدة :
وأنـتـم أحفـاد الـلي للأضداد طعّانه *** خيل المسيكي على العدوان هيسها
أن كانهم ركبوا على الجيش هجـّنـه *** وقـب السبايـا بالوغى هم فـوارسها
الفـارس الـلي العوبلي يرخي عنانه *** في متن خصمه حربة الرمح يدحسّها
رجـالهـم مـا تـاخـذ الـقـوم قـطعـانه *** روس الأعادي بـحـد السيف يردسها
والـلي غزاهم عاف زوده ونقصانه *** وأنكـف يخـاف القوم تطلق عرايسها
ودخيلهـم لا سمعوا صياح نسوانـه *** الكـل روحـه لحـوض الموت يرمسها
رجـالهـم تحشم عـن الظيم جيـرانـه *** عن القصير عيون الأضداد كومسها
رجـالـهـم يـفـرح بـهـتّـاش ضيفانـه *** وصينيتـه فـي وافـر الـزاد يطـعسهـا
عـوايـده يـذبـح مـهـاجـيـل خرفانـه *** وكـم حايـلٍ في لفـوة الضيف هابسها
89
وقال عبدالله بن دهيمش بن عبار هذ المقطع من قصيدة :
حـيثـه عـريفي مـن سلايـل حمايـل *** مـن عـزوةٍ لا جالهـا اشكـال تنهيـه
منهـم عـوارف بـيـن كـل الـقـبـايـل *** تقضي بحق وصاحب الحق ترضيه
يـا ما كعمـوا مـن كـل ظالـم وعايـل *** خطو الـذي زومه عن الحق معميه
ألا وغــيــر الـفـهــم يـوم الـدبـايــل *** بـهـم الشاجعه يـوم قـطع المنـاويـه
يـوم الـسـرا فـي حـاميـات القوايـل *** تـذكـر فعـايلهـم عـلى الخيـل والتيـه
90
وقال عبدالله بن دهيمش بن عبار هذ المقطع من قصيدة :
من عـزوة لهم عـلى الخصم هـّدات *** يـوم الفخـر يطلب بحـدب الهنـادي
جـعـافـره لا جاء على الذود غارات *** ونـادى عـلى فـك الوسيق المنـادي
عـمارهـم بالكـون تجـلـب رخـيصات *** وكـلـن بـروحـه دون ذوده يفـادي
تـنـاخـوا الـشـجـعـان بالجـعـفـريـات *** وخلوا جموع القوم شتّى وبـدادي
91
وقال عبدالله بن دهيمش بن عبار هذ المقطع من قصيدة :
شـعـر فــواز الـقــرابـه بـالـلـحـن نــصـغــيـلــه
أبـن سـعـيّـد لـه قـبـيـلـه مـن شـخـوص بـلادي
عـــزوتـه وقـت الـلـّوازم عــز مـن يـأتـيــلــــه
لابـة سـلـيـمـان ربـع جـدودهـم واجـــــــــدادي
أنـت مـن عـزوه عـريـبـه يـوم تـسـرج خـيـلـه
يـوم مـيـدان الـمـعـارك مـطّـرد وطــــــــــرادي
وأنـت الـلـي مـظـمـون قـافي تـفـتهـم تـحـليـلـه
وكـل عـاقــل سـار عــدل الـيـا هــداه الـهــــادي
كـل مـنـصـف بـالـقـبـيـلـه نـشـكـر ونــدعــيـلـه
وأنـت مـن عـزوه كـرام ولابـهـم جـحــــــــادي
كـل مـنـهـم بـالـلـوازم عـز مـن يـشـكـيـلــــــــه
كـلـهـم بـهـم الـكـفـايـه كـان صــار عــنــــــادي
الــردي يـاعــل ربــي يــقـلـعــه وايــزيــلـــــــه
الـردي كـوبـان بـعـده غـايـتـي ومـــــــــــــرادي
92
وقال عبدالله بن دهيمش بن عبار هذ المقطع من قصيدة :
يا حسـن ابن رمـان يا نـسـل الأخـيـار *** عـسى الـولـي يكفيـك شـر البـلـيـه
جـدك ضري مبطي لـه عـلـوم وأذكـار *** يـوم المـنـاخ بكيـر شـرقي ضـريـه
مـا منكم الـلي في طريق الـردى سـار *** وأمجـادكـم تـشبـه شـوامخ طـميـه
أدخـل عـلى الـله يا حسن مابكم عـار *** ألا الـكـرم والـمـرجـلـه والـحـمـيــه
