شفت الخبل ماهو اللي فيه خبال
ترى الخبل من تقدى بالخبول
خلق ربك لو تطابق بالاشكال
خذ شوار ٍ من صناديد الرجال
اللي تبرك باللوازم للحمول
إن بدالك لازم ٍ ترفى الخمال
وان تبعت السنع حطولك قبول
لاتحاول .. لأ ..مافيها جدال
لو حاولت الناس ترك ماتحول
خلك ترجح بالموازين الثقال
لا تطيح بوسط ميزان البطول
بالعريضه والقصيرة والطوال
لاتدخل وانت ماتعرف الحلول
وكل اجابه تجي من بعد السؤال
إن ماحسمت أمرها يمكن تطول
يصعب عليك الصعود من النزول
لو طلعت العالية روس التلال
قبلك ناس صاعده روس التلول
وكل فاهم يعرف دروب الاصول
اسألك عن حالة ٍ في كل حال
وفيه شي ٍ لو تشيله مايشال
وأن أشلته تحتفظ به بالوصول
قلت لغز ٍ مثل من عرض الامثال
والسنه يطلع بها اربع فصول
فكر في دنياك وتشوف الهلال
لاتعميها بين عين وبين دال
ليا عميت العين مايفيد الكحول
من لايعرف العمام من الخوال
لاتحسب أنك كامل ٍ فيك الكمال
الكامل الله اللي حكمه مايزول
رازق الأعباد وأبن ادم عجول
والختامه مسك بختام المقال