38
من شعر عبدالله بن دهيمش بن عبار هذه القصيدة في قبائل عنزة :
اعـتـزي بأهـل المـهابـه * ربـعي هم عـز القرابـه * حمر النواظـر لي لابـه
وافخر لا قالوا فدعاني
ربعي في وقت اللّـوازم * عادتهـم شد المحـازم * واحدهـم لـلجـزلـه جـازم
يرضون القاصي والداني
نـعـم برجـال المنيعي * عـلي ومهـيد الشجيعي * والروس حـمات القطيعي
ونعم اليا قيل شميلاني
والنعـم اليا قيل مهيدي * والروس سقام الضديدي* وعلي يزهاه الحميدي
سلايل جبل شجعاني
والـنعـم اليا قـيـل شميلي * اهـل الجمـع الثقـيلي * دايـم ضـد الـلي يـعـيـلي
كشور وجمع الجذعاني
وفريضي يا نعم الطاري* منهم عزوة سيف الساري* سيافا بفعلهم نماري
مسعود ومنصب فرساني
وميس وهضبي وضحوه * وعيال العود أهل أنخوه*بالواجب مابهم سهوه
عادتهم تكريم العاني
ونعم اليا قالواحنتوشي*وخلف واحدهم يشوشي*شجعان الياصارالهوشي
غضيور وايضاً القلفاني
والنـعـم اليا قـيـل غبيني * ونسل عـواد الـوافـيني * مع الفزران الذربيـني
جـدعـه ضـد العـدواني
ومـويـعـز نـعـم السمـيـه * وصيـاح رجـال الحـميه * عـصبه لمحمد دنـيـه
من نسل جديع وجدعاني
والنعم اليا قيل خريصي*على المراجل حريصي * وأن حل الأمر العويصي
ضد العايل بالميداني
خيـال البـلهـا كثيـري * ولحيـده عـز القصيري * ومـزرع باليوم العسيري
والنعم بجمع عرباني
وعـنـزة نـعـم القـبـيـلـه * الحـمـل معـكـم تشيلـه * أهـل الأفـعـال الجـلـيـلـه
والنعـم بكـل الـويـلاني
ضنا عبيد عصابة راسي*وعمارات أهل النوماسي*جميع وهبي وجلاسي
بالشدّة كلهم اعواني
والنعـم اليـا قيـل سبعـه * يسعـد حـظ اللي هم معه * رجالهـم الفعـل رفعـه
لا حـل مناخا الغـلماني
جمع بطيناتٍ وعبده * راعي العرفا الكل حمده * من لاقاهم طـاح سعـده
والنعم بمزبان الواني
ونعم بعيال العـمومه * أهـل الحميه والشومه * هم ردع اللي براسه زومه
عزوتنا ولد سليماني
أهـل الجدعا اليا لفـوا * قلنا لأهـل الجدعا كفوا * يامـا وياما معـنا وقـفـوا
خلفة علي وعلياني
وعيال سهيل القرايب * يثنون اليا هاب الهايب * شجعان ولا منهم خايب
نعم بذربين الأيماني
منهم شغاميم الجبـل * عـادتهم يحمون الأبـل * يـوم المشّـوك لـه نبـل
نعم بصقور وحبلاني
ودهمش نعم الأسودي * سلايل علي وجلعودي * وسويلم عوق اللدودي
والنعم بعزوة سلطاني
والسلقا عزوة سلامه * مطرف عدته الملامه * وعقب جني أهل الشهامه
والنعم بجمع الشملاني
وسلايل جبـر حمايـل * وحسني ريـف النزايـل * عـادتهـم كسـب الجمايـل
والنعم بكل مضياني
ومسلم جلاسي ووهبي * من نسل جـدي وعـربي * نعم بالكهل وبالصبي
ونعم بشباب وشيباني
نّـعـم بثـمـان البـدايـد * كـل جلاسي خلفة زايـد * جـمع رويل أهل العوايد
ومحلف مابهم هداني
مرعض وفرجه وقعقاعي*واحدهم بطل شجاعي*وكواكب وقت المفزاعي
والنعم بجمع الدغماني
ومحلف مشجع ونجادي * عبادل لانادى منادي *مع سالم لاحضر طرادي
نعم بضهور السواني
ووهب منهم شرعب كبر * والولدعي طيبه عبر * حمايل والناس تخبر
