وقال عبدالله بن دهيمش بن عبار هذ المقطع من قصيدة :
يـقـول ابـن عـبـار فـي نـظـم قـيفـان *** أعربت من عـذب القرايض أعرابي
فكـرت بالدنـيا وبـالعـصر الـلي كان *** وسجلـت مـاضي لابـتي فـي كتابـي
الـلابـة الـلـي بـالـقـبـائـل لهـم شـان *** مـجـد الكهـول أستورثـوه الشبابـي
عـقبان تنجب عبـر الأجيـال عـقبـان *** فروخ الصيارم ما خلطهم غـرابـي
مـن نجـد للبلقـاء إلـى حـدود لـبنـان *** يرعـون قـفـر وجمعهـم مـا يهابـي
يشهد لهـم تدويـن موزل ورضـوان *** وابـن سـنـد يشهـد لهـم والشهابـي
شاهدهم التاريخ فـي ماض الأزمان *** وأمجـادهـم مـا تنحصي بالحسابـي
لو شملهم في خمس الأقطـار شتان *** مـا قيـل عنصرهم مع الغـيـر ذابـي
بشـر وضنـا مسلم مدابيس الأكوان *** مصدر فخرنا ولا على الناس غابي
منهم وهـب وجلاس ذربين الأيمان *** وعـبيـد وعـمـارات صفـوة أقرابـي
من صلب وائـل ما بهم قول جحدان *** مـن مارثـت عـنـاز زاكـي الجـنابـي
كـانـوا ولا زالـوا لـلأمجـاد عـنـوان *** أفعـالهـم تـدعـي الـفخـر والعجابـي
ويلان مـن ويلان مـن ساس ويلان *** من هازهـم عـن طاري الكون تابي
من معد من نزار مـن صلب عدنـان *** صفـوة ربيعـة ساسهـم مـا أيعـابـي
يـا مـا بربيعـة مـن مقـادم وشيخـان *** ويا مـا بهـم مـن كل بطل وصحابي
28
وقال عبدالله بن دهيمش بن عبار هذ المقطع من قصيدة :
والـلي جحـد ملـزوم نلفـت أنظـاره *** لأمجــاد وائـل يـوم خـز المعـاشيــر
أولاد وائــل مـا حـصـيــنـا أخـبــاره *** ولا أقـدر أعـد شيوخهـم والمخاتيـر
بالقحط كان الروض بـادت أشجـاره *** وأعجف سنام اللي شحمها قـناطير
ريـف الغـريـب الـلـي لـفـاهـم زيـارة *** عـز الهـواشـل والـوفـود المساييـر
بـقـبـالهـم فـنجـال يـنـفـح ابـهــــاره *** يـفـوح مـن صفـر الـدلال المباهيـر
وبـعـده سميـن الحيل فـوّح أكـتــاره *** هـذي عـوايدهـم إلـى نـوشح الميـر
طبـع الـكـرم سلـم الحـمـائـل وكــاره *** مـن قـبـل تقـليـط الـذبـايح بقصديـر
أهـل الشهامة والصخـى والجسـارة *** جـادوا كـرم مـا هـو تـملـق وتبـذيـر
ستـر الهنـوف اليـا تكشـف أخـمـاره *** شـم الأنـوف النـافـلـيـن المـناعـيـر
وراعـي الفخـر فعـلـه يـرد أعـتبـاره *** وكـل القبائـل مـا بهـم قـول تقصيـر
والحـق نـوره مثـل ضـوح المـنــارة *** والـلـي نـسـي لابـد يحـتـاج تـذكيـر
والـلي يـسـب النـاس يـلـزم انـــذاره *** عـن الخطـأ يعطـا نصيحة وتحذيـر
29
وقال عبدالله بن دهيمش بن عبار هذ المقطع من قصيدة :
أولاد وايـل عـلـمهـم مـلي الأسمـاع *** تاريخهـم فـي كـل الأقـطار شـاعـي
اهل الصحون اللي غميقات ووساع *** اهـل البـيـوت الشامخـه والـرباعي
رجـالـهـم مـا هـو لـلأمـوال جـمـّـاع *** يـكـرم الـيا شـح البخـيـل القطاعـي
