تابع
* وهذه القصيدة للشاعـر حطاب الهينامة الفريعي يمدح الشيخ راكان بن مرشد و يثني على حمولة المرشد من مشائخ قبيلة السبعة فيقول :
حـطـاب ولـف مـن بـيـوت عـذيـات *** بأخـوان عـشوى مقحمين الدبايـل
نقـوة حـرار ولا يهـابـون أصابـات *** رجالهم ما هـو عـن الخـوف زايـل
أفعـالهـم مبـطـي ولا هـي جـديـدات *** أفـعـال أهـلهـم بالسنـيـن السمايـل
أن عـقـب الـوالـد لـنسلـه نحـيـلات *** راكـان عـقـّب الـمـراجـل نـحـايــل
وخـلاف ذا يـاراكـب فـوق زرفــات *** مـن سـاس هجـن محيـلات أصايل
هـجعـات وطـنـات همـام وخفيفـات *** وإلـى تـنحـن مـثـل فـرق الجمايـل
حـمـر وزهاهـن دلهـن والحمـارات *** وصف اللميع ولا خلطهـن همايـل
مـا يـوم مـس رقابهـن خيـزرانـات *** ولا رقـعـوا خـفـافـهـن بـالـنـعـايـل
لا روحـن بعـصيـر مثـل النعـامـات *** ولا قــطـــواتٍ واردات لـثـمـايــــل
معهـن دليلـه صاحي الفكر ما بات *** حـزب عليهن عـن طريق الخمايـل
خـمسة عـشـر يـوم نهـار وليـلات *** يسـري اللـيـل ويـاصـلـه بالقـوايـل
يـلـفـن لشيـخ منـزلـه بـالحـمـادات *** من عـقـب مـا هـو نـازل بالسلايـل
يهلي بهـن راكـان بـقبـال وأقـفـات *** عـنـده قـراهـن من سمان الجزايل
الـوجـه مسفـر والنواظـر فضيـات *** مـا نـقـل هـم الـكـيـل يـوم المكـايـل
سـتـة دلال مـن الـمـهـيّـل مـلـيـات *** مصروفهـن مـا هـو لـك الله قـلايـل
فنجالهن يغدي عن الراس دوخـات *** يشبه لـدم الجوف يـبـري العلايـل
لا شف منهن شارب الكيف شفـات *** ينسى الهمـوم الحاضبة والهوايـل
وتلقـا المفـارش بالـرباع العـذيـات *** والـلي تـبـونـه جـاهـزٍ بـالـكـمـايـل
تـريـحـوا واركـابـكـم مسـتـريحـات *** في بيت ريف الضيف عـز النزايل
في بيت أخو عشوى زبون الونيات *** راكـان زبـن الـوانـيـات الـهـزايـل
شيـخ كـريـم ولا يهـاب الخـسـارات *** راكـان بن مرشـد حميد الخصايـل
متـلـف حلالـه ما حسـب للجنيهـات *** والـنـوق يـذبـح دقـهـا والـجـلايـل
مـالـه شغـل لـكـود قـلـط وقـم هـات *** ويـا مـا عشاهم من ردوم وحـايـل
راكـان عنوان الصخى والشهامات *** الشيـخ بـاعـه دوم بـالـفعـل طـايـل
نعم بأخو عشوى معشي المجيعات *** الفـارس المشهـور جـزل الفعـايـل
يعطي جيـاد الخيل وأيضاً الألوفات *** وعن الكثر والقـل مـا هـو مسايـل
شيـخ مفـاعيلـه طـوال وعـريضات *** شيـخ لفعـل الطيـب والجـود نـايـل
والنعـم بأبـو طـراد عـز القصيـرات *** الـلـي يـسـوي لـلـذبـايـح طــوايـل
راكـان مثـل الـشـط تـأتـيـه حـولات *** تلقـا عليـه الـنـاس نـازل وشـايـل
شفـت الصياني وصفهن تقل حلات *** ينـدا عليهـن صافي الدهـن سايـل
تـلـقـاعـليـهـن المشـاكـيـل قـلطـات *** تـشـبع بهـن جـيـرانهـم والعـوايـل
كـانـه قـليـل قـلـوطها حـول مـيّـات *** هـذا الـوكـاد ويـشهـدون الحمـايـل
وصينيتـه يرجع بهـا الـزاد لا بـات *** يـلقـا بطـراف البيـت مثـل النثـايـل
فـعـايـلـه عـلى النشـامـا عـسيـرات *** مـا نـالـهـن هـل الـيـديـن البخـايـل
مـا هـي كـرامـة واحـدٍ بالفضـاوات *** وأن ظيم ضاقت به جميع المحايل
صدوق أمين ولا يـبوق العـهـادات *** ولا طـاع مشـورة خبـاث العـمـايـل