والنعم بجمع النبهاني
والنعم بجمع الحمادي *وذري اليا صار طرادي * ومفرج ضد اللي يعادي
يفرون نحور القوماني
والنعّم بما جاب منبـه * فعـل الحسنه انعجـبّـه * والفقيري ما أحـدن سبّه
من راشد له علم باني
وخمعل الحجري وصقيري *نعم بزبن المستجيري*لا حـان اليـوم الكبيري
شجعان بيوم الأكواني
وأفخر في مسلم مع بشر * فخرهم سجلّه نشر * كلنا بعنزة خشر
والنعم بجمع الهزاني
وقال عبدالله بن دهيمش بن عبار هذ المقطع من قصيدة :
أنـظـم اللابـة مثـل نـظم خـرزي *** في نسب به يفتخر كهل وصبي
أنـا عنـزي وايـلي نسل عـنـزي *** أتـشــرف وأتــفـاخــر بـنـسـبـي
افـتخـر بسهيل وبعبيـد اعـتـزي *** وأستعـز بكـل جـلاسي ووهـبي
وأفخـر بهـزان ما ساسه خـزي *** وعـنـز وعميـرة وبكـر وتغـلبي
وعن ذكر طاري ربيعه ماعزي *** قيسي وضبعي ونـمري وأكـلبي
يوم كسرى على ذي قار يغـزي *** نصر قومي شاد بـه حتى النبي
صـار بالـمـيـدان للخـيـل لـززي *** والهامرز اقبل على مثـل الظبي
صاح يطلب من يبـارز مـا لـزي *** قال أبن مسعود أبشر وش تبي
رمح حارث حط في جوفه مزي *** وأرتـمى من فوق صفراه يحبي
بالوغى الباغي على فعله جـزي *** وفي ربيعـة يفتخـر كـل عـربي
40
قال عبدالله بن دهيمش بن عبار هذا المقطع من أحد قصائدة :
حكـم النسّب نصـت عليـه الأحاديث *** بالشرع وضحـه الـرسول بحديثـه
من نـوح لإبـراهـيـم اليا آدم وشيث *** جـد الـعـرب بـاقـي لـيـوم البعـيـثـه
كـان عـنـزه لـهـا تــراث ومـواريـث *** مـا تاجـد الـلي مـا يسمّى بـوريـثـه
تـاريـخـنـا مـا حـرفــوه الــبـواحيـث *** قـبـل يحكـم شـريـف مـكـه رميـثـه
ماضي نسـب عـنـاز مافـيـه تحديـث *** مهمـا اجتهدنـا بالبحـوث الحثيـثـه
بعـض البحوث تلـوّث الأصل تلويـث *** الـلي أودعت شمل القبيلـه بثـيثـه
لاباس في غرس النخل عقب تجثيث *** ويسقـى بـتنقـيـط الـرذاذ ودثـيـثـه
والأصل قصر وبـه زخارف وتأثيـث *** مـاهـد ساسـه مـن يحـرّث نـبـيـثـه
والـلي يحـرّث بالـي الرمس تحريـث *** مجـد عـنـزة بـالطعـس ودّه يديثـه
الصّـدق عـنه أبعـد من ديـار تثـليـث *** عن ديـرة الجوبـه جنـوب الدميثـه
بـه فـرق مابـيـن النحـل والبراغـيث *** والطيـر يـفـرق نـادره مـن بغـيثـه
بـعـض العـلـوم تخـبّـث البـال تخبيث *** صار أيتحدّى الـلي هـروجه نكيثه
41
قال عبدالله بن دهيمش بن عبار هذا المقطع من أحد قصائدة :
من شذ عـن ربعه عقوق وقطاعـه *** لابـد شـنـعـات الـسـنـيـن اتـحـبـلـه
ومـن بـه حميه دون ربعـه دفاعـه *** ربـعـه الـيـا شـان اللغى محـزمـلـه
والـلي شمل ربعـه يريـد اجتماعـه *** يـجـمع شتـاتـه بالهـدف مـا يـفـلـه
الـبـيـت مـا يـذري بـلـيـا شـراعــه *** ولا تـمسك الـروقـات كـود الأخـلـه
والـلي لعـدوانـه يسـوق الـرتـاعـه *** وعـلى ابـن عمـه دوم سيفه يسلـه
تقصر عن فعـول المراجل ابواعـه *** طمـن وهـان ومطـلـبـه مـا حصلـه
