ياحيف والله يالزميل أبن دلي
كان الكلام اللي وصل منك مسبوت
جانا الخبر مع واحد ٍ مرسل ٍلي
قلت آآه عسى فيه علم ٍ يسلي
يقول لي بع الغنم وألبس بشوت
قلت الغنم به عيب يالقرم قلي
عطني دليلا ً يابن الجواد مثبوت
حيث الصحابه مع طرفها تفلي
يمشون معها بدون كزمه ولاكوت
وشف سعرها بالسوق فيها تغلي
من أقصى الخليج ألى مشاريق بيروت
باغيها لياجو النشامى لهم قوت
والأزهري من فوقهن دوم مكتوت
كار النشامى يالخوي عادة ٍ لي
نبغى الفخر قبل يجي مالك الموت
وبعض المجالس مابها فايدة ٍ لي
لعابة ٍ فيها مع الهند بيلوت
ياجيتهم تلقاهم صموت وسكوت
وأذا سألته صد يمك . عقب صوت
ولاقيل بأن محركه يصرف زيوت
قيرين فيه ونطرم التنك فلي
نمشي مع البيداء مسانيد وكتوت
أحسن من سيرة واحد ٍ يخرب بيوت
وأم العذارا ياعفات أظحك لي
ومن قبلنا قال العواجي على نوت
وكم ساعة ٍ قالت تفضل ولاتفوت
وثمانها بيض ٍ تقل حب ياقوت
قلت آآه قلي ياريش العين قلي
أنا طريح من الهوا ليه وقوت
والصين مع باريس وديار جابوت
راع الهوا ماله طبيب ٍ يدلي
طب الهوا رص الشفايف بلا صوت
حبك سلاني والحشى صار مبهوت
ياما أعقدلي بالهوا وأفتل لي
وفرقتهن فرق المعادن عن التوت