أنـا أحـمـد الـلـه وافـقـت طـلـبـتـلي *** ربعي تعدوا من ورا الحق نوماس
ركبـوا صلات الجـمع والنذل خـلي *** وتوافقوا بصوير حـزات الأدمـاس
تـوافـق الـطـمـاع هــو والـمـحـلـي *** غلب نصيب الضيف مع مخرالناس
مجزع الـيـا قـلـط لـبـنـهـن يـهـلـي *** يـذرف قدحهن يـوم الأرياق يبـاس
مجزع إليا ركب الفرس مـا يـذلي *** يـرخي رسـنـهـا كـنهـا دلـو مـقـّاس
لعـيـون فيضـة شـولـنـا عـطـفـلـي *** تـراجـعـن لعـيالهـن عـقـب الأيـاس
غـدي عـجـوز عـنـدنـا تـسـفـهـلي *** لهـا ثـلاث أيـام بالـقـلـب هـوجـاس
والـلي غـزا مـالـه نصـيـب ايـدلـي *** غـدالهم عـقـب النـواديـه وسواس
سـوالـفـك يـالـقـرم مــا نـاسـبـلــي *** لو هي مـن هـذا سلمه قيل غطاس
مـن فضـل خلاق العـباد ارجـعـلي *** وراحواعن زينات الخراطيم نسّاس

*- من شعر الشاعر محدى الهبداني لـه قصائد كثيرة في مدح الشيخ جدعان بن مهيد مصوت بالعشا
وأبنه الشيخ تركي أنطوت في صدور الرواة فمن قصيده بالشيخ جدعان يقول :

يـا دار ويـن مهـدي الصعـب يا دار *** روحه على الموت المتاحي جلبها
جـدعـان لأفـعـال المشـاكيـل فسّـار *** مـالـه حسب والناس ياكـل حسبها

ومن قصائد محدى التي لم نجد لها تكمله قصيدة بأحد غزوات الشيخ تركي بن جدعان بن مهيد منها قوله :

حـرٍ قـنـص حـرٍ بـكــفـه وصــــاده *** وشال الخريشا من مشاريق عمان
الحـر الأشقـر يعـجـبـك فـي هـداده *** لا هـد صيداتـه جـزيـلات واسمـان

ومن قصائد محدى التي لـم تدون هذه الأبيات من قصيدة طويلة يقول :

لـو المراجـل تـنقـضي بـس ساعـه *** كـان اجـتـمعـنـا كـلـنـا يـالهبـاديـن
الطيـب يـدرك بالـكـرم والشجـاعـه *** لا شـك مـا قـدروا عـلـيـه الردييـن
الطـيـب صبـر وقـو بـاس اوقـاعـه *** والغـانمـة تـعـرض بكـل الأحايـيـن
الطـيـّب بـيـر مـا أحـدٍ قـاس قـاعـه *** والمرجلـه ما تنوصـل غير باثنين
سيف شطير الحـد صلـب القطاعـه *** ومنسف يقلط للضيوف المجيعيـن
ومن غـر من هـذا يسوق الرتاعـه *** لو هو عريب الساس ينعد مسكين

ومن شعـر محدى الهبداني الذي لم يدوّن هذه القصيدة على قافية أحد قصائد كنعان الطيار
المثبته في هذا الكتاب يقول محدى يسند على حليس أبا النعـم الجعفري :

ياالـلـه يـا فـراج يا والـي الأفـراج *** رزاق بـالأسبـاب عـمـي الـدواريـج
يـا رازق الـقـاع المحـيـلـة بـوداج *** غـر المـزون تـودج الأرض توديج
تـودع نواوير البختري لـه أنـواج *** يشـوق عساس الضحى بالتـداويـج
ياحليس كان انك على الربع نهاج *** قـل وش بلاهـم صوبوا يمنـا الهيج
جتنـا مـن الأدنين مخلين الأسراج *** مـرويـن حـد مـذلـقـات الـمـزاريــج
عـالـوا علينـا عيلة مالهـا أصواج *** عـنـا يـسـدون الـفـرج والمـنـاهيـج
غـدالهـم مـع فجـة النور صرنـاج *** دهـم القضايا من العـلوم المهاريـج
قـلبي زعول من المحسة إلى لاج *** ماني من أصحاب القلوب المناعيج
ولا يقبل العـوجا حـذا ولـد هلبـاج *** يصبـر إلـى داسـت عـليـه البوابـيج
ياحليس علات البلاوي لها علاج *** مـا يـلـتـقـا بـدار الـمـذلـة مـبـاهيـج
والسيف لولا العوج ماظن ينعـاج *** يـنعـاج للـحـق المعـاوج إلـى عـيـج
أمـا تـحـثـون الـركـايـب بــالأدلاج *** ولا صبـرتـوا والغضب لـه تواهيـج

وقد ذكر الأمير محمد الأحمد السديري أن محدى أبوه فيصل ولكن بعض الرواه يؤكد أن أبوه زايد وقد اشتهر بالهبداني 0

* وهذه القصيدة من شعر الشجاع عايض بن رشدان من كبار الفضيل من الجعافرة قالها يعتز بفعله
ويثني على حمدان بن حجاب أحد فرسان الجعافرة ولهذه القصيدة قصة لاداعي لشرحها يقول :

