الحلقه السادسة
46 وقال عبدالله بن دهيمش بن عبار هذ المقطع من قصيدة الجوابية :
والشكر موصول مني يرفع لكل السميه
من هل العليا الكرام ونعم برجال الشكاله
نعم بشخوص الرجال أهل المراجل والحميه
نعم في ضد الحريب أهل الشجاعة والبساله
في زمن عصر المغازي ما يهابون المنيه
سابق التاريخ مبطي بالفخر يشكر أفعاله
ذودهم يرعى القفاري بالصحاصيح العذيه
لو حصل دونه مخافة ذودهم يفلا بجالـه
والدخيل أيـزبنـونـه لـو عـليه أكبـر جنيـه
والغريب إلى نصاهم يفرح ويطيب فالـه
من مشى معهم تونس كنهم عصبه دنيـه
يدله وينسى القرايب يبتهج والقلب داله
من يطب رويل يدله ما نوى يرجع لحيـه
يبشر بعـز ومعـزة وكـل مقصوده يناله
سلمهم بالطيب مبطي عن سواهم به مزيه
من شكا ضيم الجوايح ما فقد مفقود ماله
والسليب يعوضونه عـقـب ما حاله رديـه
ريف من توخذ نياقـه يرجعون اللي غداله
47 وقال عبدالله بن دهيمش بن عبار هذ المقطع من قصيدة أثني على قبيلة الروله :
نـعـم الـرجـال الـلـي كـرام لـحـاهـمٍ *** النعـم بأهـل جـوف عمرو وما ظـم
مـا أظـن بـه داعـي نعـدد أسمـاهـم *** بـعـيـدهـم نـغــلـيـه كـنـه ولـد عــم
زبـن الـدخـيـل الملتجي كـان جاهـم *** الخـصم مـا يأتـيـه لـو يـطـلـبـه دم
يـوم الـقـبـايـل بـاللغـى مـا تـفـاهـم *** هـاك الـزمان اللي به المرجله خـم
يلـقى الـذرى مـن استكـن بـذراهـم *** مثـل الجبـال الشـامخـه بالعـلا شـم
والضيف يلقى أقـراه كـانـه لفـاهـم *** متعــوديـن لـقـول يـا ضيـفـنـا سـم
يشبع ويـملأ مزهـبـه مـن أقـراهـم *** يا بعـدهـم عـن كلمة العيـب والـذم
ويـا زيـن والـلـه لـلمـسيّـر نـبـاهـم *** صيـد الرجـال رباعهم تجـلي الهـم
عـلى فعـول الطيّـب ربـوا ضنـاهـم *** قصيرهـم مـا يشـكي الغـبـن والغـم
وعـن الـمـوارد مـا تـقصّر ادلاهـم *** وقـت الـلـزوم دلـيـهـم تـورد الـجـم
نطـلـب عسى رب العبـاد يحـماهـم *** دامـوا بـعـز وشـمـلهـم دوم مـلـتـم
48 وقال عبدالله بن دهيمش بن عبار هذا المقطع من قصيدة جوابيه يثني على قبيلة الرولة
وحمايل المعاقلة من حاضرة الدهامشة أهل الجوف :
جاني بحفل أهـل السعـة والرحابـه *** عـنـد الرجـال الـلي يشـرف لقـاهـا
بالنـزل الـلي كـل الشـرف يلتقـابـه *** الـلي بـفخرهـم نفـتخـر وانتـبـاهـا
أعـني رجـال رويـل ربـع الـشيـابـه *** الـلابـة الـلـي زاد عـنـدي غـلاهـا
الـلي أكـرمـونـا بكـل قـدر اوجـابـه *** بنفـوس يكفي عـن قـراهـا نـبـاهـا
ولا أنـت يالمنعـور من صلـب لابـه *** تشهـد لهـا عـدوانهـا واصـدقـاهـا
رجـالـهـم درب الـمـكـارم سـعــابـه *** مـعـاقــلـه فـوق الـعـلا مـسـتـواهـا
مـعـاقـلـة شجـعــان يـوم الـحـرابـه *** وديـارهــم عــدوهــم مــا وداهــــا
