وقال عبدالله بن دهيمش بن عبار هذا المقطع من قصيدة :
حـيـثـه عـريـب ويـنـتـبـونـه جـــدوده *** أهـل الكـرم والجـود من نسل شيخان
أدنـاهـم الـلـي تـذكـر الـنـاس جــــوده *** يـفـرح اليـا جـولـه مع الليـل ضيفان
والـكـل مـنـهـم مـا تـراخـت عـضـوده *** لا هـاجـت الهيجاء بالأكوان شجعـان
يـوم الـرجّـال الـكـل يـفـخـر بــفــــوده *** مكسبهـم الخـلـفـات زيـنـات الألـبـان
مــفـاخــر الأمـجــاد مـاهــي مـحـدوده *** وشاهدهم الأفعـال مـن قـدم الأزمـان
نـسـل الـذي طـابــور ربـعــه يــقــوده *** طول المدى شامخ مثل ضلع عرنـان
مـفـاخـر الـرشـدان مـاهـي مـعـــدوده *** يـوم المجاهـد بـيـرقـه فـوق الأمتـان
جـدّه سـعــد هــبـت هـبـايــب سـعـوده *** وحمل البيرق يـوم صولات الأخـوان
ومـطـلـق تــقّــدم والـوثـايـق شـهـوده *** بطـل وشجاع ومن صناديد فـرسـان
جـــاهــد وجــمّــل بـالـفـعـايـل بــدوده *** بـه تـفـتخـر عـزوة سـلايـل سليمـان
يـوم أن أبــو تــركـي يـجـهّـز جـنـوده *** خاضوا معـه بالكون فـي كـل ميدان
ولـد سليمان أهـل الفخـر مـع جـروده *** ضـنـا عـلي وأيـضـاً سـلايـل عـلـيـان
وقال عبدالله بن دهيمش بن عبار هذا المقطع من قصيدة :
منسبه ساسه مـن الفـرع الأصيـل *** وايلي منجوب من عـرق الأصالـه
لابـتـه بـالـكـون هـم زبـن الدخيـل *** عـزوتـه تعـزا مـن رجـال الشكالـه
الـحـمـادا سـلـمـهـم عـز الـنـزيــل *** نجـدت الـواني إلى شانت احـوالـه
يـوم عصر الجوع مع قـل المكيـل *** من يـدور الطيـب يبـذل حـر مـالـه
غـرسهـم للضيـف منتوجـه سبيـل *** وجـارهـم بـديـارهـم بـالـعـز دالــه
يـوم عصر الجـوع ما فيهـم بخيـل *** يرخصون المال عن عـلم الرزالـه
وجمعـهـم بالكـون نـطـاح القـبـيـل *** يقحمـون الحـرب لا شب اشتعالـه
مجـدهـم مـوروث من وايـل سليـل *** بـالـمـراجـل والـحـمـيـة والبسالـه
فعـلـهـم بالطيـب وصفـه مستحيـل *** ومـن فعـل لا بـد تشهـد لـه افعالـه
قـلتـها وعـندي عـلى قـولـي دليـل *** لا بـتـك رجـالـهـم يـسـوى عـدالـه
وقال عبدالله بن دهيمش بن عبار هذ المقطع من قصيدة :
مـن صماصيم لابـه يفلجـون الطليـب
يـا كـبـر حـظ مـن هـو للجبـور عصبـه
عندهم به معيبه خدم حوض الشريب
خص شول القصير ولـو يبين جـربـه
في عصور الجهالة من يحنشل يجيب
فـود يـوم الـمـرازق بـالـزمـان نـهـبـه
خيلهـم مسرجات وذودهم لـه جنيـب
والضعـون وسلفهـم يحتميه جنبـه
كـل منهـم شجـاع ولا جـواده هـليـب
كان صاح المنـادي للخـصيـم هـذبـه
منهم وشيوش اللي كمـا الحيص المنيب
فـارس الخيـل عكلي بالحسام ضربـه
يـوم كـن الفـوارس مـن شبـاب وشيـب
شـال بالسيـف راسـه طـاح تـقـل هـدبـه
هـو ستـر مـن تـزهى باللباس القشيـب