ولا دار في ربعـه عوايز وهزعـات *** ولا هـو من اللي يفتـقون الخلايـل
وأن جـاه مـنيـوب يـدور العـطيـات *** يـبشـر بـعـزه مـن كـثيـر الفضايـل
مـا هـو على الدنيا كثير الحسافـات *** يعـطي ولا قـصـده يـدور الجمايـل
أحـلا من الشهـد المصفى بكاسـات *** وأمـر من العلـقـم إلى شاف عايـل
ممشـاه عـدل ولا يـداني العـواجات *** عـدلـه يـعـّـدل كـل مـن كـان مايـل
راكـان مـقدام الجـمـوع الـثـقـيـلات *** الحيـص شيـال الحـمـول الثـقـايـل
أبـو طـراد الـلي عـلـومـه بـعـيـدات *** الشيـخ كسّـاب الـفخـر والـنـفـايـل
مقـدم هـل الـعـرفـا سنيـن قـديمـات *** شيـخ مصيـّت مـن صنـاديـد وايـل
معـروف فعلـه بالحضر والبـداوات *** علمـه تـنومس بـه جميع الحمايـل
هـذي فعـول الشيخ مـاهـن خفيـات *** فعلـه تسولف بـه شخوص القبايل
عـدت فعـول الشيخ مثـل الآمـانـات *** رد الـوداعـة دفـعــهــم لـلعــدايــل
حطاب ولـف من جـزيـلات الأبيـات *** مـا هـو كـلام أهـل القلوب الهبايل
وخـتـمـتـهـا بـالـلـه ولا قـلـت زلات *** ولا قـلـت لكود الصحيح الصمايـل
* أما الشاعـر مغنام بن حامد الرماحي رحمه الله فهو شاعـر معروف وقد نقلت منه مشافهة معظم قصائده
ومن قصائد مغنام هذه القصيدة يسندعلى المؤلف بمناسبة جمع تراث قبيلة عنزة فيقول :
الـلي يـبـون تـراثـنـا والـمنـاسيـب *** أشرح لهم يا المحترم يا أبن عبـار
أفعـالـنـا الـلي فـايـت لـه تجـاريـب *** راحـت خيـال ولا لهـا عـلم وأذكـار
كـنـا انـتجـّول بالـديـار المخاصيـب *** بالشرق الأوسط كـل ديـره لنـا دار
مـع ابـلنـا عـلى السبايـا مـواثـيـب *** عنهم عليهم عندها الموت حضّـار
كـم طـامـح محـرومـة كـل خطيـب *** نطلق نشبها مالهـا عـوق واحـيـار
وإلـى لفـونـا والمزاهـب هبـاهيـب *** عـلى ركـايـب ضـمـرٍ دنـق الأزوار
من ديـرة من دونهـا يتعـب الذيـب *** قـوم هجافـا وسوقهـم لـث الأكـوار
نبـدي لهـم فنجـال صفـر محاديـب *** ومـزهـبـات كـلـهـن بــن وابـهــــار
ومفطحـات للنشـامـا الـمـتـاعـيـب *** عـيـد سعـيـد حيـن يـزهـب ويـنـدار
والـجـار بـحـمـانـا بـعـز وترحيـب *** حـتى يـسـيـر لعـزوتـه شاكـرٍ سـار
أمـجـادنـا مـنـسـوبـة لـلمـعـازيـب *** اللي احكموها بكنس الهجن ومهار
بأيمـانهـم دق الـفـرنـج المعاطيـب *** ومصـقـلات تـقـطـع الـروس بـتـّار
آل السعـود مطوعين المصاعيـب *** الـلي جنـوا بفعـالهـم طيـب الأثـمـار
واليـوم خـيـر وفضلـه عالم الغيب *** أشـرق وطـنـا بـالـتـقـدم والأزهــار
الـلـه عطانـا مـن جـميع المطاليب *** وصلـوا على المختار للفضل شكار
وقال مغنام هذه الأبيات مجارة لأحد قصائد عبدالله بن عبار التي نشرت في أحد الجرايد يقول :
يـا غـلام يـالـلي بـالـمـودة تـألـمـت *** ما الوم أنا المفتون في حـب غالي
شمنا لهن يا مسندي مثل ما شمـت *** قبلك كثيـر من شخوص الرجـالي
خمسه وعشر اعوام يالقرم هايمت *** مـع الحبيـب الـلي بحـبـه صفـالـي
والـلـه مـا اكـذب في كـلام تـكلمـت *** والشاهـد الـلـه فـي غـرام جـرالـي
مهما مع الخفـرات بالـود ساهمـت *** مـا سـلـمـنـك رايـهــن بـالـكـمـالـي
مـا يـرحمنـك لـو وراهـن تحطمـت *** مـجـنـون لـيـلـى ضـيـعـنـه يـلالــي