جـده عـن الضيفـان مـا صك بـابـه *** وجميع حضر الجوف ماحدٍ شناها
معيقـل نسل عيـاش ورث اعـقـابـه *** أسمـه بـقـي بالـديـرة الـلي ولاهـا
سليمـان وكبـيـدان صفـوة انجـابـه *** ودغـيـفـق الـلي دار جـده حـمـاهـا
تسلسلت مـن عـلي الأول انـسـابـه *** ساسه عـريق وعـزوته ما نساهـا
عـلي غـريـب الـدار مـا هـو زلابـه *** فـعـايـلـه كـل العـرب مـا اتخـفـاهـا
بالـكـون حـفـيـد الحـفيـد انـتـخـابـه *** وأهـل القصيم أفرادهـا وازعماهـا
وأن شـبـت الفـتـنـه وزاد الـتهـابـه *** والحـرب بالمـيـدان يسعـر لظـاهـا
وحـد الجمـل والحبـل زاد اكتـرابـه *** والـروح لحـياض الـمنـايـا حـداهـا
وتشـابـكـوا مثـل الضراغـم بغـابـه *** وحمي وطيس أنصارهـا واقبلاهـا
دهـامشـة ترخـص ثميـن الجـلابـه *** وتجلب رخيص الروح للي شراهـا
يتلون الـلي عـلم المراجـل مشابـه *** أخـو هـوا كـل الـمـفـاخـر حـواهـــا
مسـايـل الـوديـان حـمـوا هضـابـه *** بالذود اللي نبـت القـفـاري رعـاهـا
ألا ومـن جـاهـم يـدور الـكـسـابــه *** رجـع معـيـف ودارهـم مـا غـزاهـا
49 وقال عبدالله بن دهيمش بن عبار هذ المقطع من قصيدة جوابيه أثني على البجايدة:
مـن راس لابـة فعـلهـم مابـه أنكـار *** بجايده تخشى العـدا من أنخـوتهـا
وأن ثـارت البلهـا يبيعـون الأعمـار *** نعـم الرجال اللي الملامـة عـدتهـا
قـلته وأنا لك يا أبيض الوجه شكّار *** يا من أعـمالي بالوصايـف نعـتهـا
والمرجله يا القـرم من دونهـا طـار *** ولا كـل مـن يـبغـاه رجلـه رقـتهـا
50 قال عبدالله بن دهيمش بن عبار هذا المقطع من قصيدة يثني على قبيلة السبعة :
يا اهـل العـرفا مفاخـركـم تـجـدد *** بالتكاتف شلتـم الحـمـل الكليـف
مـا يهـمكـم الطـلـب مهـما تـعـدد *** في همتكم صـار مطلوبه خفيف
في خلال اسبوع بالوقت المحدد *** انتهت مدّى الوثيري والشريف
كـل منكـم بالعجـل بالبـنـك سـدد *** الغـني منكـم نقـل حمل الضعيف
وكـل مـنكـم مـا تـونّى ولا تـردد *** وكـل منكم صـار للناخي سعيف
وكل منكم عن لزومه مـا يصـدد *** مـا تـعـذر لـلـقـرابـه والـحـليـف
وكل منكم ضم جـهـده مـا تـبـدد *** وكـل منكم عنـد ابن عـمّه يقيـف
وكـل منكـم مـا رجـا المدّه تمـدد *** وكل منكم ما يطوله هـرج حيـف
وكـل منـكـم قـام للطيـب أيـتهـدد *** وكل منكم بالفـزع مالـه وصيـف
وكـل منـكـم بالقـرايـب مـا يـنـدد *** وكـل منكم يا أهـل العـرفا عـفيف
وكـل منكـم للأصاحـيـب أيـتـودد *** وكـل منكـم عـاقـل وقـلبـه نظيف
يا عسى بـيـت القبـيلـه مـا تقـدد *** بالشتاء يـذري وبالكنـه مصيـف
51 قال عبدالله بن دهيمش بن عبار العنزي هذه الأبيات يمدح قبيلة السبعة :