فـرحت المحـرج الـلي باللـزوم انـدبـه
وقال عبدالله بن دهيمش بن عبار هذ المقطع من قصيدة مسنده على سليمان بن مهنا أبا الخيل المصلوخي :
عند أبـو حسن لـي كـرامـه وتعبـار *** ولا هـي غـريبـه من خلايف مهـّنـا
يا أبـن مـهـنـا عـنـدنـا كـل الأخـبـار *** نسمع بـكـم يالـقـرم مـن يـوم كـنـّا
مـن يـوم كنـّا فـي زهاملينـا أصغـار *** أخـبـاركـم مـع كـل طـارش لـفـنـّــا
مبطي عـلى بـريـدة سلاطين وأمـّار *** مـن سـاس لابـه يـدخلـون المجنـّا
يـوم الحـرايب طبعهـم كعـم الأشرار *** الـحـق الأبـلـج يـأخـذونـه مـثـنّــــا
جدك حظي بالخيل مـن قـدم الأدوار *** بـاد الخـصـوم وبـالـمـراجـل تـكـنـّا
وشال اللقب في عـز وإجلال وإكبار *** شيخ شمخ عـن واجـبـه مـا تـونـّا
الـوايـلي مبـطي بـدرب الفخـر سـار *** يـوم السيوف مـن المعـادي تحـنـّا
يـا مـا تـعـلى فـوق زيـنـات الأكـوار *** بالغـزو مـا يـركب مـن الهجن دنـّا
الفـارس الـلي يذعـر الخيـل مغـوار *** عـوق الخصيم الـلي عليـه ايتجـنـّا
وقال عبدالله بن دهيمش بن عبار هذ المقطع من قصيدة :
أجواد نسل أجواد من ترثت أجـواد *** أهل الكرم مبطي قـبـل يكثـر الخيـر
الطيـب ورث معـقـبـه لهـم الأجـداد *** ينتبهـم عـبـيـه وشامـان وخـضيـر
خضيـر بن شامـان عـقـب للأحفـاد *** مجـد يسـر أهـل الوجيـه المسافيـر
وعياله الـلي طبعهم كسب الأمجـاد *** مـن مـصقـرٍ فـرخه يشبب صقاقير
أهـل ضمايـر مـا بـهـا غـل وأحقـاد *** ولا يسمعون هروج لمـز ومعـاييـر
أدناهـم الـلي نـذخره عضد وأسنـاد *** عن جور راعي البلبله والشباشير
ونعم بهل الحمراء جماعات وأفراد *** مـا منهـم الـلي نـالنـا منـه تقصيـر
سلقا نمجدهم عـلى روس الأشهـاد *** يـا مـا بـرز مـنهـم رجـال مشاهيـر
يـوم السنين الـلي بهـا كـر واطـراد *** يـروون حـد المـرهـفـات البـواتيـر
واليا صدح صوت البنادق بالأعتـاد *** وجلجل ضبيح محكمات الشراشير
وتـقـابـلـوا بالمعـتـرك عـنـد الأذواد *** عـدوانهـم بالكون عـادوا مـدابـيـر
والضيف لاجاهم عقب تعب واجهاد *** يلـقى الكـرامـة والـدلال المبـاهيـر
وقصيرهم لو هو من أعيان الأكراد *** يسعد بجيرتهم حمى الجار وأيجير
لو أبي أعد شخوصهم مالها أعـداد *** أبي أختصر بالقول وأبي المعاذيـر
وقال عبدالله بن دهيمش بن عبار هذ المقطع من قصيدة :
من ساس لابـة ما خلطهم حضيبي *** النـادر الـلي منبـت الطـيـب مجنـاه
عـزوة هـل العـرفا سطام الحريـبي *** يـوم الـرجل مجده بسيفـه وشلفـاه
الـيـا تـعـلـّوا فـوق شـقـر السبيـبي *** يـاويـل مـن سجـوه بالـرمح ويـلاه
هـذا طـريـح وذاك واقـع صـويـبـي *** وهذاك جزوا بأجرد السيف علبـاه
كـم عشـّوا لـلي بالصحاري يليـبي *** بطنه طواه الجوع يبحث عن الشاه
