تابع
* أما الشاعر ناحي بن معتق الجعفري العنزي فهو شاعر مجيد يمتاز شعره بعدم التكلف وهو من هواة الصيد وله مدايح في بعض
الأكارم من كبار قبيلة حرب وقد التقيت به وسجلت منه شريط بصوته ومن قصائده هذه القصيدة بالنصح والأرشاد يقول :
سـمـيـت بـسـم الـلـه وذكـره بـادي *** وأنـا دخـيـلـه عــن كــلام الــــزور
عـز الـلـه أنـي غـادي يـوم الجهـل *** وإلـى عـذلـونـي مـا قـبلـت الشـور
أقـفا الصبا والشيب لاح بعوارضي *** وهـذا هـو السنـة مـا هـو منـكـور
مـتــنـاكــرٍ شـي بـتــالـي وقـــتـــي *** غـديـت مـثـل الـمـظـمي المقـهـور
همـوم تـدالاني عـلى الـلـه حـلهـن *** مـدالا شـيـاهـيـن عـلـى عـصـفـور
وأصبـر وعـنـد الله مفاتيح الفـرج *** مـضـهــر عـبـاده مـن ظـلام لـنـور
خـطـو الـولـد لـو هـو كـثيـر مـالـه *** يـروح مـالـه كـالـهـبـاء الـمـنـثـور
مـا يعـطي المحتـاج لا جـاء عـاني *** ولا يـبـدي الـلي يـرتـجـون الشـور
ولانـي بـهـلـبـاج ضـعـيـف شـانـه *** يـعـد فـعـول الـطـيـب وهـو مثـبـور
قـولـت هـلا للضيف عـنـدي عـاده *** وعـلى قصيـري والـخـوي صـبـور
والضيـف لـه حـق وذاك الـواجـب *** اطـلاقـة الـخـاطــر مـع الـمـيـسـور
وقصايري ماجيت أهمـز روسهـن *** كـان الـرجـال غـيـاب ولا حـضــور
النفس عـن بـاقي الأمـور معـزهـا *** والـلـي تـلا نـفـسـه هـذاك الـثــــور
وأن كـان حظـك مـا يـبـاري طيبـك *** مـا يـقـال لـك طـيّـب ولا مـشـكـور
ودنـيـاك لـو بـأول زمـانـك زانـــت *** خـطـرٍ عـلى اتـلاهـا يصيـر مـرور
دنـيـا تـقـلـب مـا تـعـلـم بـغـيـبـهــا *** أحـيـان لــك تـقـبــل ونــوب دبــور
وإلـى الـتحـقـت الابـةٍ محـتـاجـهـم *** تـصيـر فـي عـيـن الـفـتى محـقـور
يـا الـلـه طـلـبـتـك لا تخـيـّب ظـنـي *** ولا تـخـلي الـدنـيـا عـلينـا احسـور
وبـالآخـرة تـمـحـا الخـطـايـا عـني *** وتكتـب اعمـالي عنـد وجـهي نـور
ولا تـاكـل الا مـا قـسـم لـك ربــــك *** والـحـمـد لـلـه مـا عـلـيـنـا قـصـور
واختامهـا مـني صـلاة عـلى النبي *** عـلـى الـرسـول مـحـمـد الـمـذكـور
وقال ناحي بن معتق نصيحة ويثني على الشيخ حجر بن ناحل الحربي :
لـولا العـرب كـلـن بعـقـلـه راضـي *** وكـلـن دلـيـلـه هـو خـيـار الـدلايـل
أهـدي على قروم النشاما نصيحه *** مـا تـنهدي لأهـل القـلوب الهبـايـل
كم من صبي ضاع وإبليس ضعيـه *** يـعـد مـيـل الـنـاس وشـيـلـه مـايـل
تقـوده النفس الرديـه عـلى الـردى *** حيثـه عـن المنقود ما هـو مسايـل
والنفس ودك عـن هـواهـا تهينهـا *** وتـرى عـزيـز النفس خطـه طـايـل