المـجـد يـدرك بالـكـرم والشجـاعـه *** ومـن ينتبـه عـرق الحمايـل يـتـلـه
لــي لابــةٍ مـنـزالـهــم بـالـرفـاعــه *** عـزوة فخر ما هـم عصابه وشلـه
تشهد لهـم بالطيب مضر وقضاعـه *** وأحـفـاد يعـرب مجـدهـم شاهـدلـه
يوم الزمان الـلي تهـارش اسباعـه *** والعـوص بالـمـيـدان مثـل الأهـلـه
عـدوهـم يـصـيـب قـلـبــه رعـاعــه *** وصديقهـم مـا يشتكي مـن مـمـلـه
أعتـز وافخـر وأعتـزي بالجمـاعـه *** والرجـل ربعـه هـم سياجه وضلـه
سجلت ماضي مجدهم عـن ضياعه *** لـو الـفـخـر مـا ينحصي بالسجـلـه
بـذلـت مجهـودي بـكـل استـطـاعـه *** لا يـفـرح الشامـت بـهـفـوه وزلــه
ومن يجتهد باخلاص ياخـذ مناعـه *** عـن نفح هرج اهل القلوب المغلـه
عـنـد الحـمايـل مـا تضيع الوداعـه *** والحيد يرسي مـا نزح عـن محلـه
ولانـي بـحـال مـروجـيـن الأشاعـه *** اهـل الـهـروج الـضالـه والمـضلـه
42
قال عبدالله بن دهيمش بن عبار هذا المقطع من أحد قصائدة :
قررّت أبي أواصل مسيري وصممّت *** عـلى المسيـر وكـل جهـدي بـذلتـه
دونـت مـن بـحثي حـصيلـه وقـدّمـت *** ناتـج ثـمـر غـٍرس جذوعـه شتلتـه
ما جبت من عندي دعاوي ورهّـمت *** وضّحت كامـل مصدره مـا انتحلتـه
صرّحـت بالـقـول الصحيح وتكلمّـت *** والـلي وجـدتـه بالمصـادر نـقـلـتــه
مااخطيت في حق السميه ولاأجرمت *** ولاجمع عن جمع الجماعه عزلته
دونـت مـاضي عـزوتي مـا تـنـدّمـت *** واعـتـز بـالـلـي للـقـبـيـلـه فـعـلـتـه
مجدّت بشخـوص الـرفاقـه ونعـمّـت *** بهـم أعـتزيـت وفـعلهـم مـا جـهلتـه
كـمّـلـت تـاريـخ الـقـبـيـلـه وتـمّـمـت *** وعـن الغلـط فحـوى كتـابـي كـفلتـه
دونــت واقــع لابــتـي مـا تـوهـمـت *** فـي كـاهـلي حـمـل الأمانـه حـمـلتـه
سجلت عـن ماضي ربيعـه وعممّـت *** ومـا عـقـبّـه وايـل بـمـدحي شملتـه
صابر عـلى طول المدى ما تهضّمت *** واللي اعتزى من عزوتي ما خذلته
مهمـا تعـبت مـن البحوث وتـغـرّمت *** رغم التعب حملي على المتن شلته
مقصودي أبي انجز مهمّه بهـا قمت *** والحمـد لـلـه عـالـي القصـد طـلتـه
مجهد وعـن كـل المواجيب ما نمـت *** ولا اقـول فـزت وكـل مجهـد نـفلتـه
حلفت بالـلـه والي العـرش واقسمت *** أن الـمـجـال الـمشتبـه مـا دخــلـتـه
43
قال عبدالله بن دهيمش بن عبار هذا المقطع من أحد قصائدة :
أرتّـب فـروع الحـمايـل وأنـسقـهـا *** أبحث عن أمجادها وبالطرس أدونها
سجلت تاريخها وماضي سوابـقهـا *** أفخر بها وأعتزي وأذكر محاسنها
أسجـل أنـسـاب القبـيلـة وأوثـقـهـا *** ولاكل من خاض بالأنساب يتقـنهـا
وثـايـق أنسابهـا تـعـرف حقـايـقهـا *** كل المصادر عـلى الأشهاد تعلنهـا
معـروف تاريخها وتعرف معامقهـا *** قبايـلٍ طيـبهـا مـن طـيـب معـدنهـا
عنـاز فـي قـبلي الديـرة ومشرقهـا *** معـروفـه بجـدهـا لا فـي مساكنهـا
أولاد وايـل لـو تـبـاعـد منـاطـقـهـا *** من سابق العهد ديرة نجد موطنهـا