وقال عبدالله بن دهيمش بن عبار هذ المقطع من قصيدة :
من ساس لابـه يـوم شـل المناسيـر *** يـوم العرب مثل هريف الـذيـابـه
مـن غـوطـة الفيـحـا لبغـداد للـديـر *** باجـوا بعـيـد الـدار يـوم المجابـه
قطعانهم تـفـلا مـن سلـوك لضميـر *** ومن فيضة الأديان حتى الغـرابـه
يوم السلف تمشي وراه المضاهير *** بالعصر اللي فيه المرازق نهابـه
فعـايـل الفـدعـان حـمـر النواضيـر *** من سجـل التاريخ نـالـوا أعجـابـه
وقال عبدالله بن دهيمش بن عبار هذ المقطع من قصيدة :
حـمـد سليل المجـد بالطيب فـايـق *** الجعـفري نسل الـرجـال الشجيعه
مـن روس لابـه يحتمون الأنـايـق *** يـوم المغازي والشرور الشنيعـه
من ساس نسل عبيد ماهم هلايـق *** باجـوا حـدود بـلاد سنّـه وشيـعـه
مـن خيـبـر الحـرّة لحـد الحـوايـق *** كـم خايـع باجـوا مع الـذود ريعـه
مـن رازهـم بـالكـون لـلـمـر ذايـق *** وأن لقحت الفتنة وبـيّـن ضريعـه
يروون حـد الـلي صفاحه رقـايـق *** شامـان تـوحي بالجماجم قـريـعـه
وأن ثـار مـلـح مبـولـدات التفايق *** تمرج قلوب أهـل العقول الخليعـه
وصـاروا رديـيـن العزايم عـلايـق *** حـل القـضى والكـل يطلب مـنيعـه
باليـوم الـلي فـيـه المنايـا تـوايـق *** تشيب بـه روس الطفال الرضيعه
عـدوهـم بـه واسع الـبـر ضايـق *** أقـفى معيف وصاب قـلبـه خـريعـه
ما عاقهم عن مكسب المجد عايق *** فرسان كان الحـرب شبّت وليعـه
مـا مـنـهـم الـلي للمـواثيـق بـايـق *** العـزوة الـلي مـا تعـرف الخديعـه
خـاضوا بغـبـات البحـور الغـمايـق *** بـواسـل مـثـل الأسـود الـبـتـيـعـه
زمـلٍ تشيـل حمـولهـا والـوسايـق *** اليا باد حيل أهل المتون الهكيعـه
نـذكـر فخـرهـم بالسنين العتـايـق *** ولـو مـا تحاصيته تعـرّض لضيعه
تـاريـخ وايـل جـلـهــا والـدقـايـق *** حفـظـتهـا واليـوم عـنـدي وديـعـه
لـكـن لـغـراّت الـمـلأ مـا اتهـايـق *** ولاني مـن الـلي كـل خـافي يذيعـه
الـعـزوة الـلي مثبـتـه بالبـطـايـق *** مـن يـوم تلكـد خيـلـنـا بـالـوريـعـه
واللي عـلى تشقلب نسبها شفايق *** هرج الخطأ لو راج ما أحدٍ يطيعه
المجـد ثابـت والنسب لـه وثـايـق *** نسب نسب مـافيـه شريـه وبـيعـه
بعض العلوم الـلي تسبب وهايـق *** تـخـدع مسامع للخـرافـه سميـعـه
البيـت مـا يـذري بـلـيـا شـقـايـق *** عـن السموم وعـن لوافح صقيعـه
وقال عبدالله بن دهيمش بن عبار هذ المقطع من قصيدة :
مـن ساس عـزوه ذودهـم ما يهجّـه *** مـن جـفـلـه مـالـه مـلاذه ولــوجــه
يـوم الـعـرب كـانـوا فـلـيـتـه ودجّــه *** والـكـل مـنـهـم حـط لـعـداه نـوجــه
خـصـيـمهـم مفـلـوج فـي كـل حـجّـه *** والـلي تعـاوج مـا يطيقون عـوجـه
عـدوهـم بـالـكـون مـفـضـوخ بـجّــه *** حيثه يعاقـب عن خمالـه وصوجـه