ولا تلاخس الجارات بمذنـب عينـك *** وأدمح خمال الجار لو هـو عـايـل
يـا عـل جـار مـا يـشـيّــم جـــــــاره *** ينسف عـلى قـبـره طـوال النثـايـل
والضيف زيّن لـه جوابـك وأكـرمـه *** والـلـه كـتـب رزق الـدنـيـا بـلايـل
وترى الخويـه عـنـد الأجواد حقها *** مثـل أمـك الـلي راضـع لـه مشايـل
والبـطـن مـا هـو كـل يـوم تـمحنـه *** يـامـا عـلى راعـيـه عـقـب فشـايـل
لا اقبلت حيوبك وأن اقفيت سولفوا *** مليـك لبطنـك مـا ذكـر بـه نـفـايـل
ولا يـنـفـع الـمـثـبـور حـبـه لـمـالـه *** ولا يـسـتـوي مـدح بـلـيـا فـعـايــل
وإلـى بـدالــك لازم جـنــب الـــردي *** قـضـايـت الـلازم عـيـال الحمـايـل
عليـك بالـلي مثـل حجـر أبـن ناحـل *** عـز الـلـه أنه ذاك وافي الخصايل
ذبّـاح كـبـش الضـان لا قـل الـدسـم *** وصينيتـه تـلقـابهـا السمن سـايـل
والـيـا طـلبـتـه حاجـة قـال عـنـدنـا *** ضـاري لكسبـات الثـنـا والجمـايـل
تـشهـد لـه أفـعـالـه وكـلـن خـابـره *** والنـاس تـدري بالعـلـوم الصمايـل
وبرقـت بالـدنيـا كـفـا الـلـه شـرهـا *** مـثـل الـبـراد الـلي قـفـاه الـقـوايـل
دنيـاك مثـل الضـل يا جـاهـل بـهـا *** وقت الضحى مع حزت الضهرزايل
يـا الـلـه تسمـح لـي وتعـفـو عـني *** لا ضـاقـت الـحـيـلات والـمـحـايـــل
يـا غـافـر لأم الـعـبـايــر ذنـوبـهــا *** حيث أنـت راعـي الجـود والفضايل
واختامهـا مني صـلاة عـلى النبي *** اعـداد مـا تـمـطـر مـزون المخـايـل
ومن شعر ناحي بالقنص وطرد الصيد والولع بالطيور هذه القصيدة يقول :
وقت العصير أرقبـت راس الطويلـه *** جيته وجيت وجبت منها علف طير
الـنـوم والـمـقـعـاد مــابــه نــفـيـلــه *** والـرزق عنـد الـلـه ولـي المقاديـر
ولا قـيـل رزق جـايـبـيـنـه بـحـيــلـه *** مـار أنـت يالـوالي عـليـك التدابـيـر
يـا الـلـي تـعّـود لـلـديـار الـمـحـيـلـه *** أنـت الـذي رزاق عـوج الـمنـاقـيـر
يـا مـســنع قـلــب غــدابــه دلـيـلــه *** ضـرب طـريقـه ما يطيع المشاويـر
قـلبي عـذلـتـه مـار مـا فـيـه حـيـلـه *** وقت الهدد يشفق على خزت الطير
ونـفـرح إلـى شفنـا سحاب المخيلـه *** مثـل الهـضـاب مـركـزات مـزابـيـر
معـي أشقـر ضـاري لصيـد الجليلـه *** يـفتـل عـليهـن والحـباري مخاميـر
أن طـالع الخـرب المطـرف يجـيـلـه *** وعـكـف مخاليبـه سـوات الشناكيـر
والـوكـر بـيـن الـيـد وبـيـن النثيـلـه *** لازم نحـلـه عـن طـريـق المسايـيـر
ومن شعر ناحي بن معتق هذه القصيدة يمدح الشيخ أبن ناحل من مشايخ قبيلة حرب بعد أن أسدى له معروف فيقول :