رجالهـم وأن جوا مهاجيف وأجيـاع *** يقـفـون من عنده ضيوفه أشباعي
رجـالـهــم بـالـكـون لـلـضــد قــمـاع *** عـوق العديم الـلي براسه زعاعـي
رجـالـهـم مـا يـقـبــل الـظـيـم بــزاع *** الـيـا ضرب مـن كـفــه الـدم ثـاعـي
رجالهـم مـن عـيلـت الخصـم جـزاّع *** لا شـك للصاحـب كـريـم الطبـاعـي
رجالهم يـوم الـزمن كـون وأصـراع *** يـرهـب عـدوه كـان حـل النـزاعـي
رجـالـهـم يـستـافـي الحـق بالـصـاع *** شجـاع يـوم المـرجـلـه بالـذراعـي
ربعـي الـيا جـرد مـن الغــمـد لـمـاع *** يـا مـا بهـم من كل قـرم وشجاعـي
وأن صالـت الخيليـن والجـمع فـزاع *** وتعـاقـبـوا بالـلي يـقـص النخـاعي
حـمايـة السـاقـة طـويـلـيـن الأبـواع *** كـم شيـخ لابــه فـدعـوبـه فــداعـي
والعايـل اللي تاه عـن درب الأسناع *** وسلـك مناهيج الغـوى والضياعـي
لـو زام يـرجع عـن نـويـه وينصـاع *** وينقـاد في حبـل الرسن والخناعي
مـن زام يـلقـونـه صنـاديـد وأسبـاع *** ويصبح عشى لمهرفات الضباعـي
ترعـى هيت في ظلهم شقح الأقطاع *** ويا سرع فزعتهم اليا صاح راعي
حـاميـنهـا عـن كـل غــازي وطمـاع *** وبسيوفهم يرعـون قـفـر المراعي
صالـوا وجالـوا فـوق نسّاع الأكواع *** فـوق النجايـب والهميـم الزعاعـي
قـدم الجهـام أستجـنبـوا كـل مطواع *** مـا فـوقـهـا إلا شدادهـا واللـواعـي
قـاد الـنـشيـر وسـار لـلـرحـل تـبـّاع *** وخالط صهيل الخيل حس المتاعي
يـرعـون فـيجـان البـراري والأرياع *** فـي كل دار أدوى ظعـنهم وزاعي
مـا ردهـم عـن مـرتـع الـقـفـر منـاع *** تسمع لهم برض المخاطر شياعي
داجـوا وراجوا في بعـيدات الأصقاع *** ولهـم طوارف فـي جميع البقاعـي
ويا مـا تمشـوا مع سماهيد الأجراع *** عـلى هـوا الـبـل كـل يـوم أنتجاعـي
ويا مـا أخذوا بـديار الأجناب مرباع *** بـيـن الحـزوم النـايـفـه والتـلاعــي
30
وقال عبدالله بن دهيمش بن عبار هذ المقطع من قصيدة :
أولاد وايــل يــوم لـلـخـيــل رجـــّاف *** يرمون لوحوش الضواري علفهـا
زبـن الدخيل مرويت عـلط الأسيـاف *** نالـوا فخـر عـز الرجـال وشـرفهـا
ترعى بهم دار الخطر حـم الأشعـاف *** قطعـانهـم عـن نـوهـا مـا حـرفـهـا
مـن دونهـا تـلـقى الشعـاليـن وقـاف *** ما أحـدٍ يجيها والجنب في طـرفهـا
اللابـة الـلي من قـرب جمعهم خـاف *** كـتـر الجمـوع إلـى تـقـدم سلـفـهـا
وكم غازي أنكف ومن ذودهم عـاف *** قـال أرجعـوا عـنـهـا ونلقـا خلفهـا
جـرّب وعـوّد بالعجـل عقب ما شاف *** طعـن الرماح اللي الغوالي خطفها
31
* قال عبدالله بن دهيمش بن عبار هذه الأبيات في تمجيد القبيلة :
يـقـول أبـن عـبـار قـــافـه بــدابــه *** بـالـمجـد والعـز الـقـديـم أفـتكـرنـا
الـحـمـد لـلـه لـي قــبــيـلـه ولابــه *** أولاد وايــل هـم مـصـادر فـخـرنـا