يـرجـع معـيـف ومـر كـبـده يـمـجّـه *** كـن الحدج بين الضروس معلوجـه
جـعـافـره صــدر الـمـعـادي تـفـجّــه *** والخـيـل بالميـدان تخـلي سـروجـه
والـلي نصيبـه فـي نـحـرهـم يـزجّـه *** يطمن وينـزل مـن معـالي بـروجـه
وقال عبدالله بن دهيمش بن عبار هذ المقطع من قصيدة :
ربـعـه بـني وايل عطاب المضاريب *** يـوم الـفـرنـجـي ثــايـرٍ جـبـخــانـــه
فـي ساعـةٍ راس الفتى ينقلب شيب *** والـريـق بحـلـوق الـفـوارس ذنـانـه
نـالـوا فخـرهم بالسيوف المحاديـب *** حـد الحـدب يـروون شـذرة اسنـانـه
أفـعـالـهـم فـوق الجـيـاد الـمهـاذيـب *** يـوم الـرمـك بالكون تـرخي عـنانـه
فـازوبـهـا يـوم الـنجـايـب جـناديـب *** فـوق الهجين الـلي يـكـّرب ابـطـانـه
ماراعهم من صولـة الخصم ترهيب *** حـتى الـذي مـعـهـم مـدافـع ودانـــه
التـرك جـوهم فـي تلطـف وتـرغيب *** وتشهـد بـفـعـل جـدودهـم تـركمـانـه
أولاد وايـل تـنـطـح الجـمـع لاهـيب *** يـوم الـقـبـايـل مـا تـعـرف الـديـانــه
وقال عبدالله بن دهيمش بن عبار هذ المقطع من قصيدة :
فارس سليـل ظمين علمـه كمـا اللّيت *** مـن سـاس لابـه يقحمـون الدبـايـل
يـوم النـخـاوي والحـدا والمصاويـت *** بالعـصر الـلي بالناس صايل وجايل
عـزوتك الـلي يالقـرم فيهم تعـزويت *** نـاقـتـهـم الـمـلـحـا تـرود الـخـمـايـل
ولادعـه كـانـك لـلأجـواد عــديـــــت *** فـازوا بـعـلـم الـمـرجـلـه والـنـفـايـل
ولادعـه يـوم الـمـزاهـب حـتــاحـيـت *** تـلـقـا حــمـيـل الـبـن مـثـل النـثـايـل
قـلـتـه وأنـا عـن واجـبي مـا تـونيـت *** ذكــرت بـكـتـابـي جــميـع الـعـوايـل
وعـن الـلي عابوا عـزوتي ما تغبيت *** كافحـت كـل أهـل الـدّجـل والتحـايـل
يـامـا عـلـى الـدار الـبـعـيـده تـعـنيـت *** اجـمـع مـن تـراث القبيـلـه حصايـل
العـزوه الـلي فـي فـخـرهم تـبـاهـيـت *** اكـتـب مـفـاخـرهـم ولانـي مـسـايـل
الـعـزوة الـلـي فـي حـمـاهـم تـربـيـت *** زمّــلٍ يــدنّـى لـلـحـمــول الـثـقـايــل
من خيـبـر الحـرّه إلـى حـدود تكريـت *** داجـوا بـها الـويـلان فـوق الرحايل
من ديـرة الشنبـل اليـا منطـقـة هـيـت *** يرعـون من حطيّن لأرض السلايل
يرعـون في حـد السيـوف المصاليـت *** حـدب الظهـور المرهفات الصقايـل
مشوا بطريـق العـز فـي كـل تـوقـيـت *** سـتـر الـعـذارى نـاقضات الجـدايـل
وقال عبدالله بن دهيمش بن عبار هذ المقطع من قصيدة :
حـنّـا عنزة يـوم القوي يأخـذ الـبـاج *** نـقـدم عـلى كسب النفيـلـه اشمامي
حـنـا عنزة لا صار للغوش صرنـاج *** وحـل الـطـراد وثـار عـج وعسامـي
يـوم العـديـم لـحـربـة الـرمـح زرّاج *** نـدحـم على الصابور والرمي حامي
عـنـاز كان الشر بـيـن العـرب هـاج *** نـطـيحـهـم بالـكـون يـذهـب عـدامي