وبيوتكـم تـزمـي مـثـل نـايـف الـطـار *** يفرح بها الرجـّلي وراعي المطـيـه
وسيوفكم في حـدهـا قصف الأعـمـار *** يـوم الـمـطـارد فـوق بـنـت العـبيـه
ولـكـم عـنـد الأجـواد حشمه ومـقـدار *** حـيـث الكـرم والجـود فيكـم مـزيـه
أبـوك أعـرفه يكـرم الضيـف والجـار *** أبـن ضري راعي الكفوف الصخيه
وكانك من الموضوع يالقـرم محتـار *** أنـا بـعـد مـثـلـك حـصـل لـي أذيــه
93
وقال عبدالله بن دهيمش بن عبار هذ المقطع من قصيدة :
ولاهي غـريبه منـك يا مكـرم الجـار *** حيثك من الـلي فعلهم بالفخـر بـان
عـزوة محددت الجـمـل يـوم الأكـدار *** يوم العرب كانت حناشل وغـزوان
دهـامشه لهـم الفـخـر رمـز واشعـار *** مـقـدامهـم جـزاع والشيخ سعـران
مشعان أخو جحله صميدع ومغـوار *** ياما نحى عـن مرتع الـذود فرسان
الـغـافـلـه مـا جـفّـلـه كـل مـن غــار *** من دونها نمرٍ على الصيد ضرمان
والشيخ أبـن قـنفـذ وجلعـود وذعار *** عـلـم الفـخـر يشمل سلايـل ضبيان
والنعم في ربعك أن كـان الدخـن ثـار *** مقدامهـم عمعوم برجس ومشعان
ربعك اليا ركبوا على قحص الأمهار *** عـوق العديم اليا تناخـوا بعـوجـان
قـلتـه وأنـا مـن ساس بوّاجـت الـدار *** حمرالنواظر من ضنا عبيد فدعان
داجوا عـلى الزرفات في كل الأقطـار *** يامـا ويـامـا سلّفـوا قـدم الأضعـان
94
وقال عبدالله بن دهيمش بن عبار هذ المقطع من قصيدة :
مـن لابــةٍ يــوم الـقـبـايـل حــريـبـه *** عـاداتهـم يـثـنـون دون المضاهـيـر
ستـر الهنوف الـلي تقض الـذويبـه *** لا زغـردن هـنـف الـبـنـات الغناديـر
ولا أخـو بقـشـه شيـخ مـا ينهـويبه *** الـولـدعـي نسل الشيوخ المخـاتـيـر
أسـنـد لمثـلـه والـردي وش نبـيبـه *** حيـث أن لـي عـنـده حشيمه وتقدير
جـدّه وأبـوه أهـل الصدور الرحيبـه *** أهل الصّخى والجود ريـف المفاقير
مـرذيـن سـرج الـلي يـشوّل سبيبـه *** سـقـم المعـادي يـوم شـل المنـاسير
من ساس لابـه بالمراجـل غضيـبـه *** عـلى المعـادي بالسيـوف البـواتيـر
وأن صاح ينـدب للجموع الـرقـيبـه *** تـأتـيـك دكـلات الـسبـايـا صـوابـيـر
فـازوبـهـا يـوم الـمـراجـل تـعـيـبــه *** وقـت المعامع يكسـرون الطـوابـيـر
95
وقال عبدالله بن دهيمش بن عبار هذ المقطع من قصيدة :
من ساس عزوة لا بدأ طراد والـزاز *** كـم فـارسٍ خـلـوه يـفـتح ابـخـرتـه
أرداهـم الـلي لعـيـن مـن عـال بـغّـاز *** والحيـد ينـزل في عوالي اظهـرتـه
واليـا حـصـل يـوم مـثـل يـوم خـزّاز *** عـدوهــم مـا تــاجــده كــان درتــه
96
وقال عبدالله بن دهيمش بن عبار هذ المقطع من قصيدة :
المرعضي ربعـه لهـم عـلـم وأذكـار *** الـجـار مـنـهـم مـا تـجـيـه المـمـلّـه
بيـوتـهـم تـزمي مـثـل نـايـف الطّـار *** وللضيـف دوم وجـيههـم مسفهـلـه
وكان أنتخوا عليا وقبس الفشق ثار *** شجعـان مـا تـطـري عـليهـم مذّلـه
رجـالـهـم فـوق الـسبـايـا الـيـا غــار *** ذود الخـصيـم مـن المفـالـي يشلّـه