يـا مـن نـشـد عـنـا يـريـد الإجـابـه *** حـنـا الـذي بالمجـد مبطي ضفرنـا
أولاد وايـل مـن زمان الـصـحـابـه *** كـل العــرب عنـد اللـزوم أتخبـرنـا
ندحـم عـلى جـمع العـدو ما نهابـه *** وعـدونـا يخشى عـواقـب خطـرنـا
نصمـد نهـار المعـتـرك والمجـابـه *** يبشر بعـز الـلي نخـانـا وحضـرنـا
كم مـن رفـيع الجـاه دسنـا جـنـابـه *** وكم طـاغـيه حنـا لـراسه جـزرنـا
يشهـد حنـو ذيـقـار خضنـا ضبابـه *** حـتى زعيم الفرس جرب سطرنـا
وقبله عـلى خـزاز صـارت حـرابـه *** حـنـا عـلى سبـع الغـيال أنتصرنـا
وحـنـا نهـدي مـن بـراسه صعـابـه *** ترغي الجمال الصايجه لا هـدرنـا
بالكون حـد السيـف نـروي نصابـه *** وتشبع حـواويـم الفـلا من أثـرنـا
وحـنـا لـنـا فـي كــل ديــره قــرابــه *** ويـلان فـي كـل الـديـار أنتشـرنـا
32
وقال عبدالله ين دهيمش بن عبار هذا المقطع من قصيدة يذكر قبائل الفدعان :
فدعـان نالـوا مـدح والـقـول مسنود *** عاداتهم يصخون بالـروح والـمـال
فـدعـان فخـر ولاعن اللاّش منشود *** أفـخـر بـهـم والـحـق لابــد يـنـقــال
فـدعان منسوبين مـن أعـرق جدود *** والكـل مـنهـم زاكـي الـجـد والخـال
فدعـان باللاّزم لي زنـود واعـضـود *** حمـر النواظر تنطح الجمع لا صال
فـدعـان حـربه والفعايل لهـا شهـود *** تـاريـخـهـم مـن دور وايـل ولا زال
فدعان ماضي مجدهـم سجّـل خلـود *** يشهـد لهـم تاريخهـم عـبـر الأجيال
فدعان من فضل الولي صافق النود *** الشـاهـد الـلـه مـا بـهـم قـول قـوّال
فدعان ربـعـي مابهـم هـرج منـقـود *** صافيـن مـا منهـم هـلابـيـج وأنـذال
فدعـان يـوم القـوم حـاوي ومـردود *** والخيل تلكد والنضى تهـذل أهـذال
فـدعـان كـانـهـم أرتـدوا درع دايـود *** أرداهـم الـلـي لغـالـي الـروح بـذال
فدعان ما تصبر على الغبن والـزود *** لا حـل يــوًم يـودع الـراس يـنـثـال
فـدعان وأن صالوا طوابير وحشود *** صابورهم يـزمي مثـل نايف الجـال
فدعـان لا ركبـوا عـلى ضمّـر القـود *** عـقّـالهـم صـاروا بالأكوان جـهّـال
فـدعان يوم الغوش طارد ومطـرود *** يـامـا رمـوا بمطـارد الخـيـل خـيّـال
فـدعـان يـزبـن نـزلهم كـل مضهـود *** عـز الصـديـق وللمعـاديـن غـربـال
فـدعـان يـذكـر طيبـهـم مـالـه حـدود *** يشهد لهم شيخ الشيوخ أبن هـذّال
فـدعـان ربـعي كنهـم شامخ الـطـود *** رجـالـهـم عــنـده حـمــيـه وزعــّال
فـدعـان نـعـم بـلابـتي صفـوة فهـود *** مبـطي فعـايلهم عـظيمات واجـزال
فـدعـان عـــوق لـلـمـعــادي ولادود *** يـوم الـمـلاقـى وأحـمـر الـدم شلال
ولو أبـي أفندهم عـلى جموع وفنود *** وأذكـر فعـايلهـم جـديـدات وأسـمـال
منا المهيد أهل الصّخى ماكر الجـود *** وعزوة غبين افعالهم مابهـا جـدال