لـو وضع في جبهـت النـذل استكـر *** يكشـفـه مـن كـان غـرّه وخـدعـه
ينكشف سـتـر الجـحـود الـيـا نـكـر *** مـن جلـب حـظّه عـلى شان طمعه
الـبـشـر مـنـشـاه مـن أنـثـى وذكـر *** مـا تـلصّـق بالنسب تـقـل طـبـعـه
أصـلـنـا مـعـروف مـا حـنـا هـكـــر *** حـنـا عـنـزة مـابنا ضعف وضعه
كـل مـنـا الـيـا سـمـع نـاخـي سكـر *** ومـن لـجـأ مظـيـوم يـبشر بسنعه
كم بنـا فـارس عـلى السربـه يـكـر *** لـو تلاقى مـع هـاك الزيـر جضعه
الـصـقـور الـجـارحـه لـهـا وكــــر ** وماكـر الصيرم عن القـاع رفـعـه
والفـخـر والمرجـلـه ماهـي حـكـر *** كم خـايـب طيـب جـدّه مـا انـفـعـه
لـو نـشـدنـا رجـال تغـلـب أو بـكـر *** كـان قـالـوا لـيـت لـوكـنـا سبـعـه
حـيـث فـازوا بالـمـدايـح والشـكـر *** ومن يحـوش الطايـلـه حـنـا معـه
مـابـهـم الـلـي عـادته كـيـد ومـكـر *** عن طواريـق الـردى معهم سعـه
ولا بـهـم الـلي شـذ بعـنـاد وجـكـر *** كـل مـنهـم طـاب والشمـل جـمعـه
52 قال عبدالله بن دهيمش بن عبار هذه الأبيات مجاراه لقصيدة الشاعر
حمود بن عنيزان بن ناجم :
دام منـظـومـي هـبـوبـه مـا سـكـر *** وصل من يرسل جوابه ما اقطعه
يـوم أبــو طـلال وجـه لـي شـكــر *** قـاف أبـن نـاجــم مـرده نـرجـعـه
له رفعت الصوت في وضع سبكر *** واشـكـره بـعـداد رمـل الـمجـمعه
أنشـد التاريخ واعـرف وش ذكـر *** عـن هـل العـرفـا حـديـثـه تسمعه
بالـزمـن يـا حـمـود يحتـار الفـكـر *** مـن يـفـكّـر فـي زمـانـه يـسبـعـه
الـصـقـور الـلـي تـوكـر بـالـوكــر *** وكـرهـا وكّـر عـلـيـه الـقـوبـعـــه
ويـن مـن يـفعـل فعـول أبـن بـكـر *** أخـو جـحـله كـم صنديد صـرعـه
ويـن الـلـي لـلّشـر صـمـام وسكـر *** الـلـي الـيـا شـاهـد الشـق رقـعـه
ومن يـبي يبعـد عن سلوم الخكـر *** يـرفـع شـبـوحـه ويـبـعـد مرمعـه
مـن بـدأ يوقد على الـنـار ويـكــر *** شـب نـار الـشـر لأجــل يـولّـعــه
ومـن بـغى يصطاد بالمـاء العـكـر *** كف أبن مقرن على الخشم قمعه
والـذي يـا حـمـود لـجــدوده نـكـر *** بالنصيـحـه قـلـت لـلـعـاقـل دعـه
53 قال عبدالله بن دهيمش بن عبار هذه الأبيات يسند على زميله حمود بن عنيزان بن ناجم:
يا أبـو طـلال بـحـور شـعـري تطامـا *** وعليك أبي اسند ياحمود أبن ناجم
أشـوف الـلي عـن الحقـيقـه تعـامـا *** كلـن عـنـه يا حمـود صامت وباجـم
عـنـد الـذي شـرواك جهـدي تـنـاما *** لـكـن صديـع الـراس يحتـاج حـاجـم
فـيمـا مضى يـا حمـود يـامـا ويـامـا *** أبحث وأفـتش فـي سطـور المعاجم
سـجـلـت تـاريـخ الـجـدود الـقـدامـا *** الـلي لـهـم فـي كـل مـصـدر تـراجـم