ومقـدامهـم صنـديـد سـاطي وجـبّـار *** الـشيـخ أبـن شـعـلان لـلّضـد عـلّـه
97
وقال عبدالله بن دهيمش بن عبار هذ المقطع من قصيدة :
يا معيض يا نسـل الـرجال الحمايـل *** مجناك من عزوه شريفين واعـزاز
عـزوة هـل العـلـيـا عـراب السلايـل *** مقـدامهـم ساس الفخـر نسـل فـواز
رجـالـهــم يــوم احــتــدام الــدبـايـل *** يـدلي بـعـدوانـه كـمـا يـدلـي الـبـاز
98
وقال عبدالله بن دهيمش بن عبار هذ المقطع من قصيدة :
يعيش أبـو جابـر من أهـل البطولـه *** المرعضي من ساس عزوه ولابه
رجـالهـم خصمـه الـيـا شاف زولـه *** تنهـار من ساعـة لقـاهـم اعصابـه
عـدوهـم يـبـلـش الـيـا جـوه صولـه *** يـوم الشجاع الشّلف يدمي حرابـه
يـوم الـغــزاه الـكـل يـلـكــد ذلــولــه *** يسري ويجـري ما تـونـت ركـابـه
والـيـا زقـح مـر الـكبـود الـزعـولـه *** نـطـيـحـهـم لابــد يـنـزف صـوابـه
99
وقال عبدالله بن دهيمش بن عبار هذ المقطع من قصيدة :
عـزوتـك بالكون يحمود الجهـام *** بالقنا والرّمح والسيف الصقيل
لـو تكون ارواحهم تذهـب عـدام *** بالـوغى يهـدونها دون الدخيـل
مـن قبيلـه مـا تحـورف بنهـزام *** تـرسـي اليـا ثـار مقباس الفتيـل
بني وايل لا غشى البيدا العسام *** بالمعامع والمطـارد فـوق خـيـل
بالـوغى لاصار بالجـمع التحـام *** مـن يـلاقي جمعهم يجـدع قتيـل
بالذي يشظف صماصيم العظام *** الحـدب يقطع جـلامـد من يعـيـل
100
وقال عبدالله بن دهيمش بن عبار هذ المقطع من قصيدة :
عـنـزة وبـني أكـلـب لـهـم بالنسب تـأكيـد
قـرايـب كـمـا وضّـح الـتـاريـخ بـاسـنــاده
سـلايـل ربـيـعـه نـسـل نـزاز بـالـتـحـديـد
قـبـايـل عـريـقـه والـمـكـارم لـهـم عـــاده
بـني عـمـنـا أكـلـب الـيـا دوبـح الـرعـديـد
بعـصـر المعـامع والـوغـى يـقـدح زنـاده
101
وقال عبدالله بن دهيمش بن عبار هذ المقطع من قصيدة :
تعيش يابن سعود شرواك اللي جاب *** أقـوال بالأنصف مـن دون تطفيـف
من ساس عزوه لازما الجمع حرّاب *** عـدوانـهـم بالكـون عـادوا مناكيف
أهـل البويضا يـوم تنهـار الأعصاب *** يوم الشطير يقطّف الروس تقطيف
ما منهم اللي من ملاقا العـدوا هـاب *** يثنون دون النوق عوج السراعيف
يامـا دفـنـوا مـن دوّر الفـود بـتراب *** في داخـل البرزخ عظامـه مشانيف
102
وقال عبدالله بن دهيمش بن عبار هذ المقطع من قصيدة :
ساسه عريب ومن حمايـل اشـرافـي *** تـواجـره يعـجـبـك طـيـب معشرهـا
حـيثـه بـقـول الحـق عـنـده انصافي *** مـا بـاق غـرّات اصـدقـاه وغـدرهـا
ماهـو الـذي عن واجبه بـات غـافي *** قـرم عـلـوم المـرجلـه مـا هجـرهـا
نسـل الـرجـال أهـل البيوت الملافي *** يـفـرح بشوف بيوتهـم من سبـرهـا
ربـعـه هـل الصبحـا بعـصر الجفافي *** رجـالـهـم عـيـت الذبـايـح جـزرهـا
رجـالـهـم يـذبـح سـمـيـن الـخـرافـي *** ويجـود بغـالي خـزنتـه مـا ذخرهـا
الحـيـل تنقـط مـن دسمهـا الـرفـافي *** ولا هـمتـه حـيـل الغـنم لـو خسرها