عصر المغازي ترد حقوق واسقها *** وفي كل ديـرة ربيع وريـف تقطنها
تشهـد لها سيوفها وتشهد بنادقهـا *** يوم الفوارس عزيز الروح ترهنها
ريـح الفتايـل تـفـوح بأنـف ناشقها *** والكل لأخصامه الحشوات يسحنها
شجعـان يـوم الوغى تلفح بيارقهـا *** أدناهم الـلي صـدور القـوم يطعنهـا
سـرد السبايـا اليـا لاحـوا معارقهـا *** الكـل منهـم عـلى السربات مـرّنهـا
كـل أبـلـجٍ يشعف ذلولـه ويدعـقهـا *** عـلى المعادي أنغام النصر هيجنها
كم روح زابن عن أخذ الثار تعتقها *** الجالي الخايـف المظيـوم يـزبـنهـا
ما خانت أصحابها والـلي يصادقها *** تـعتـز صـدقـانهـا واتـذل خـايـنهـا
من طبع الأجـواد ما تنفى لواحقهـا *** السلّم والعـرف لهم حقـوق قـنّنهـا
نعـم الـرجال الـلي تشيل بعـواتقهـا *** اللي الصبر طبعها والطيب ديدنهـا
تتعب على الجود والأموال تنفـقهـا *** صدقـانهـا بعـز والعـدوان تمهـنهـا
مـفـاخـر أمجـاد القبيـلـة انـطبـّقـهـا *** على الحقايق ويشهد مـن يعـاينهـا
أقـوالـي الفـاهـم المـدرك يصدّقـهـا *** ولاني بحال مغـّفّل الناس وأرعنها
نفخـر بعزوة عسى الله مـا يفرقهّـا *** الـلي يـبي عـزهـا يسعى بتـظامنهـا
بـيـت القبـيلـة خـلولـه مـا يـفتـقّهـا *** ألا نـحـيـس تـجّـزع مـن تـعـاونـهـا
44
وقال عبدالله بن دهيمش بن عبار هذ المقطع من قصيدة :
تـرى جـدنـا عـامـر تسـمّى عـلى عـكـّاز
طعـن بالعصا العايـل ولا فـكـه احسامه
قبـل وقعـة الأغيـال وقصـة جبـل خـزّاز
وقـبـل مـنـاخ الـزيـر هــو وأبـو دلاّمـه
تـرانـا بـني وائـل بعيـن العـدو مـخـراز
لنـا أمجـاد من يكتب بها تتعب اقـلامـه
تـرنـم بـه الـحـادي وغـنىّ بـه الـرجّـاز
لحـون الفخـر بامجـادنـا تـنشد انـغـامـه
صناديد يـوم الخيـل فـي مطـّرد والـزاز
مغاويـر يـوم الـروح تجلـب لمن سامه
تـزول الجبـال ولا تـزحزح نسب عـنّـاز
لـه الفيـن شاهـد بـيـن باحـث وعـلاّمه
نسبنـا كضلع طويـق راسي ولا يـنهـاز
أمجد وافـاخـر بـه وانـا شامخ الهـامـه
45
وقال عبدالله بن دهيمش بن عبار هذ المقطع من قصيدة :
أصـلـنـا ثـابـت موثـّق ومعـروف *** حتى عند الـلي عبد دين المسيح
حنا عنزه يـوم كان الوقت خـوف *** نحـمي القطعـان بالـدو الفسيـح
من قبيله مـا تهـاب مـن الحتـوف *** مـن يلاقي جمعهـم ياقع طـريح
طبعنا ندعس عل روس الحظوف *** والضراغـم مـا يخـوفهـا النبيح
فعـلـنـا مبـطي مسجّل بالحـروف *** مـا نـبي تلفيـق يكفـينـا الصحيح
يوم حـرب الفرس كنا بالصفوف *** مع بـني بكـر حمينا الـلي تصيح
الـمـفـاخـر بـالـرمـاح وبالسيوف *** وهمّة الشجعان في دحر النطيح
جـارنـا يـدلـه ونـفـرح بالضيوف *** يوم غلو الـزاد والمسعر شحيح
كـم منـا ريف من يشكي الظروف *** مثـل من صوّت بزاده في شبيح
الصخي عـز المحاويج الضعوف *** الكـريـم أبـو المحـرول والكسيح
نفتخـر بالـلي عـلى ربعه عطوف *** الحليـم وصاحب القـلب النصيح
ولا بـنـا عـن باقي الأجواد نـوف *** بالعـرب من طاب يظفر بالمديح