لومنت من صفوة ضناعبيد مالمت *** يـاذا الصديـق الـلي شريك بحـالـي
يـا لـيـت يالـلي بالمحافـل تـقـدمـت *** عـلـيـك سـلام غـيـابـنـا وأتــكـالـي
لا تقرب اللي جابت اللوم والشمت *** يـفـداك شـراب الـعـذاف الـحـثـالـي
مـااريـد هـدم جداركم يـوم عـلمّـت *** لـو أنـهـا مـثـل الـقـمـر بـالجمـالـي
هـيـا تـرانـي لـلـمـسيـره تـعـزمـت *** مـن شان حـالـك يا بعـيـد المـدالـي
أركب على الهاف الحمر لا تندمت *** نـدور ريـعـان الـهـوا بـالـشـمـالـي
ما دام تسهر لآخـر الليـل ما نـمـت *** مـن جـادل تـشـدا لـريـم الـغــزالـي
اليا حصل لك ناعم العود وانعمـت *** أفضـل حـيـاة العـز وأسعـد اليـالـي
وقال مغنام هذه القصيدة في النصايح يوصي عياله فيقول :
طاف النهار وطـاف ليـل باثـر ليـل *** والعـيـن عـيـا لا يجـيـهـا الـنـوادي
خوف من اللي يجمعون المحاصيل *** يا شيـب عـيني يـوم سـد السدادي
وراي يـوم مـقـتـفـيـنـي بـتـرحـيـل *** لا بـدنـي مـع طــول الأيـام غــادي
عـنـدي وصـاة يـا عيـالي بتفصيـل *** تـذكـروهــا مـن صـمـيـم الـفـوادي
عسى لكـم مـن رب الأقـدار تـنفيـل *** يهـدي عـليـكم مـن هـدايـاه هـادي
سيروا على حق حقيق عـن الميـل *** مـا زرع الا يـقـتـفـيـه الـحـصـادي
ولا تشرحون اسراركـم للرجاجيـل *** يـوجـد عـدو فـي ضميـره سـوادي
العيب واضح يشبه الجدي وسهيل *** لا تـقـربـونـه يـا صقـور الـهـدادي
خـويـكـم شيـلـوه بضهوركـم شـيـل *** وتـلـطـفـولـه عـن كـلام الـنـكـادي
وإلـى نصوكـم مـن بعيـد المشاكيـل *** صيـروا خـزام وللرفاقـه اسـنـادي
حـيـوبـهـم بـمفـطحـات مـن الحـيـل *** ودلال بـن مـن الـمـهـيّـل تـــزادي
هـذا شرفكـم مـا بهـا قـول مـا قيـل *** والشاهـد الـلـه كـل قـولـي وكـادي
لا بـد مـن تـمـثيـلـكـم بـالـتـمـاثـيـل *** مـا خـلـدوا بـه حـاتـم والـمـهــادي
ومن قصائد مغنام هذه الأبيات من شعر الهجيني وقد انتشرت هذه الأبيات وأصبحت تتردد على الألسن
وكثيراً ما تهيجّن في مسير الركب قالها يسند على صديقه أسيمر بن راضي الرويلي فيقول :
يـاراكــب زيــنـة الــزولــي *** مـزعـوجـة مـن هـل اللـبـه
سلـّم عـلى راعي الشـولـي *** مـن خـوف قـلـبـه يـعــذبـه
قـلـه تـرى الـزرع ماكـولي *** جـاه الـجــراد وتـنــاكــبـــه
خـلا بـسـاتـيـنـه مـحــولـي *** أكـل عـيـدانـه بـاثــر حـبــه
القيـق يطلع عـلى الحـولي *** يـاكـل حـصـيـده ويـلعــبـــه
وتـراي أنـا صرت مخيولي *** وأوداعــتــي زاد نــهـــبــه
مالي عـلى النـاس دالـولـي *** بـوق الـعـهـد كـايـد طــبــه
وقد رد أسيمر بن راضي الرويلي على صديقه مغنام بن حامد يقول :
افـداك أنـا وكـل مجـمـولـي *** يا شوق غـرو زهـا الجـبـه
مـتـغـربـك ضـايـق جـولـي *** ولا أريـش الـعـيـن بـالكـبـه
وكان الجـراده لها افعـولي *** عـمـودهـا غــيـر نـلـعــبــه
لـعـب الحواصيـد بحـقـولي *** يــوم الـمـنـاجــل تـعـاقــبـه
أول مـا نـجـنــاه بـعــدولـي *** وعـقـب الجـحـايـم تـلهـبـه
من غير اللي نذبحه غـولي *** حـراج ولا يـوصـل الصبـه
ولا ياخـذ النـاس حنشـولي *** ســروق ولا يــرزقــه ربـه
يتبع