يـا عـل قـاع الـمـسـتـجـده تـسيـلـي *** يخضر بهـا عـقـب شهابـة محلهـا
ينبـت بـهـا الـنـوار هـو والشـتـيـلي *** حتى يـغـدي مثـل الزوالي وحلهـا
من شان أبـو بـنـدر مشيل الثـقـيلي *** شوق الهنوف اللي تـوزي اقذلهـا
نـّوخ بسـوق الطيـب وأكـتـال كيـلي *** والمرجلـه بـأول زمـانـه وصلـهـا
تعـيش يا عـقـب الحصان الأصيـلي *** موقف اجدوده وارثـه ما أنتحلهـا
لا صعـبـت الـقـالات مـا هـو ذليـلي *** كـم اعوجـه بطـراف شونه عدلهـا
وإلـى ادلهـم احجاج خطو البخيـلي *** كـم حـايـل قــّدام بـيـتـه ســدلـهـــا
ولا أشتـد حـر القيـض بيتـه مقيـلي *** وتـرى المباني زينهـا فعـل أهلهـا
وعـز الـلـه أن مشـاهـده يستـويـلي *** ويـا لـيـتـنـا نـنـزل بــلادٍ نـزلـهـا
ولا قـلـتـهـا أبـغـي عـليـهـا حصيلي *** لا والـذي ارزاق خـلـقـه كـفـلـهــا
وقال ناحي يتمنى نزول المطر على ديار أبن ناحل الحربي ويثني عليه بعد أن اهدا عليه سيارة فيقول :
عسى الحـيـا يسقي مفـالي غـزالـه *** مـن مـدلـهـم زابــرٍ مـسـتـخــيـلـي
سيـلـه يفيـض مـن عـوالي جبـالـه *** مـن شان أبـو بندر عساها تسيـلي
الـلـي شـرالـي مـن حـلالـه زمـالـه *** يـوم أن مـال اللاش مالـه حصيلي
ذبـاح كـبـش الـضـان لـلي عـنـالـه *** يغـضي عـن الواجـب ردي بخيـلي
وضاري لكسبات الـثـنـا والجمالـه *** وعـادات أبـو بـنـدر يشيل الثـقـيلي
حـلـفـت مـا أدوّر رفـيــق بــدالـــه *** ولا أدور بـشيـال المحـامـل بـديـلي
وقال ناحي بن معتق هذه القصيدة يثني على بعض مشايخ قبيلة حرب :
يـا طـيـب ربـعٍ لـقينـاهـم بـنـمـريـه *** يا ليـت مـا دونهـم قـاع سراميـدي
يـا عـل تمطـر عـليـهـم كـل بدريـه *** يخضر وطنهم وتسقيه الرواعيدي
حبـاب وخالـد نشاما وانـتبـوا لـيـه *** نشكر ثـناهـم ويزهـون التحاميدي
وعوض يحاضي دلالـه كـل فجريه *** والـنـوم خـلاه لعـيـون النـواويـدي
والنعـم بعبدالـلـه تعـدا ورى الميـه *** مـا يفهـق اللي عنالـه للمواعيـدي
كم راس كبش يحطه فوق صينيه *** زودٍ عن الذبح مايعرف التصاديدي
أنا أشهد أن كرمتك ما هي دوينيه *** تـعيـش يـمـنـاك يـا قـرم الأواليـدي
سـبع خـرفـان ذبحـهـن ضحيـويـه *** هـذا عـلى ذاك مـا فيهـن تفـاريـدي
وكلن ركز لـه عمود وحاضرٍ غيه *** مثـل ضحايا الحجيج بثاني العيـدي
مـن كان حاضر بفعـله شاهـدٍ ليـه *** والشاهد الله وهو خير الشواهيـدي
وحـتى أم خـط الجديـده جابهـا ليـه *** يامـن خبـر مثـل هـذا يالأجاويـدي
عسـاه عـن كـل شـر بـراس عليـه *** عـن شر خلقه وعن شرالحواسيـدي
يالطيب ضلع يعذب مـن بغـا رقيـه *** والحرالأشقر هواللي يذبح الصيدي
يتبع