جونـا هـل العـادات طلـقين الأيمـان *** فـرسان بـاللقـوات تـبي الجهامـي
غـاروا علينا الفجر والصبح مابان *** قبـل يـبـيـن النـور والجـمع زامـي
هـاشـوا وهشنـا واللغـا بيننا شـان *** وكثرت عزاوي القوم عند الزحامي
واهديت عمري دون زينات الألبان *** هنـف الخشـوم ونابيـات السنامـي
الشاهد الـلـه يوم روغات الأذهـان *** أرويت عطشان السيوف الظوامي
كم راس قرم طار من فوق الأمتان *** خلي عشاء للذيـب عجـل الـولامي
وكـم خيّر زحناه من ضربت الـزان *** حـده شـطيـر وسـاطي بـالعـظـامي
لعيون شقح ربعـن بارض عـرنـان *** نكسر جموع القـوم والحـظ قـامي
ويـوم زحمونا القـوم نعـم بحمـدان *** في ساعـة يشيـب منـهـا الغـلامـي
ولا أقول أنا هرج على غير برهان *** وعـلامـة الأفـعـال تـثـبـت كـلامـي
وصـلاة ربـي عـد هـتـاف الأمـزان *** عـلى شفيع الخـلـق سيـد الأنـامـي

ومن شعر الشيخ سعد بن عايض الرشدان هذه الأبيات :

نطيـت أنـا فـي نـابيـات المشاريـف *** معـمـردن مـن نـايفـات المـراقيـب
وطالعـت بالـدربيـل جيش مناكيـف *** ومـن الـخـرايـم غـاديـات جناديـب
وحولـت يـم البيت زعلان وامعيف *** الكبـر عـدا وحـط حـامي اللواهيب
وسويت فنجال وحفته على الكيف *** وأبـدي لهـم زين النبا والتـراحيـب
يا الله كان ما عمرنـا نكره الضيف *** يسـر قـراهـم يـا وسيـع المطـاليـب
العـبـد ما بيـديـه حكمـه وتصريـف *** الحـكـم لـلي يـعـلـم السـر والغـيـب
تيسـرت مـن دون شطـة وتكـليـف *** ولفـا القرا معهم عـلى شمّخ النيب
وصلاة ربـي عـد نـبـت الشفاشيف *** عـلى رسـول رتـب الـديـن تـرتيـب

* قال تركي بن شامخ هذه الهجينية بالشيخ سعد بن عايض بن رشدان :

يا سعـود لا تطـري الـنـوده *** تكـثـر عـليـك الهـواجيسي
اليا ما تجي بيت أبو عـوده *** سـعـد زبـون المحـابـيـسي
الـقـرم مـا يـدانـي الـــزوده *** ولا عـقـبـوه الـهـلابـيـسـي
حــّلال عــقــد هــذا كـــوده *** ويـبـري لـهـود مـرامـيسي
والطيـب شـفـه ومقصـوده *** ضـاري لكسـب النـواميسي
هــداج لــو كـثـرت اوروده *** يـروي كـبــودٍ مـيـابـيـسـي

* وهذه الأبيات لفتاه تثني على الشيخ سعد بن عايض الرشدان :

هذا أخو مزنة ملفـا للجيش *** لا جـوا هجافى ايتعـدن لـه
ذبـاح كبش وحـدره عـيـش *** ومـعــه فـنـجـال وتـعــلـلـه
وتحوفـه اللي نباها اتعـيش *** عـسى الـلـيـالـي اتـمـهـلـه
بنت بن يحيا ماهي تقشيش *** أبـوهـا مـضـت افـعـولـلــه
أبـوه يطبّح خـلاف الجـيش *** وايـكـثـّـر الـهــيـل بـالـدلـه

*وهذه الأبيات لشاعر من الجميشات يثني على سعد بنعايض الرشدان

المدح يـزهـا لأبـن رشـدان *** وأن قـطـبـوهـن بالأرساني
أفطـن لذكره مـع العـربـان *** كـان أنـت بالطيـب بحـلانـي
لـه ربـعـة تـشبع الجـيعـان *** ويذبح مـع الحيـل خرفـاني

*وهذه الأبيات من الهجيني قالها سارح القروعي يثني على الشيخ سعد ابن عايض الرشدان :

يا جديع مانت البدل بالخال *** ما أنت الخليفة عقب خالي
خالي لا جـوا طيبيـن الفـال *** قــلــّط مـعــامـيــل وادلالـي
مـن كثرهـم ما يضيق البال *** يـشـبـع الأول مـع الـتـالـي

وهذه الأبيات لسويلم الحنيني الحربي يثني على سعد بن عايض الرشدان

ياعيال ياللي على الزرفات *** يـم أخـو مـزنـه تـنصـن لـه
نجره ينادي عـلى الشطات *** لازم راعي الكيف يفطن له
تـرى سعـد يذبح الجـزلات *** ويضفي على التيس عتقـله
ما تغـالا الكبش بالسومات *** ويـفـرح إلـى شـاف ربعـلـه
لـو أن بيتـه وراء الأبـيـات *** يــمـيــنـكـم يــم بــيــتٍ لــه

* وقال مفرح القروعي هذه الأبيات يثني على سعد بن رشدان :

يا أبـو خـلـف تـرك الـنيـات *** وديــارنــا لا تــطــريــهـــا
ديـارنـا مـا بـهـا طـربــــات *** بـس المنـاحـس بأهـالـيهـا
نـاخـذ عـلى دلـتـك كـيـفـات *** وأبريقـك الـلي محـاضيهـا
أن جو هجافا هل الطوعات *** صـيـنـيـتـك دوم مـالـيـهـــا
يشبـع بهـا الحي والجـارات *** والـجـار والـلـي حـواليهـا

يتبع