صـيـد الـرجـال الـنـافـليـن العـدامـا *** يـوم الحروب ويـوم غـزو الأعـاجـم
يـوم العـرب والفرس صارت تراما *** بـالـنـبـل والـنـشّـاب هـامـرز هـاجـم
تـنـاخـوا الـشجعـان ويـن الـنشامـا *** والـريـق نـاشف مـا يـبـل الـبــلاجـم
بـكـر وضـنـا عــنّــاز دايـم تـحـامـا *** أدناهـم الـلي لخشم الأضـداد خـاجـم
عـزوة فـخـر دخيلـهـم مـا يـضـامـا *** صـال الخصيـم وعـاد للـغـوج لاجـم
خلـوا عـيـال احـرار فـارس يـتـامـا *** وصار بحنو ذي قار حذف الجماجم
القـشـع بالعـاصف غـصونـه تـواما *** وحـيـد الجبل مـا حـرّكـه كـل راجـم
54 وقال عبدالله بن دهيمش بن عبار هذ المقطع من قصيدة :
العـزوة الـلي مكـان القـفـر تـنجعلـه *** دار العـدا تـرعى مفـاليـه وأشجاره
جمع القبيلـه أولـف عنه وأطبع لـه *** وأعتز بالـلي بالفخر شاعت أذكـاره
وأصبح كتابي طالب الصّدق يرجعله *** مصدر نسب ما تنقده ناس قـمـّاره
والمجتهد زيـنـات الأعـمال تشفعلـه *** ولا يجحد ألا الذي طبع الغدر كـاره
55 وقال عبدالله بن دهيمش بن عبار هذ المقطع من قصيدة :
جـعـافـره خـصمهـم يـنحـون فـرسـانـه
تقـفي اعـداهـم مـن الخـذلان ممهـونـه
ياعـز منهـم بـوقـت الضيـق صـدقـانـه
ويا خيبت الـلي هـل الجـدعـا يعـادونـه
الـيـا زبـنـهـم جـلاوي زالـوا احـزانــه
وارقـابـهـم دوم دون الجـار مـرهـونـه
56 وقال عبدالله بن دهيمش بن عبار هذ المقطع من قصيدة :
من راس لابـه يوم عصر المطاريد *** يـروون حـد المـرهـفـات الحـدايـد
لـهـم عـلى سـرد السبـايـا مـلاكـيـد *** يـوم العـرب كـلـن عـن حماه ذايـد
أولاد صـقـر تـكـبـد الخـصم تكـبـيـد *** نـطـيـحهـم يـروح جـمعـه هـبـايـد
اعـتـز بـالـويلان مـن دون تـفـريـد *** شـيـابـهـم وصـغـارهـم بـالـمهـايـد
الـلابـه الـلـي يكسبـون الـتحـامـيـد *** ويـلان شـاد بـفـعـلـهـم كـل شـايــد
هـل السمـوت مبـهـريـن البـغـاديـد *** رجـالـهـم لـو نـوشـح الـزاد جـايـد
في كل ديرة من ضنا سهيل وعبيد *** وبني وهب وجلاس من عقب زايد
بشـر وضنـا مسلم سقـام الأضاديـد *** معهم عـلى طيـب الفعايـل شهـايـد
أولاد وايـل لـلـعــدا بـالـمـراصـيـــد *** ذربـيـن مـاهـم خـامـلـيـن وبـلايــد
يـوم الجماجم مثـل حـذف الجلاميـد *** بالكـون واجسـاد الشفـايـا نضايـد
يـسـقـون لـلعـدوان سـم الـعـرابـيـد *** ومن ذودهم ما يقـفي الخصم فايد
وكم طرش قـومٍ روحوبـه عراجيـد *** ويحذون مـن ذود المعـادي رفايـد
قطعانهم بأرض الفلا تسيد واتميـد *** بالقـفـر مـا تخشى صباح وهجايـد
مـن قـبـلي الـحـرة لـدار الأكــاريــد *** تـرعـى بـضـل معـاقبـيـن الجنـايـد
عـن شفهـم مـا راعـهـم كـل تهديـد *** نـطـيحهـم بـالـكـون مـالـه شـرايـد
