ألله يغفر ذنوب ألخلق سبحانه
ألله يغفر ذنوب ألخلق سبحانه
وألعبد يكبر ويتكبر على أخوانه
والناس هي الناس والا الوقت متغير
كل البشر دايم زعلانه وطفشانه
ياناس هذا الزمن ماينومن غدره
اللي به العاصي يجاهر بعصيانه
الأم يغدر بها والأبو يغدر به
وألله أكبر يرددها على لسانه
ألله قال ألتعامل معهم بحسنى
وربنا أوصى عليهم بقرءانه
ورسولنا دمعته ذرفت على عمه
وحماه عمه وولد أخوه ماخانه
وألجار لوهو كتابي يعتبر جارك
ورسولنا ألقدوه مع أهله وجيرانه
ومن يذي الناس بأسم ألدين مانطيعه
وألعالم أللي له دليله وبرهانه
وألعالم أللي تريد ألدين وألدنيا
أضنها بفهمها للدين غلطانه
ومن لاسلمت من أذاه ألناس عزيله
وناسٍ تعدى حقوق ألله خسرانه
قال ألعطيفي ياعرب وأسمعوا قوله
من سكر ألباب قبله يسكر أذانه
حنا أبتلينا ببعض أفكار مسمومه
ألغدر أهدافها وألدين عنوانه
وشلون يقنعك أنك تذبح لأمك
الأم ألحنونه يجازيها بنكرانه
أمك لحمك وشحمك وجسمك ودمك
كم ليلةٍ لأجلك حزينه وسهرانه
قالوا ألعرب تحت أقدام أمك ألجنًه
أحفض لأمك خساره تخسر ألدانه
خمس الصلوات وأحفض يدك ولسانك
وجنب نواهيه وأنت تفوز بجنانه
وماتكسب ألحور يلي تذبح ألمسلم
ناسٍ سكارى وعلى ألحور شرهانه
أحفظ لنا ألدين ياربي بدنيانا
وأرفع ألنفس يا ألمعبود رضيانه
الشاعر عوض صالح العطيفي
|