رجـالهـم لخـمـلات الأصحاب رافـي *** مـا يواخـذ حشاك الصدور بقشرهـا
مضيـان فـوق مقـولمـات الخـفـافـي *** عـلى العـداء رب الخلايـق نصرهـا
حـمـايـة الـخـلـفـات حــم الـشـعـافـي *** مـن دونـهـم كـلـن حـيـاتـه نـذرهـا
عــدوهـم حـظّــه الـيـا عـال هــافــي *** من غب طعـن الـلي يمينه قصرهـا
تاريخهم ماهو عـلى الناس خـافـي *** فـعـل المـراجـل بالقـبـايـل شهـرهـا
قـلـتـه وأنـا مـن بـايجـيـن الفـيـافـي *** حمـر النواظـر نفتخـر فـي فخـرهـا
يـوم الضعـايـن مـقـبـلات ومـقـافـي *** حـتى بـلاد الـروم خـاضوا نـهـرهـا
أركـوا عـلى كـبـد المعـادي رضـافي *** بالجمع الـلي سربة اعداهم دحرها
وأن حـل ضـرب مصقـلات الرهافي *** طابورهـم خاض الجموع وكسرهـا
سـتـر الـعـذارى لابـسـات الـغـدافـي *** لا نقـضّت بـنـت الحـمايـل شـعـرهـا
كـم من عقيـدٍ طـاع عـقـب العسافي *** وعن طاري الفزعه جواده زجرهـا
103
وقال عبدالله بن دهيمش بن عبار هذ المقطع من قصيدة :
مـن عـزوة لهـم مفـاخـر ونـوماس *** منـزل هـل الملحا براس الـرفـاعـه
يوم الجياد بلجمها تضرس ضراس *** بـهـم قـسـاوه للخـصيـم وقـطـاعـه
ولادعه كان اعتلوا سرج الأفـراس *** لـهـم فعـايـل صـدق ماهـي أشاعـه
وبيوتهم تزمي مثـل حمر الأطعاس *** يفـرح بها الجيعان وقـت المجاعـه
104
وقال عبدالله بن دهيمش بن عبار هذ المقطع من قصيدة :
هـل العرفا وعزوتي حـمـر العيـوني *** باللّـزوم رواحـهـم تـهـدى هـداوي
وعـزوة سلـيمـان حّـزت يعـتـزونـي *** تصـرخ العـدوان بصيـاح ونعـاوي
وربعي الـويـلان ضـد الـلي يخـوني *** كـل عنـزة عـزوتي مـاهـي حكاوي
عـن بعـضهـم دايـمـاً مـا يخـتـفـوني *** يوم جلد الشلف كـنّه صوت مـاوي
هـم كـبـار الجـاه وكـبـار الصحـوني *** وستر اللي لباسهن عذي المزاوي
لأنتخـوا بالكـون في شقـر القـروني *** بالـمـعـاره خـصمهـم تـلـقـاه ثـاوي
105
وقال عبدالله بن دهيمش بن عبار هذ المقطع من قصيدة :
قـلـتـه وصافيـن الضمايـر يخـبـرون *** يـا كـثــر مـا مـجـدت بـأولاد وايـل
أشـيـد بالعـزوه وغـيـري يـشيـدون *** لهـم مفاخـر مـا اتحصاهـا السجايل
صيـد الـرجـال بمـدحهـم يستـعـزون *** وأنـا اعتبـرهـا بحـق ربـعي قـلايـل
نظـم الملاحـم بالفخـر لهـا يعـرفـون *** يرجع لها من هـو عن المجد سايل
تـاريخـنـا مـاهـو تخـاميـن وظـنـون *** وأمجـادنـا مـا نـنـتـحـلـهــاهـمـايـل
تاريخ مـا ضينـا لـه النـاس يقـرون *** والـجـد غــيــرة مـا نـدور الـبـدايـل
القلقشنـدي وضـحـه وابـن خـلدون *** عـن مـاضي التاريـخ جـابـوا دلايـل
106
وقال عبدالله بن دهيمش بن عبار هذ المقطع من قصيدة :
مشكـور يا نسـل القـروم المغـاويـر *** شجـعـان كـان العـج جـالـه غـبـيّـا
بالكون اللي يشبع به الذيب والطير *** ثـار الـصـوارم فـي بـلاطـه تـهـيـا
هـذا جـرا بعـصر السيوف البواتيـر *** والـيـوم فـي ظـل الملـوك أنـتـفـيـا