وعـيـال عـلـي لا قـبس مـلـح بـارود *** كان انتخوا بمهيد يرمون من عال
وضنا عربان وضنا مزرع وملحـود *** ومكـاثـره ضـد المعـادي بـالأهـوال
ومـنـا السيافا عيال منصب ومسعود *** والـروس بالهيـه صناديد وأبطـال
ومنـا الجـدعـه فعلهم صـدق ماكـود *** والشميلات أهـل الفضايل والأنفـال
والهضبي الشجعـان حـمّـايـة الـذود *** والميس الـلي باللّقاء مثـل الأشبال
وغضيـور وقـلفـان نـطـاحـت الكـود *** والحـنـاتـيـش اليـا بطـل كـل عـذال
ومـويـعـز وصيـّاح كـسّـابـت الـفـود *** وضـحـوه وعــواد حــمّـايـة الــذال
وعيال حـازم عـزوة الشايب الـعـود *** عاداتهم يثـنـون كـان الحمـر سـال
واليوم حاضرعصرنا سهود ومهود *** عـم الأمن والسّلم في حكم الأنجال
عشنـا بضـل ملـوكـنا صفـوة سعـود *** والحمـد لـلـه حالنـا باحسن الحـال
الشـر بـابـه صـار مـغـلـق ومسـدود *** سكّـر عـلى كـل المشاكـل بالأقـفـال
33
* وقـال عبدالله بـن دهيمش العـبـار هذا المقطع من أحد قصائده في قبيلة الفدعان :
فـاض القريض وللمـبادي عـناويـن *** أعـرض مجال القيل وأبديـت قافـي
نـقـطـف زهـر نـوار ورد الرياحيـن *** وغـرفت جم القاف مـن نبع صافـي
هيضني الـلي قـال بالـربـع الأدنـيـن *** منـطـوق قـولـه للحقـايـق أيـنـافـي
وأظـن مـا يـقبـل عـلى ربعـه الشين *** ألا النبيـت الـلي مـن الأصـل هافـي
يا اللي تقـول القول هقـوه وتخميـن *** أسـمع كلامـي وأفـهـمـه يالسنافـي
وأن كـان مـا تـدري بفعـل الفداعين *** أنشد وأنا أبي أخبرك عن كل خافي
حمـر النواطـر لـو نشدت المعـادين *** عـدوا جـميـع أفعـالهـم بـأعـتـرافـي
حمـر النواظر يـوم خوض الميادين *** والـريـق نـاشـف مـا يـبـل الأشافـي
حمـر النـواطـر بـالملاقـا ضريـريـن *** فـوق الـنجـايـب يقـطعـون الفيافـي
حمـر النـواظـر مـقحـميـن الأكاويـن *** ضد المعادي يـوم ضـرب الشلافـي
حمـر النـواظـر مـن قـديـم أمسميـن *** في ما مضى واليوم دورك عوافـي
الـيـوم حـنـا بـضـل حـمـايـة الـديـن *** اللي عسفوا عـوج الطبايع عسافي
آل السعـود الـلي بـالأحكـام عـدليـن *** فـي حكمهـم نبـقـا أعـزاز أشـرافـي
من عقب مـا كنا عن الحـق غـاديـن *** الـيـوم حـطـت سـفـنـنا بـالـمـرافـي
وصـلاة ربـي عـدد ما تـرمش العين *** عـلى الرسول اللي مع الحق وافـي
34
* وقال عبدالله بن دهيمش بن عبار هذه الأبيات يمجد القبيلة :
قـال ابـن عــبـار فـي قـاف طـرالــي *** مـن صميم الجاش نظمت القصيـده
فـي مـدايـح لابـتـي قـلـت المـقـالــي *** قـلـتـهـا وأفـخـر بـتـمجـيـد الـبـديـده
امـدح الـويلان مـاضيـن الفـعــالــي *** عـريبيـن السـاس صافيـن الحـديـده
ربعـي الـويـلان مـا فـيـهــم جـدالـي *** مجـدهـم مـوروث مـن جـد لحفـيـده