افـعـال مـاضيهـم عـلـيهـا شواهيـد *** الـمـجـد بـاقـي والـمـفـاخـر تـلايــد
57 وقال عبدالله بن دهيمش بن عبار هذ المقطع من قصيدة :
مـن لابـة يـوم الشـوارب مكـالـيش *** الـلـي يـنـاطـحـهـم جـداه الـنـيـاره
يـوم المـوازر صـوتها لـه لـواليش *** دلاق هـم عـوق الخـصيم ودمـاره
واسنادهم جـمع البطيني هـواويش *** سقـم الحريـب وبالحرايـب سعاره
اللابـه الـلي يـكـرمـون الهـواتـيش *** يـوم بـه الـمـسـعــر قـلـيـل دبــاره
عـاداتهـم مـا يـذبحـون الكـرافـيش *** كـود السمين الـلي عريض فـقـاره
ما يحضرون الكيل في قـلة الخيش *** يـوم الـردي كيسه يجّـود اصـراره
58 وقال عبدالله بن دهيمش بن عبار هذ المقطع من قصيدة :
منسوب من لابه مشاكيل واشـراف *** لابة هل العشوى تخـوّف اعـداهـا
مطارفـه بالكـون يـروون الأسيـاف *** كـلـن خـبـر يـوم النـفيشي نخـاهـا
بالكون تلقا سيوفهم ترعف ارعاف *** وافعـالهـم بالطيـب نظهـر ثـنـاهـا
اليـا زمـى العايـل يعسفونه عساف *** عـدوانهم بالكون تقـصر اخطـاهـا
نعم بهـل العشوى بعيدين الأهـداف *** والنعـم فـي فـرسانهـا واعـقـداهـا
الضيف يقـرونه مهاجيـل واخـراف *** وقولت هـلا للضيف ملحة قـراهـا
كم قلطـوا عيـت المفاطيح بصحـاف *** يـوم المساعـر تـنعـدم من غلاهـا
ويوم الحرايب والمغـازي والأنكاف *** والهجن تشكي ضيمها من حفاها
يتـلـون شيخ لـه تـقـالـيـد واعـراف *** مضرب مثل في كل رمعه هقـاهـا
نسـل السحالي من مقاديم الأسلاف *** وحـمـود خـمـلات الـرفـاقه رفاهـا
حيص الزمن يشيل حمله بالأكتـاف *** ولـو غط ضلف بغاربه ما شكاهـا
59 وقال عبدالله بن دهيمش بن عبار هذ المقطع من قصيدة :
غـوش عـنزه ريف البداة الهواشيل *** كان اخـتفى محصول نـاتـج سبلهـا
عـاداتـهـم صـد العـصـاه المـغـالـيـل *** لا نـقضت هـنـف العـذارى اقـذلـهـا
مـضالـهـم يـوم المـراجـل مـفـاعيـل *** كـم مـن حليلـه فـجـعـوهـا بـرجلهـا
يـوم الجنـب عـنـد أمهـات المخاليـل *** أولاد وايـل فـعـلـهـا مـا فـشـلـهــــا
قـطعـانهم تـرتـع مـن سلـوك للهيـل *** وحتى حـمى الحويان تفـلا بدغلهـا
مـن غـربي الحـره اليـا ديـرة ثميـل *** باجوا جميع حـزومـهـا مـع سهلهـا
المـجـد يـدرك بالسيـوف المصاقيـل *** والطيب ما هـو فـي مـزاييـن بـلهـا
كسب المـراجـل بالـرمـاح المنابـيـل *** الـلـي منـاعـيـر الـرجـال أيـهـبـلهـا
مبـطـي فـخـرنـا بالسنيـن المساميل *** عـادات أهلـنـا مـا نـدوّر بــدلــهــــا
يـامـا بـوايـل مـن نـوادر مـشـاكيـل *** مـا زايـنـوا بـالـنوق فـي محـتـفـلهـا
منهـم عقاب الخيل من خلفت شعيل *** مـا يـنـطـح كـان الـشـوارب فـتـلهـا
ومشعـان أبـن هذال يـوم المصاويل *** يـامـا صـوابـيـر الـمعـادي عـزلـهـا