قلته وأنـا لي ياأبن الأجـواد منهـاج *** ذكـر القبـيـلـة مقـصدي هـو مـرامي
وقال عبدالله بن دهيمش بن عبار هذ المقطع من قصيدة :
حـيـثـك مـن الـلّي يذبحون المراديـم *** والحيل تـوضـع بالصحون التباسي
طـوالـعـه ريـف الضيـوف المعـازيم *** يوم الزمان اللي عـلى الناس قاسي
وعصر المغـاري يقطعون المخاريم *** عـلى النخاوي يشهـرون الحساسي
اليـا ثـارت الملحـا خـلاف المجـاهيم *** وبـدأ لـجـولات الـمـهـار احـتـواسي
والعج من وقـع الحـوافـر تـقـل غيـم *** وصار الضحى كنّـه ظـلام الدماسي
في ساعـة بـه غـالـي العـمـر ماسيم *** والـدم لنـحـور الـرجـاجـيـل كـاسـي
طـوالـعـه مـثـل الـسبـاع المـضـاريم *** عدوهم حدر تحت الحوافـر يـداسي
يـوم المـراجـل فوق حصن النواهيم *** عصر النضّى والخيل قبـل التكـاسي
وقال عبدالله بن دهيمش بن عبار هذ المقطع من قصيدة :
من ساس عزوه مابهم قول ساموح *** رجـالـهــم مـابــه مـعـايــب وذارب
ألا بـحومات الوغـى يرخص الروح *** ويدعس على خشم العدو بالجوارب
يـوم العـرب مـابـين ذابـح ومذبـوح *** والمرجله بضهور هـدف الغـوارب
طـوالـعـه كسـّابـت الـطيـب وطلـوح *** وجـمـلـة هـل المـلحا وكل الأقـارب
بنوا لهم فوق العلا بروج وصروح *** حــمـايـة الـساقـه وســاع المسارب
أفـعـالهـم يـوم البـنـادق لهـا ضوح *** والـكـل لـحـزامـه الـيـا صـال كـارب
وقـصيـرهم يحشم ولو زل مدموح *** عــنـه المعـادي يـبـتـعـد مـا يـقـارب
وقال عبدالله بن دهيمش بن عبار هذ المقطع من قصيدة :
خـلـف أبـن مـطـر مـبـاديـه جـــزلات *** حـيثـه مـن الـلي يكسبون النـفـيـلـه
مـن سـاس لابـه حـافضين الأمـانـات *** مبـطي لهـم فـعـل المـراجـل وسيلـه
مـاهـم من أصحاب العلـوم الـرديـات *** أفـعـالـهـم مـن حـمـد ربـي جـلـيـلــه
جـعـافـرة أهـل الـهـداف الـرفـيـعـات *** ريـف الهـواشـل بالسنيـن المحـيـلـه
جـعـافـره أهـل البـيـوت الـوسيـعـات *** يلـقـا بـهـا الـطـرقـي ذراه ومـقـيـلـه
جـعـافـره أهـل السيـوف الشطيـرات *** يجـدع بـهـا عـنـق المعـادي صقيلـه
جـعــافــره أهــل حـمــيّـه ونـخـوات *** مـاهـم مـن الـلي يشاورون الحـليلـه
جـعـافـره مـا يـصـدقـون الـدعـايـات *** من نفح هـرج أهـل العقول الضليلـه
جـعـافـره مـاهـم مـن أهـل الخيانـات *** وعــدوهــم مـا جـوه غـرّه وغـيـلــه
جـعـافـره مـا يـزرعـون الـحـــزازات *** ولا يـرقصّون أهـل القلـوب الهبيلـه
من ساس نسل عبيـد نعـم القـرابـات *** أولاد عـم ونـنتـمـي مـن ‎فـصـيـلـــه
أهـل الشجـاعـة والـكـرم والمـروات *** عـدوهـم مـنـهـم ا تــزاود غـلـيــلــه
يـنـحـون عـنـا كـل حـاسـد وشـمّــات *** ولا يجامـلـون أهـل العـلـوم الرزيله