ربـعـي الـويـلان فـرسـان النـضالـي *** يـلـتـقـون الـمـوت بـأرواح شهـيـده
ربعـي الويـلان إلـى أشتـد الـقـتالـي *** يـرهـبـون الخـصـم بـعـزوم شـديـده
ربـعـي الـويـلان صعبـيـن المـنـالـي *** قـويـيـن الـبـاس أبـطــال وعـنـيــده
ربـعـي الـويـلان حـيـد مـن جـبـالـي *** مثـل ضلع طويـق مـا ينقـض حيـده
أسـأل التاريخ عـن مـاضي الليـالـي *** عـن فعـول مـاضيه مـا هـي جـديـده
أنشـد التاريـخ يـعـطـيـك الصـمـالـي *** أنـشـده يـخـبـرك بـعـلـوم وكـيـــــده
يكرمـون الضيـف والجـار المـوالـي *** والـدخيـل يخـلصـونـه مـن ضـديـده
فعلهم مشهور فـي شـرق وشـمالـي *** وصيـتهـم مـعــروف بـبـلاد بـعـيـده
35
*قال عبدالله بن عباريشرح دواعي وضع بعض صور مشاهيرعنزة بكتابه
الربـع الـلي لهـم مكـارم وفرسـات *** نظهـر ثناهم فـوق عالي الروابـي
والله يا لـو ماهـم مشايخ وسـادات *** ما أجيب طاري علمهم في كتابـي
لا شـك عـنـدي للحمـايـل شهـادات *** والشاهـد الرحمـن مانـي أمحابـي
ولا لي بحطتهـم مقاصـد وغـايـات *** أخشى الشماته وأتحرى الصوابي
أفخر بمجد أهـل الفعـول القديمـات *** والـمـدح مـا يستـاهلـه كـل هابـي
أهـل الكرم يوم السنين العسيـرات *** صبـابـة السمـن الجميـد العـرابـي
وأهل الشجاعة يوم دور القوامات *** لأجـل المراجـل يتعبـون الركـابـي
وأهـل الفهامة يـوم بالعصر قـالات *** الـحـق فـيـهـم لا تعـايـت أيجـابـي
وأهـل الـرياسـة للمنـاعـيـر قـادات *** عـز الـرفاقـة عـنـد يبس العلابـي
نـذكـر نـوادر والـفـعـايـل كـثيـرات *** وباقي الملأ ما قلت به هرج نابي
والناس كلـن لـه مشافـة ونظـرات *** وكلـن عـلى سلمه كمـا قيـل رابـي
36
* قال عبدالله بن دهيمش بن عبار هذا المقطع من قصيدة :
ربعـي شغـاميم الرجـال المشاكيـل *** حـمـر النـواظـر محتميـن الرهينـه
هـل الربـاع الشامخـة والمعـاميـل *** عـاداتهـم للضيـف ذبـح السـمـينـه
الـلـه يسـقـي دارهـم بـالـهـمـالـيـل *** سيـلـه غــزيـر وبـه تـدز السفينـه
تنـزل مـرازيـم المـزون المضاليـل *** بـالـديـرة الـلـي لابــتـي نـازلـيـنـه
ينبت بهـا الخافـور مثـل الزهاميـل *** تـشـدا مـروج مسقـيتـه المـكـينـه
وتلقا الزبيدي كبر روس المخاليـل *** ومـنـابـت الـنـوار لـلـقـفــر زيـنـه
37
* قال عبدالله بن دهيمش بن عبار هذا المقطع من قصيدة :
أنا عنزي وأعتـز بأصلي ومجنـاي *** ولا كـل مـن رام الـفخـر نـال تاجـه
أخـبـرك يالـلي مـا تـثمـن أحـميـاي *** ربع الرجـل عنـد اللزم هـم سياجـه
افخـر بهم عند الأصاحيب واعـداي *** فـرسان يـوم الجـو يكتـم عـجـاجـه
زمل التخوت اليـا بـرك كـل رغـاي *** لا غـط بالغـارب ضلـوف الحداجــه
مـلاذ مـن جاهـم مـن الظيـم شكـاي *** أرداهـم لضيـفـه تـبهـلـل حـجـاجـه