وأبـن بـكر مشعـان ذيـب الرجـاجيل *** الـغـافـلـه مـا يـوم قـالـوا عـقـلـهــا
وبرجس غديرالموت فوق المشاويل *** اليـا عـثـا بالـقـوم يـرمـي بـطـلـهـا
وجملت ضنا عـنـاز ماهـم مساهيـل *** مـن جـالهـم مـظيـوم يـدلـه ويـلـهـا
60 وقال عبدالله بن دهيمش بن عبار هذ المقطع من قصيدة يثني على التواجر :
تـواجـره بـجـوارهـم يـدلـه الـجــــار *** ومتـمسكيـن بـديـنـهـم والعـقـيـده
تـواجـره تـاريـخـهـم عـم الأقـطــــار *** لـهـم مـفـاخـر مسمـلات وجـديـده
سلسـل نـسبهـم مـن مـفـرج لـجـبـار *** الجـد يخـبـر بالمـنـاسـب حـفـيـده 61 وقال عبدالله بن دهيمش بن عبار هذ المقطع من قصيدة :
بكـم أفتخـر واطـول والقول صايـب *** مـا هـو تـملـق بـالكـلام ودعـايـات
أقـولـهـا وأفـعـال ربـعـي عـجـايــب *** عـنـاز نـكتـب مـجـدهـم بالسجـلات
شجعـان يـوم الـذود يحمى بجنايـب *** بالعصراللي سلمه مغازي وغارات
يـرعى دبـشهـم دوم بالقـفـر سايـب *** حامينه بحـدب السيوف الرهيفـات
أولاد وايـل مـا رضـوا بـالـغـلايــب *** كانوا على باشات الأعجام باشات
خـلفـت نـزار ومـن ربيعـة صلايـب *** يـا مـا بـرز حـكـام منـهـم وسـادات
ولا أحـط فـي بـاقي القبايـل معايـب *** الـلي بهم من سلم الأجـواد عـادات
62 وقال عبدالله بن دهيمش بن عبار هذ المقطع من قصيدة يثني على الفرحان :
أشكر نسل فرحان في كـل الأحـيـان *** العـزوه الـلي فـي لـقـاهـم تـهنـيـت
أهل الكرم والجـود والقـدر والشـان *** عاداتـهـم ذبـح المهاجيـل والعـيـت
الشكـر والـعـرفـان لـعـيـال فـرحـان *** مـن مارثة جلعـود يا حي ما طريت
الـلابـه الـلي مـن صماصيم حمـدان *** فـخـذ العمايـر ساسهم كـان قـصيت
سلايل حضيري حـمـايـل وشجـعـان *** مرويـن حـد المرهـفـات المصاليت
حماية الريشا عـلى الخيـل فـرسـان *** يوم اللقاء عـوق العصاه الـزناتيت
رجـالـهـم صـنـديـد للخـصـم مــالان *** لا صار طعـن يـفتت العـظـم تفتيـت
وأعتـز في عـنـاز حضـره وبـدوان *** العـزوه الـلي مـا شنـوها الشواميت
من خيبر الحـرة إلى غـور بـيـسان *** ومن ديـرة البصرة اليامنطقة هيـت
داجوا بها الويلان بالسيف شامـان *** وعـلومهم بالطايلـه مثـل ما اوحيت
63 وقال عبدالله بن دهيمش بن عبار هذ المقطع من قصيدة يثني على الجعافره :
مـن لابـةٍ تـروي شـطـيـر السنـانـي *** جـعـافـرة كـعـم الـمـعـادي وعـوقـه
اليا اعتلـوا من فوق كـور العـمـاني *** رجـالهـم مـا يـقـرب الخـصم نـوقـه
أهـل بـيـوت مـشـيـده بـالـبـيــانـــي *** ومـن ضافهـم هبـر الهـرافي ريوقه
التعديل الأخير تم بواسطة عبدالله بن عبار ; 09-04-2021 الساعة 07:24 AM
|